ئەمە بڵاوبكەوە
FaceBook  Twitter  

 

به‌ڕێوه‌به‌رایه‌تی په‌روه‌رده‌ی سلێمانی رایگەیاند، بەمەبەستی تاوتوێکردنی پرۆسەی خوێندن و میکانیزمی دەستپێکردنەوەی پرۆسەکە لەکاتێکدا بڕیاری کردنەوەی دەرگای خوێندنگاکان درا، ئەمڕۆ کۆبونەوەیەکی فراوان ئەنجام دەدەرێت.

 به‌ڕێوه‌به‌رایه‌تی په‌روه‌رده‌ی رۆژئاوای سلێمانی لەراگەیەنراوێکدا  باسی لەوەکردوە، ئاگاداری سه‌رجه‌م بەرێوەبەرانی‌ خوێندنگە ئامادەیی‌ و پیشەییەکانی‌ سنوری‌ پەروەردەی‌ رۆژئاوا دەکەن کە كاتژمێر 11:30 خوله‌كی پێشنیوه‌ڕۆی ئەمڕۆ  چوارشەممە به‌شداری له‌ كۆبونه‌وه‌یه‌كی فراواندا ئامادەبن.

  کۆبونەوەکە لەدیوانی‌ پەروەردەی‌ رۆژئاوا ده‌بێت و به‌ڕێوه‌به‌ری خوێندنگاکان ئاگادار دەکەنەوە كه‌ ئامادەبون له‌ كۆبونه‌وه‌كه‌دا بەبەشێک لە دەوامی‌ فەرمی‌ دادەنرێت.

دوای چەندجارێک دواخستنی پڕۆسەی خوێندن بەهۆی مەترسی زیاتر تەشەنەسەندنی ڤایرۆسی کۆرۆنا، بڕیارە سبەینێ چوارشەممە لیژنەی باڵای بەرەنگاربونەوەی کۆرۆنا لەسەر ئاستی هەرێم کۆببێتەوە و بڕیاری نوێ لەبارەی پرۆسەی خوێندن و رێکارە خۆپارێزییەکان دەربکات.