ئەم هەواڵە بڵاوبكەوە
FaceBook  Twitter  

بەهۆی پێكدادانی دوو شەمەندەفەرەوە لە میسر (45)كەس گیانیان لە دەستداو و زیاتر لە (130)كەسی دیكەش برینداربوون.

شەریف وەدیع وەزیری تەندروستی میسر رایگەیاند ژمارەی ئەوانەی لەو ڕووداوە داگیانیان لە دەستداوە گەیشتۆتە چلو پێنج كەس و زیاتر لە سەدو سی كەسیش برینداربوون وئەگەری هەیە بەهۆی سەختی برینی هەندێك لە بریندارەكانیشەوە ژمارەی قوربانیەكان ڕوو لە زیادبوون بكات. 

بەڕێوەبەرایەتی هێڵی ئاسنینی میسریش رایگەیاندوە ڕۆژی هەینی لە نزیك وێستگەی شەمەندەفەری خورشید لە شاری ئەسكەندەریە، شەمەندەفەری ژمارە سێزدەی هێڵی قاهیرە- ئەسكەندەرییە خۆی كێشاوە بە شەمەندەفەری ژمارە پێنجسەدو حەفتاو یەكی پۆرسەعید - ئەسكەندەریەدا.

لە چەند ساڵی رابردووشدا چەندین ڕووداوی هاوشێوە لە میسر ڕوویانداوەو بەپێی دواین ئامارەكانی هێڵی ئاسنینی میسری لە ساڵی هەزارو نۆسەدو نەوەت وسێوە تاوەكو دووهەزارو حەڤدە هەشت روداوی پێكدادان ولە هێڵ لادانی شەمەندەفەر رویان داوەو بەو هۆیەشەوە پێنجسەدو بیست كەس گیانیان لە دەستداوەوزیاتر لە دووهەزار كەسی دیكەش بریندار بوون.