ئەمە بڵاوبكەوە
FaceBook  Twitter  

زاهیر ئیبراهیم-سۆران 

پێشنیوەڕۆی ئەمڕۆ چوارشەممە، 6ی تشرینی دووەمی 2019لە شاروچكەی سۆرانی سەر بە پارێزگای هەولێر، لەلایەن كەسێكەوە دەست ڕێژی گوللە لە 4 كەس كرا لە ئەنجامدا كەسێك گیانی لە دەستدا و سێ كەسیش بە سەختی زامدرابوون، پۆلیسی سۆرانیش دەڵێت بكوژەكەیان دەستگیركردووە. 

لە كۆنگرەیەكی ڕۆژنامەوانیدا ئەرسەلان حمدامین بەڕێوەبەری پۆلیسی سۆران ڕایگەیاند" دوای ڕووداوەكە لەگەڵ یەكەی ئیدارەی سۆران بكوژی ڕووداوەكەیان دەست گیركردووە و پەڕاوی لێكۆڵینەوەش بۆ ڕووداوەكە كراوەتەوە . هەروەها وتیشی" كێشەكە لە نێوان چەند كاسبكارێك و خاوەن موڵكێك بووە و دەبێتە دەمەقاڵە لە ئەنجامدا كەسێك دەست ڕێژی لە 4 كەس دەكات بەداخەوە كەسێك گیانی لە دەستداوە و ئەوانی تریش كە سێ بریندارن ڕەوانەی نەخۆشخانەی هەولێر كراون".

لە نێو قوربانیانی دەست ڕێژی ئەمڕۆ بۆ سەر كاسبكارانی سۆران شێرزاد حسێن مەلا كە خێزاندارە و پیشەی پێشمەرگەیە گیانی لە دەستدا ،هەروەها 3 لە بریندارەكانیش بە ناوی جێگرحسێن و بەهێز ڕەشاد و تەحسین ئیبراهیم بە سەختی زامدار بوون .