ئەمە بڵاوبكەوە
FaceBook  Twitter  

سه‌رچاوه‌یه‌ك له‌ وه‌زاره‌تی دارایی و ئابووری هه‌رێمی كوردستان رایگه‌یاند، رۆژی دووشه‌ممه‌ 26ی ئه‌م مانگه‌ مووچه‌ی چه‌ندین وه‌زاره‌ت و ده‌سته‌ و فه‌رمانگه‌ی هه‌رێمی كوردستان دابه‌ش ده‌كرێت.

سه‌باره‌ت به‌و شوێنانه‌ی مووچه‌كانیان دابه‌ش ده‌كرێت گوتی: رۆژی دووشه‌ممه‌ هه‌ریه‌ك له‌ وه‌زاره‌ته‌كانی شاره‌وانی و گه‌شتوگوزار، گواستنه‌وه‌ و گه‌یاندن، كاره‌با، پلاندانان، كشتوكاڵ، سه‌رچاوه‌كانی ئاو، ئاوه‌دانكردنه‌وه‌ و نیشته‌جێكردن، رۆشنبیر و لاوان، بازرگانی و پیشه‌سازی و ده‌سته‌كانی مافی مرۆڤ، ده‌ستپاكی، وه‌به‌رهێنان، ژینگه‌ و ده‌زگای مین، ناوچه‌كانی ده‌ره‌وه‌ی ئیداره‌ی هه‌رێم، دیوانی چاودێری دارایی، كۆمسیۆنی باڵای هه‌ڵبژاردن و هه‌رسێ سه‌رۆكایه‌تییه‌كان هه‌رێم، په‌رله‌مان و ئه‌نجوومه‌نی وه‌زیران مووچه‌كانیان وه‌رده‌گرن.