ئەم هەواڵە بڵاوبكەوە
FaceBook  Twitter  

 

فڕۆكەیەكی سەربازیی روسیا لەجۆری سۆخۆی بیست و چوار لە سوریا كەوتەخوارە و بەوهۆیەوە سەرنشینانی فڕۆكەكە گیانیان لەدەستدا.

وەزارەتی بەرگریی روسیا بڵاویكردەوە، كە فڕۆكەیەكی سەربازی وڵاتەكەیان لە جۆری سۆخۆی بیست و چوار لە بنكەی ئاسمانی حمێمیم لە رۆژئاوای سوریا لەكاتی هەستانیدا كەوتووەتە خوارەوە.

ئاماژە بەوەشكراوە، كە ئەگەری زۆر هەیە كەوتنەخوارەوەی فڕۆكەكە بەهۆی كێشەی تەكنیكییەوە بووبێت.

وەزارەتی بەرگریی روسیا ئاشكرایكردووە، كە بەهۆی رووداوەكەوە فڕۆكەوانەكەو كەسێكی هاوكاری دیكەی گیانیان لەدەستداوە.

ئەوەش لەكاتێكدایە كە لە مانگی ئەیلولی ساڵی دوو هەزارو پانزەوە روسیا بەشێوەیەكی فراوان بۆ پشتگیریی لەرژێمەكەی بەشار ئەسەد بەشداری شەڕی سوریای كردووە، تائێستاش چەندین فڕۆكەی روسی بەهۆی شەڕی سوریاوە كەوتووەتە خوارەوە و ژمارەیەك سەربازی ئەو وڵاتەش بەهۆكاری جیاواز لە ناوچە جیاجیاكانی سوریا كوژراون.