ئەم هەواڵە بڵاوبكەوە
FaceBook  Twitter  

هەوراز ئەحمەد
حزبی شیوعی كوردستان و یەكێتی خانەنشینانی كوردستان و حزبی كۆمۆنیستی كرێكاری و بزوتنەوەی ڕزگاری دیموكراتی گەلی كوردستان و حزبی زەحمەتكێشانی كوردستان لە پێناو مافی خانەنشیناندا بە هاوبەشی هەڵمەتێكی واژۆ كۆكردنەوەیان ڕاگەیاند.
لە بەردەم باخی گشتی شاری سلێمانی هەڵمەتێكی واژۆ كۆكردنەوە ڕاگەیەندرا بۆ پشتیوانی كردن لە مافی خانەنشینان و لەوێشدا بانگەوازێك خوێنرایەوە و داوایان لە هاوڵاتیان كرد بێن بە دەم هەڵمەتەكەوە.
لە هەڵمەتی نیشتیمانی لە پێناو مافی خانەنشینان و موچە خۆراندا داواكرا سیستمی پاشەكەوتی زۆرە ملێ‌ لابدرێت و مووچە لە كاتی خۆیدا دابەش بكرێت و ڕێز تایبەت و شوێنی شایستە بۆ خانەنشینان دابین بكرێت.
خانەنشینانی هەرێمی كوردستان بەشێوەیەك لە شێوەكان پەروێز خراون و لە ماوەی 22 مانگی ڕابردودا تەنها 10 مووچەیان پێدراوە ئەمە لە كاتێكدایە كە ئەوان دەبێت لە سندوقی خانەنشینی پارەیان پێبدرێت كە ئەو پارەیەش لە كاتی خۆیدا لە مووچەكانیان بۆیان پاشەكەوت كراوە.