ئەمە بڵاوبكەوە
FaceBook  Twitter  

رۆژى هه‌ینى 15ی تشرینی دووەمی 2019 لە هۆڵی هۆتێل گراند میلینۆم لە سلێمانی، مەراسیمێكی شایستە بۆ چلەی كۆچى دوایى (پڕۆفیسۆر دكتۆر عیزەدین مستەفا رەسوڵ) بەڕێوەچوو، كە تیایدا ژمارەیەكی به‌رچاو له‌ بەرپرسانی حكومی و بەرپرسی لایەنە سیاسییەكان و ئەدیب و رۆشنبیر و هاورێیانى و خانەوادەكەی ئامادەبوون.

هەر لە چلەی ماتەمینەكەدا، وەفدێكی باڵای حزبی شیوعی كوردستان بەشداری یان كردو تێیدا وتاری دكتۆر كاوە محمود، سكرتێری كۆمیتەی ناوەندی حزبی شیوعی كوردستان، وتاری حزبی خوێندەوە.

پڕۆفیسۆر دكتۆر عیزەدین مستەفا رەسوڵ ساڵی 1934 لە سلێمانی لەدایكبووە و ساڵی 1948 بووه‌تە ئەندامی حیزبی شیوعی عێراق، ساڵی 1959 خانەی مامۆستایانی تەواوكردووە و ساڵی 1963 یەكەم بڕوانامه‌ى دكتۆرای لەشاری باكۆ وەرگرتووە.

دكتۆر عیزەدین زیاتر لە 90 كتێبی بڵاوكردۆتەوە و سەرپەرشتی نامەی ماستەر و دكتۆرای چەندین ئەكادیمی كردووە، سەر لەبەیانی رۆژی 3ی تشرینی یەكەمی 2019یش لە سلێمانی كۆچی دواییكرد.

فاروق مەلا مستەفا، سەرمایەداری نیشتمانی و برای د. عیزەدین له‌و مه‌راسیمه‌دا وتاری بنەماڵەكەیانی خوێندەوە و رایگەیاند: "بەشداریكردنتان نموونەی وەفادارییە بۆ پیاوێك كە هەموو تەمەنی بۆ خزمەتی گەل و نیشتمان تەرخانكردووە، كاكە گیان تا لەژیاندا بین یەك چركە تۆمان لەبیرناچێت، كە هەواڵی جەرگبڕی پڕ ئازاری مەرگتم پێگەیشت بەپەلە گەیشتمە سەرت، باوەڕم نەدەكرد بەجێمان دەهێڵیت، بۆیە كەوتمە جوڵاندنی جەستەت و فووم دەكردە ناو دەمت، بەڵكو بكەویتەوە جوڵە، بەڵام قەدەر ئەوەی كرد مەرگی تۆ ببینم كە حەزم دەكرد بەپێچەوانەوە بوایە".

Image may contain: one or more people

Image may contain: 4 people, crowd

Image may contain: 5 people, including Hawre Renwar Renwar

Image may contain: 6 people

Image may contain: 4 people, including Hawre Renwar Renwar, suit

Image may contain: 1 person, sitting and text

Image may contain: 5 people, suit and indoor