ئەمە بڵاوبكەوە
FaceBook  Twitter  

 

لەكاتی گەڕانەوەیاندا بەهۆی لەدەستدانی كۆنتڕۆڵی ئۆتۆمبیلەكەیەوە پاسێكی قوتابیانی پەیمانگای تەكنیكی دوكان لەسەر رێگای دوكــان-سلێمانی وەرگەرا و ژمارەیەك قوربانی لێكەوتەوە.

لەوبارەیەوە سیامەند عەلی ئێشكگری كارگێڕی نەخۆشخانەی شاری سلێمانی بە میدیاكانی راگەیاند: بەهۆی رووداوی وەرگەڕانی پاسێكی خوێندكارانی پەیمانگای تەكنیكی دوكانەوە لەسەر رێگای سلێمانی – دوكان لەشوێنی رووداوەكە كچە خوێندكارێك گیانی لەدەستداوەو هەر لەوێوە تەرمەكەی رەوانەی پزیسكی دادوەری كراوە، 22ی تریش بریندار بوون و بەمەبەستی چارەسەركردن رەوانەی نەخۆشخانەی شار كراون.

سیامەند راشیگەیاند، دوای گەیاندنیان بەنەخۆشخانەی شار كچە خوێندكارێكی تر بەهۆی سەختی برینەكەیەوە شار گیانی لەدەستداوەو تەرمەكەی رەوانەی پەیمانگای پزیشكی دادوەری سلێمانی كراوەو باری تەندروستی خوێندكاریش تریش ناجێگرە.

ناوبراو ئەوەشی خستەڕوو، چارەسەری پێویست بۆ سەرجەم بریندارەكان كراوەو سەرجەمیان لەنەخۆشخانە ماونەتەوە.