ئەمە بڵاوبكەوە
FaceBook  Twitter  

گەڵا جاف- رێگای كوردستان

ئێوارەی ئەمڕۆ هەینی هاووڵاتیەك لە شاری سلێمانی دەچێتە تەوالێتی پزیشكی دادوەری نەخۆشخانەی شارەوەو چەقۆ لەملی خۆی دەدا پاشتر بەسەختی برینداربووە ،پۆلیس رزگاری كردوەو گەیاندویەتی بەنەخۆشخانە. 

نەقیب سەركەوت ئەحمەد ، گوتەبێژی بەرێوەبەرایەتی پۆلیسی پارێزگای سلێمانی بە (رێگای كوردستان)ی راگەیاند، ئێوارەی ئەمڕۆ هەینی 23/10/2020، هاووڵاتیەكی كوردی خەڵكی شاری سلێمانی بەلای نەخۆشخانەیەكی سلێمانیدا تێپەڕیووە داوای لە پۆلیس كردوە رێگەبدەن بچێتە تەوالێتی پیشكی دادوەری نەخۆشخانەی سلێمانی ،كەچووە لەناكاودا دەنگی دەرگاكەهاتووە ،پاشتر پۆلیسەكان چوونەتە نزیكی تەوالێتەكەوە وایان زانیوە بوراوەتەوە،بەڵام پاشتر بینویانە چەقۆی لەملی خۆی داوە و خۆی خەڵتانی خوێنكردوە.

گوتیشی ، پۆلیسەكان دەرگاكەیان شكاندوە لەكاتی رزگاركردنی ، ئێستەش ئەو هاووڵاتیە كەهەوڵی خۆكووشتنی داوە گەیەنراوەتە نەخۆشخانەی شار ولەژێر چاودێری پزیشكدایە.