ئەمە بڵاوبكەوە
FaceBook  Twitter  

سەبارەت کونگرێ روژنامەڤانی یێ دوھی ل روژا ( ١٨/٥/٢٠٢٠ ) ژلایێ ھەوە ڤە ھاتیە ئەنجامدان ل دور خرڤەبونا موچەخوران ل پارکا ئازادی ژبو داخوازیا مافێن خویێن رەوا و وەرگرتنا موچێ مەھانەیێ گیروکری و نەھاتیە دابەشکرن و ڤەگەراندنا پارێ پاشکەفتێ ب زوری لێ ھاتیە برین ئەم وەک کومیتا پارێزگەھا دھوکێ یا حزبا شیوعی کوردستانی چەند تێبینی مە لسەر ھەنە و رادگەھینین :

١- گرێدانا چالاکیا خرڤەبونا موچەخوران ب ھەڤرکیێن بەرتەنگێن حزبی تایبەت یێن دەستھەلاتێ ڤە ب نە ساخلەم و نە رەوا دزانین و ئەرکێ حکومەتێ یە چارەسەریا ئەڤان کێشا بکەت .

٢- مافێ ھەمی تەخێن جڤاکی یە بەرگریێ ژ مافێن خویێن رەوا بکەن ب رێین چالاکیێن ئاشتیانەیێن جوداجودا و دەرفەت بو بھێتە دان و ئەرکێ حکومەتێ یە پاراستنا وا بکەت.

٣- د گوتنێن خو دا دەستەواژا ( کومونیست بێ دینن ) ب کار ئانییە ئەڤ گوتنە یاسەرکەفتی نەبوو وخزمەتا ئازادیا سیاسی و رادەربرینێ ناکەت و ب دروستی نازانین کا چ مەبەست ل بشتە و , شیوعیان ب کریار خو سەلماندیە ب دلسوزی و وەفاداری و دەستپاکی وگیان فیدایی بو دوزا رەوایا گەلێ کوردستانێ و مافێ زەحمەتکێشان و شیوعی درەوشتێ خودا رێزەکا بێ سنور ل باوەریا خەلکێ و ئایین و ئاینداران دگرن و ئەڤێ باوەریێ جودادکەت لگەل سیاسەتێ .

٤- ئاماژە کرییە د ئاخفتنێن خو دا ب کورتە نامان ( مەسج ) و پەیوەندیان دنافبەرا خرڤەبویاندا وخەلکەکێ دی و دیارکر کو د لێ ئاگەدارن و ل ژیر دەستێن واندا یە ئەڤەژی زێدەگاڤیەکا زەقە لسەر مافێ مروڤی و ئەف مافە یێ پاراستیە ب یاسایێ وچاڤدێریکرنا ڤان جورەپەیوەدیان بێی بریارا دادوەری و بو کەیسێن تایبەت ناھێتە کرن . 

دووبارە ئەم خویا دکەینە ڤە کو شیوعی بشتەڤان و پالبشتێن مافێن رەوایێن موچەخوراینە و بێ دوو دلێ دێ بەرگریێ ژێ کەین ودژ ھەر دەست تێوەردانەکا بەرتەنگا حزباتێینە کو بو مەبەستەێن نە رەوا و تێگدانێ بھێنە بکارئینان

کومیتا پارێزگەھا دھوکێ 

یا حزبا شیوعی یا کوردستانی 

١٩/٥/٢٠٢٠