ئامادەكردنی: رابەر مەغدید

لەكارێكی خێرخوازیدا ژمارەیەك كەسایەتی و گروپی لەشجوانی لەشاری سلێمانی، كۆمەك و هاوكاری دەبەخشنە خوێندكارانی یەكێك لەبەشە ناوخۆییەكانی زانكۆی سلێمانی. رۆژی دووشەممە 27ی ئاداری 2017 (یار جان) شاجوانی زانكۆكانی باشووری كوردستان و ژمارەیەك كەسایەتی و گروپی رەشاقە و لەشجوانی كۆمەك و هاوكارییان بەخشی بە یەكێك لەبەشە ناوخۆییەكانی زانكۆی سلێمانی. یار جان شاجوانی زانكۆكانی باشووری كوردستان لەلێدوانێكی تایبەتدا بە"رێگای كوردستان"ی راگەیاند، "بەسوپاسەوە ئەمرۆ بەهاوكاری گروپی رەشاقە و لەشجوانی توانیمان پێداویستیە سەرەتایەكان لە خواردن و ئازوقەمان بۆ خوێندكارانی یەكێك لە بەشە ناوخۆییەكانی زانكۆیی سلێمانیمان تەرخانكرد". یار جان باسی لەوەشكرد ئامانجمان لەم كارە خێرخوازیە تەنها یارمەتیدانی خوێندكارانە، چونكە لە ئێستادا بەهۆی قەیرانی داراییەوە بەدۆخێكی ئابوری سەخت تێپەردەبن".

کوردستانی