ئەم هەواڵە بڵاوبكەوە
FaceBook  Twitter  

 

بەهۆی ئەو باران بارینە بەخوڕەی ماوەی چەند رۆژێكە ڤێتنامی گرتۆتەوە، لافاو لەچەند ناوچەیەكی ئەو وڵاتە روویداو بە هۆیەوە سی و حەوت كەس گیانیان لەدەستداو چل كەسی دیكەش تاوەكو ئێستا بێسەرو شوێنن.

بەرپرسانی ڤێتنام ڕایانگەیاند بەهۆی لافاوەوە شەش پارێزگای ئەو وڵاتە زیانیان بەركەوتوەو پارێزگای نیهبین لە باكووری ڤێتنام زۆرترین زیانی بەركەوتووە، كە گیانلەدەستدانی یانزە كەس و بێ سەروشوێنبوونی بیست و یەك كەسی دیكەی لێكەوتۆتەوە.

ئاماژە بەوەشكراوە جگە لە زیانە گیانییەكان، نزیكەی هەزار خانوو خاپور بوون و دووسەد هەزار كەسیش بۆ ناوچە ئارامەكان گواستراونەتەوە.

لە ماوەی دە ساڵدا ئەوە یەكەم جارە، ڤێتنام ڕووبەڕووی كارەساتێكی لەو شێوەیە دەبێتەوە، كە ئاستی باران بارین زیاتر لە نیو مەتر بەرزبۆتەوە.