ئەمە بڵاوبكەوە
FaceBook  Twitter  

 

گەڵا جاف

 

لە شارۆچكەی كەلاری ناوەندی ئیدارەی فۆرمی یەكەی نیشتەجێ بوون بەبێ بەرامبەر بەسەر فەرمانبەراندا دابەش دەكرێ.

رزگار وەهاب، سەرپەرشتیاری دابەشكردنی یەكەكانی نیشتەجێ بوون لەكەلار، سێشەممە 10ی ئەیلولی 2019 بە رێگای كوردستان-ی راگەیاند، "وەك سەرپەرشتیاری دابەشكردنی فۆرمەكانی یەكەی نیشتەجێبوون، ئاگاداری هەموولایەك دەكەینەوە بۆ هیچ كەس و لایەنێك نیە پارە وەربگرێت لەبری پێدانی فۆرمی یەكەی نیشتەجێبوونی فەرمانبەران لەشارۆچكەی كەلار".

ناوبراو راشیگەیاند، "ئەوە رووندەكەینەوە كەدابەشكردنی فۆرمەكان لەلایەن یەكێتی فەرمانبەرانەوە بەشێوەیەك دەبێت كەبەسەر نوێنەری سەرجەم فەرمانگەكانی سنوری كەلار دابەش دەكرێت، لە هەفتەی داهاتووەوە بەبێ بەرامبەر دەبێت واتا هیچ بڕەپارەیەك لەفەرمانبەر وەرناگیرێت لەكاتی وەرگرتنی فۆرمەكە، بۆیە هەر كەس و لایەنێك پارەی وەرگرت لەكاتی دابەشكردنی فۆرمەكانی یەكەی نیشتەجێبوون و پێنەدانی فۆرمە بەبیانوونی نەدانی پارە ئاگادارمان بكەنەوە.

جەختی لەسەر ئەوەشكردەوە، " نابێت فەرمانبەر هیچ بڕە پارەیەك بدات لەبری وەرگرتنی فۆرمی یەكەی نیشتەجێبوون. وە هیچ لایەنێك بۆی نیە فۆرم دابەشبكات جگە لەیەكێتی فەرمانبەران نەبێت كەنوێنەری ڕێگە پێدراوی دابەشكردنی فۆرمی فەرمانبەرانە لەسنوری قەزای كەلار".