ئەمە بڵاوبكەوە
FaceBook  Twitter  
 
پاشنیوەڕۆی ئەمڕۆ شەممە 2020/09/12 لە هاوینەهەواری ئەحمەدئاوای هەڵەبجە ئۆتۆمبێلێک وەردەگەڕێت و چوار کەس تێیدا گیان لەدەستدەدەن.
 
د.عەزیز شەوکەت، بەڕێوبەری مەڵبەندی تەندروستیی شەھید عەلی شیعە لە خورماڵ بە بەمیدیاكانی راگەیاند، "حەوت کەس لەنێو ئۆتۆمبێلەکەدا بوون و سیانەکەی دیکەیان بریندار بوون و رەوانەی سلێمانی کراون".
 
هەروەها رائید بەرزان عوسمان، وتەبێژی بەڕێوەبەرایەتیی پۆلیسی پارێزگای هەڵەبجە رایگەیاند، ئۆتۆمبێلەکە لە جۆری کیا بووە و چوار مردووەکە لە رەگەزی نێرن و ناسنامەیان پێ نییە.
 
وتەبێژی بەڕێوەبەرایەتیی پۆلیسی پارێزگای هەڵەبجە ئاماژەی بەوە دا، دۆسیەی رووداوەکە لە پۆلیسی خورماڵ رێکخراوە و تەرمەکان رەوانەی پزیشکی دادی پارێزگای هەڵەبجە کراون.