ئەم هەواڵە بڵاوبكەوە
FaceBook  Twitter  

ویلایه‌ته‌ یه‌كگرتووه‌كانی‌ ئه‌مه‌ریكا سزای‌ به‌سه‌ر هه‌شت به‌رپرسی‌ ڤه‌نزوێلا-دا سه‌پاند، به‌هۆی‌ ئه‌و رۆڵه‌ی‌ بینیویانه‌ له‌ دامه‌زراندنی‌ ده‌سته‌یه‌كی‌ یاسایی‌ كه‌ ده‌سه‌ڵاتێكی‌ زۆری‌ هه‌یه‌و پشتیوانی‌ له‌ نیكۆڵاس مادۆرۆ-ی‌ سه‌رۆكی‌ ئه‌و وڵاته‌ ده‌كات.

ئه‌و سزایانه‌ی‌ ئه‌مه‌ریكا كه‌ دوێنێ ده‌ركران ژماره‌یه‌ك كه‌سایه‌تی‌ سیاسی‌ و ئه‌منی‌ ڤه‌نزوێلا-ی‌ گرته‌وه‌ كه‌له‌نێویاندا ئادان چاڤێزی‌ ئه‌ندامی‌ ئه‌نجوومه‌نی‌ دامه‌زراندن و برایه‌كی‌ هۆگۆچاڤێز-ی‌ سه‌رۆكی‌ پێشووی‌ ڤه‌نزوێلا هه‌ن .

سزاكان خۆیان ده‌بیننه‌وه‌ له‌ بلۆككردنی‌ سامانی‌ ئه‌و هه‌شت هه‌شت كه‌سه‌ له‌ بانكه‌كانی‌ ئه‌مه‌ریكاو رێگریكردنیان له‌سه‌ردانیكردنی‌ ئه‌و وڵاته‌و قه‌ده‌غه‌ی‌ مامه‌ڵه‌كردن له‌گه‌ڵیاندا.

سه‌رجه‌می‌ سزاكانیش به‌دوورگیراون له‌كه‌رتی‌ نه‌وتی‌ ڤه‌نزوێلا، له‌و باره‌یه‌شه‌وه‌ به‌رپرسانی‌ ئه‌مه‌ریكا رایانگه‌یاندووه‌ كه‌ سه‌پاندنی‌ سزا به‌سه‌ر كه‌رتی‌ وزه‌دا كه‌(پێده‌چێت جووڵه‌ی‌ ئابوری‌ ڤه‌نزوێلا په‌كبخات) هێشتا تاوتوێده‌كرێت.