ئەم هەواڵە بڵاوبكەوە
FaceBook  Twitter  

لە باكووری پاریسی پایتەختی فەرەنسا ئۆتۆمبێلێك خۆی كرد بەناو ژمارەیەك سەربازی ئەو وڵاتەداو لە ئەنجامدا شەش سەرباز برینداربوون، شۆفێرەكەش هەڵات. 

ئاژانسی هەواڵی رۆیتەرز بڵاویكردەوە، كاتژمێر 8ی سەر لەبەیانی رۆژی چوارشەممە، شۆفێرێك كە ئۆتۆمبێلێكی جۆری بی ئێم دەبلیوی پێ بووە، ژمارەیەك سەربازی لە ناوچەی لۆڤالۆ پێری، لە باكوری شاری پاریس كردووە بەژێرەوە، لە ئەنجامیشدا شەش سەرباز برینداربوون، برینی دووان لە بریندارەكانیش سەختە، بریندارەكانیش رەوانەی نەخۆشخانەیەكی سەربازی لە كلامار كراون.

لای خۆیەوە سەرۆكی شارەوانی ناوچەكە رایگەیاندووە، هێرشەكە بە مەبەست بووە و شۆفێرەكەش هەڵهاتووە، دوابەدوای رووداوەكەش هێزە ئەمنییەكان ناوچەكەیان گەمارۆداو ئۆپەراسیۆنێكیان ئەنجامدا.

بەگوێرەی دوایین هەواڵەكانیش پۆلیسی فەرەنسا توانیوەیتی شۆفێرە هەڵاتووەكە دەستگیر بكات.