ئەم هەواڵە بڵاوبكەوە
FaceBook  Twitter  

مه‌ولود چاوشئۆغڵو وه‌زیری ده‌ره‌وه‌ی تورکیا رایگەیاند، په‌یوه‌ندییه‌کانیان له‌گه‌ڵ ئه‌مریکا له‌ دۆخێکی زۆر هه‌ستیاردایه‌. یان ئه‌و په‌یوه‌ندییانه‌ چاکده‌که‌نه‌وه‌، یان به‌ ته‌واوه‌تی تێکده‌چن، جگە لەوەش بژاردەیەکی دیکەیان لەبەردەستدا نییە.

بەپێی ئاژانسی ئەنادۆڵی فەرمی تورکیا، مه‌ولود چاوشئۆغڵو ئاماژەی بەوەشکردووە، ئەوان چاوەڕوانییەکانیان لە ئەمریکا روون و راشکاون و چەندین جار پێیان وتوون. لەبری پەیماندان هەنگاوی کردەییان دەوێت.

جەختشیکردەوە "پێویستە ئەو متمانەیەی نەماوە سەرلەنوێ بونیات بنرێتەوە. هۆکاری ئەو بێمتمانەییەش ئەمریکایە، لەمڕووەوە سەردانەکەی ریكس تیلەرسن گرنگە. ئێوارەی پێنجشەممە سەرۆك کۆمار پێشوازی لێ دەکات و رۆژی دواتر لەگەڵ ئێمە کۆدەبێتەوە و تاوتوێی ئەو تەوەرانە دەکەین".

 

R.M

  • 1