ئەم هەواڵە بڵاوبكەوە
FaceBook  Twitter  

رۆژی11ی ئەیلولی 2017 پۆلیسی ئێران لەراگەیەندراوێكیدا ئاشكرایكرد" لەپارێزگای شیراز كەسێكیان دستگیركردووە، كەخۆی بە محەمەد جەواد زەریفی وەزیری دەرەوەی ئێران ناساندووەو لەتەلەفوندا وەك ئەو قسەی كردووە و چەندین بەڵگەنامەی وەزارەتەكەشی ساختەكردووە.

عەقید عەلی جوكار فەرماندەی پۆلیسی پارێزگای شیراز رایگەیاندووە" لەرابردوودا پۆلیسی شارەكە چەندین سكاڵای هاووڵاتیانیان لەسەر كەسێك پێگەیشتووە، كەخۆی كردبووە وەزیری دەرەوەی ئێران و لەشیرازیش نوسینگەیەكی كردبوەوە، ڤیزای ئەمریكا و ئەوروپای بەو كەسانە دەدا كە دەیانویست سەردانی وڵاتانی ئەوروپا و ئەمریكا بكەن و بەو كارەش پارەیەكی زۆری بەدەستهێناوە.

پۆلیسی شیراز ئەوەی خستووەتەڕوو" كەسە دەستگیركراوەكە لەكاتی پەیوەندی تەلەفونیدا زۆر بە باشی توانیویەتی لاسایی دەنگی محەمەد جەواد زەریفی بكاتەوە. 

ئەمەو لەكاتی دەستگیركردنەكەشیدا چەندین بەڵگەنامەی ساختەكراوی وەزارەتی دەرەوەی ئێرانیان لە نوسینگەكەدا دۆزیوەتەوە.