ئەم هەواڵە بڵاوبكەوە
FaceBook  Twitter  

ئاژانسەكانی هەواڵ بڵاویانكردووەتەوە كە بەهۆی بۆردومانی فڕۆكە جەنگییەكانی روسیا لەسوریا پەنجا هاووڵاتی مەدەنی كوژران و ژمارەیەك ژن و منداڵیشی تێدایە و ژمارەیەكی دیكەش بریندارن.

روانگەی سوریا بۆ مافەكانی مرۆڤ لەراگەیەندراوێكدا بڵاویكردۆتەوە، بەهۆی بەردەوامی بۆردومانەكانی روسیا بۆ سەر پارێزگای دێرەزور كە لەهەینییەوە دەستیپێكردووە پەنجا هاوڵاتی مەدەنی كوژراون كە لەنێویاندا بیست منداڵ هەن.

هەر بەپێی راگەیەندراوەكەی روانگەی سوریا، بۆردومانەكانی روسیا هەریەك لەناوچەكانی دەوروبەری روباری فورات و چەند گوندێكی شاری ئەلبو كەمال و دوو كەمپی ئاوارەكانی گرتۆتەوە.

دوای ئەوەی لەچەند رۆژی پێنج شەممەی هەفتەی رابردوو هێزەكانی سوپای سوریا رزگاركردنەوەی شاری ئەلبوكەمالیان لەتیرۆریستانی داعش راگەیاند كە بەدوا ناوچەی تیرۆرستانی داعش دادەنرێت لەو وڵاتە، جارێكی تر و دوای دوو رۆژ شارەكە لەلایەن تیرۆرستانی داعشەوە كۆنترۆڵ كرایەوە.

لەسەر پرسی كۆنترۆڵكردنەوە و لەدەستدانی ناوچەی ئەبولكەمال روانگەی سوریا بۆ مافەكانی مرۆڤ رایگەیاندووە، سەرەتا لەلایەن چەكدارانی حزبوڵڵای لوبنان و چەند گروپێكی حەشدی شەعبی عێراق ئەبولكەمالیان كۆنترۆڵكردووەتەوە، بەڵام دواتر تیرۆرستانی داعش ناوچەكەیان كۆنترۆڵكردووەتەوە.