ئەمە بڵاوبكەوە
FaceBook  Twitter  

 

گەڵا جاف 

ئەمڕۆ پێنج شەممە ، زیاتر لەسەرچاوەیەك لە سنوری پارێزگای كەركوك و دیالە ئاشكرایانكرد،درەنگانی ئەمشەوی رابردوو سەربازێكی عێراقی بەهۆی تەقینەوەی بۆمبەوە گیانی لەدەستداو 2ی تریش برینداربوون،هاوكات 2هاوڵاتی كوژراو و 2ی تریش برینداربوون.

لویس خزر ، قایمقامی قەزای داقوق ، ئەمڕۆ پێنج شەممە22/10/2020، بە (رێگای كوردستان)ی راگەیاند:" درەنگانی ئەمشەوی رابردو لەگوندی تامور لە سنوری قەزای داقوق بۆمبێكی چێنراو بە ئۆتۆمبیلێكی سوپای عێراقیدا تەقیەوە ." 

گوتیشی :"بەهۆی ئەوتەقینەوەوە سەربازێك گیانی لەدەستداوەو 2 سەربازی تریش برینداربووە." 

ئەوەشی خستەرو:"بریندارەكان گواستراونەتەوە بۆنەخۆشخانە و هێزە ئەمنیەكان پاشتر چوونەتە ئەو گوندەی كە تەقینەوەكە تێیدا روویدابوو."

هاوكات ،نیهاد محەمەد گوتەبێژی پۆلیسی دیالە، بە (رێگای كوردستان)ی راگەیاند" ئەمشەو لەسنوری ناحیەی گولاڵە سەربەقەزای خانەقین تیرۆریستانی داعش 3كەسیان كوشتوە و2 كەسی تریشان برینداركردوە ئەوەش پاش ئەوەی كە بازگەیەكیان دانبوو.