ئەمە بڵاوبكەوە
FaceBook  Twitter  

سەرۆکی فەرمانگەی تەکنەلۆژیا و زانیاری ئەنجومەنی وەزیران رایگەیاند، قۆناغی دوەمی سیستمی بایۆمەتری دەستپێدەکاتەوە و چاكسازیی تەواو لە ناوی موچەخۆراندا دەكرێت.

هیوا ئەفەندی، سەرۆكی فەرمانگەی تەكنەلۆژیا و زانیاریی ئەنجومەنی وەزیران رایگەیاند: هەمو ئامادەكارییەكان بۆ قۆناغی دوەمی سیستەمی بایۆمەتری لە هەرێمی كوردستان كراوە و پێشبینی دەكەن لە داهاتویەكی نزیكدا سیستەمەكە دەستپێبکات".

ئاماژەی بەوەشکرد، لە قۆناغە نوێیەکەدا چاكسازیی تەواو لە ناوی موچەخۆران دەكرێت و دوو موچەیی نامێنێت.

سەرۆكی فەرمانگەی تەكنەلۆژیا و زانیاریی ئەنجومەنی وەزیران دەشڵێت، لە قۆناغی دووەمی پرۆسەی بایۆمەتریدا ژمێریارییەكان و میلاكات و گواستنەوەی ڕاژەش دەبنە ئەلیكترۆنی.

بەپێی ئاماری سیستمی بایۆمەتری حكومەتی هەرێمی کوردستان ملیۆنێك و 249 هەزار و 489 فەرمانبەری هەیە و نزیكەی 700 هەزاریان خانەنشینن.

لە 3ی شوباتی 2016 بەبڕیاری ژمارە 71ی ئەنجومەنی وەزیران، فەرمانگەی تەکنەلۆژیای زانیاری راسپێردراوە، وەکو لایەنی جێبەجێکاری تەکنیکی پڕۆژەی تۆماری بایۆمەتریی سەرجەم موچەخۆران.