ئەمە بڵاوبكەوە
FaceBook  Twitter  

سازدانی: رێگای كوردستان 

تادێت دۆخی سیاسی و ئابووری و ئیداری لە هەرێمی كوردستان لە هەموو رووێكەوە رووە و شپرزەیی و ئاڵۆزی دەڕوات، لە سایەی ئەو دۆخە ناهەموارەش ژیان و گوزەرانی گەلی كوردستان تا دێت سەختتر دەبێت، بۆ تاووتوێكردنی ئەم واقیعە و فۆرمۆڵەكردنی زیاتری گوتاری سیاسی دژ بە گەندەڵی و نادادی، ماڵپەڕی رێگای كوردستان بەپێویستی زانی ئەم تەوەرە بكاتەوە، بۆ ئەم مەبەستەش پرسیارەكانی ئاراستەی بەڕێز هاوڕێ (رێبەر ئامێدی) ئەندامی كۆمیتەی ناوەندی و بەرپرسی كۆمیتەی پارێزگای دهۆكی حزبی شیوعی كوردستان كرد.

*خەریكە شا ڕەگی ئابووری هەرێم لەنێو گەندەڵیدا بەیاسایی دەكرێت، چی بكرێت بۆ رزگار كردنی؟

+ دەمێ سروشتێ دەستهەلاتا هەرێما كوردستانێ سەرمایەداریەكا پاشڤەمای و دیڤەلانك بیت و بەرهەمێ وێ دێ بیتە دروستكرنا بورجوازەكا توفەیلی و بیروكرات وبرەف مێژتنا تەف سەرمایێ نیشتمانی و مافی هاوەلاتیان دچیت و ب پاوانكرنا هەمی جومكێن دەسته لاتی هەولا یاسایی كرنا كەندەلیێ ددەن و كارێن خرابتر دێ كەن لێ فەرە هند لایەنێن سیاسی و كەسێ نیشتمانپەروەر و رەونشەنبیرو جەماوەرێ هشیار د بزڤا ریبریبونێ دابن بو رسواكرنا گوندلكاران رێ لێگرتن و سزادان وان د چوارچوڤێ تێكوشانا سقیل دا ژبو حكومەتەك باش ودەستەبەركرنا تێگەهی هاولاتیبونی وژیارەكا بەختەوەر .

*تەمەنی حكومەتی هەرێم بۆ سی ساڵ دەڕوا هێشتا بەدەست دوو پارتەوەیەو ئەوانیش خستویانەتە بەرژەوەندی خۆیان، كاتی گۆڕانكاری نەهاتووە؟

رێبەر ئامێدی: ل هەرێما كوردستانێ رەوشەكا تەندروست نەبوویە بو گەشەكرنا دیموكراسیەتێ ولێكگوهرینا ئاشتیانەیا دەستەلاتێ ژبەركو هەڤركیا سیاسی تایبەت دناف بەرا هەردوو حزبێن حوكمدار دا ژ ئارمانجا خویا راستەقینە دا دەركەفتییە ل جهێ كرنگیێ بدەنە هەڤركیا سەرەكی و رێكخستنا نافمالیا كوردستانی و بەرگریێ ل مافێن گەلێ كوردستانێ بكەن د عیراقێ دا، موژیلی سەپاندن و كونترلوكرنا دەستهەلاتا خونە ل هەرێمێ و بو گرەنتیكرنا ئەڤێ چەندی پەنا بریە بو هەمی رییان تا بەرژەوەندێن وان یێن بەرتەنگ ژ دەست نەچن ئەڤەژی ل سەر كیستێ ژیارا خەلكێ و بەتەنگرنا ئازادیان كو بو ئەگەری سەرهلدانا قەیرانێن كویر د دەستهەلاتێ دا ونەرەحەتیا زوربەی تەخێن جڤاكی ئەڤێ هەڤركیێ ئاستێ هوشیاریا خەلكێ بلند كریە وجادا گورانكاریا د لڤینێ دا ژبو راسڤەكرنا ریبازا سەقەتا دەستهلاتێ ودەستەبەركرنا ژیارەكا برومەت بو پرانیا خەلكێ كوردستانێ ئەڤچەندەژی رێ خوشكەرە بو دروستبونا بەدیلەكێ كونجای بو حوكمرانیێ و سەركێشیا دوزار رەوایا گەلێ كوردستانێ .

*دەست و ئەجندای وڵاتە هەرێمایەتییەكان تا دێ‌ درێژتر دەبێت و كاریگەری نەرێنی درووستكردووە، پێتوانییە بەبەردەوام بوونی ئەزموونەكەمان بەرەو لەناوچوون دەبا؟

رێبەر ئامێدی: بێ گومان ئەگەر حكومەت و لایەنێن سیاسی ستراتیژەكا كوردستانی یا ئێگرتی نەبیت و هەردوو حزبێن حوكمران موژیلی بەرژەوەندێن خویێن بەتەنگبن و نافمالیا كوردستانی یا بەرتوبەلاڤ بیت د چوارچوڤێ عیراقەكا لاواز و تایفگریدا، دێ ئەزمونا هەرێمێ هەر دەم د مەترسیێ دا بیت و مایتێكرنا هەرێمایاتی و نیف نەتەوەیی دێ كویرتر لێ هێت .

*بۆچونێك هەیە هەموو ئەوانەی خۆیان بە ئۆپۆزۆسیۆن ناساند بە ئیسلامی و عیلمانیەوە بەرژەوەندیەكان كپی كردنەوە، ئاخر ئەوەی ئەمڕۆش خەریكی جوڵاندنی شەقامە هەروایە، چۆن ئۆپۆزۆسیۆنێكی تەندرووست درووست دەبێ‌؟

رێبەر ئامێدی: تێگەهێ ئوپوزوسیونێ ل هەرێمێ هێش نەگەهشتیە ئاستێ پێدڤیا قوناغێ دا، ژبەر سێ ئەگەران ئیك قوناغا رێزگارییا نیشتمانی كو ئەڤرو كوردستان تێدا دەربازدبیت ئەف قوناغە دخازیتە تەڤ لایەنێن سیاسی بهەڤرا كار بكەن تا بگەهنە ئارمانجێ، یادووێ ئەزمونا بەری نها یا سەرهلدانا ئوپوزوسیونێ ل خولێن بوریێن پەرلەمانی و بكارئانینا كوتارا پوپولیستی وكاركرن ل سەر هەست نەستێن جەماوەری بێی پێگیریكرن ب بەرنامێ خو رویەكێ نەكەتیف دایێ دناف جڤاكێ دا و بێ باوەری بو خەلكێ چێكر، و یا سیێ پرانیا لایەنێن خو ب ئوپوزوسیون ددەنە ناسكرن ژبلی حزبا شیوعی چ جیوازی نینە دگەل دەستهەلاتێ د بەرنامێ ئابوریدا و چ بەرنامێن هەڤكاریێ یێن رون نینن دناف بەرا ئەوان لایەناندا ژبەر هندێ یا بساناهی نینە ئەڤرو ئوپوزوسیون بشێت رولەكێ بەرچاڤ بگێریت د هەمبەری حكومەتێ دا . ژبو ئوپوزوسیونەكا تەندروست دخازیت گەشە ب لڤینا شەقامێ نەرازی بهێتەدان و خەلك ل خودێ دخازیێن خو خودانبیت وبشێوەیەكێ بەرنامیی لبن سایێ سەركێشیەكا باوەرپێكری وبكار و چالاكیێن رێكخستی ڤە بكەڤنە تێكوشینێ دویر ژ هەمی مایتێكرن و دوستێوەردانێن بەرتەنگێن حزبی وسیاسیی كرنا داخازیێن رەوایێن جەماوەری .

*ئێستا شەقام توڕەیەو بەڵام كەس نییە پێشڕەویان بكات، حزبی شیوعی پێشتر ئەزموونی هەبوەو بەڕای بەڕێزتان كاتی گرتنە دەستی شەقام نەهاتووە؟

رێبەر ئامێدی: حزبا شیوعی هەبونا وێ یا گرێایە ب هەبونا چەوساندن و نەدادی و داگیركەرنێ ڤە و هەر ل دەسپێكا وێ رولەكێ هەری گرنگ و سەرەكی هەبویە ل دیف پێدڤیێن قوناغێ و جورێن خەباتێ بو ریبریبون و تێكوشینێدا ژبو ب دەستڤەئینانا مافێن رەوایێن گەلێ مە، و جادە ئێك ژ گورەپانێن هەری گرنگن ل جەم شیوعیان بو بەرگریكرنێ ژ ئارمانجێن رەوا و ژیار ب رومەتا خەلكێ مە و ونها ژی شیوعی بەشكن ژ لڤینا شەقەمی وهشیاركرنا جەماوەری ژبو بدەستڤەئینانا مافێن خویێن رەوا ب رێین خەباتا سقیل وئاشتیانە دور ژ هەر توندوتیژیەكێ، دبیت رولێ شیوعیان د ئاستێ حەزاندنا نەبیت ب بەراورد لگەل مێژویا وێ، لێ شیان و پێدڤیێن تێكوشینا قەناغا ئەڤرو یا گەلێ مە ئەڤی رولی رون دكەت ویافەرە ب گرێدانەكا زانستیانە بو ئارمانجێن نیشتمانی و دیموكراسی و چینایەتی شیوعی و هەمی نیشتمانپەروەر و دیموكراتیخواز و جەماوەرێ ماف لێ خواری بكەڤە تێكوشینەكا رێكخستی خودی بەرنامەكێ رون و ئاشكرا ولژێر دروشمێن ژینواری تا ببنە فشارەكا راستەقینە ل سەر دەستهلاتێ و مافێن رەوایێن گەلی مە و جەماوەرێ تێكوشەر ب دەستڤەبینن.