ئەم هەواڵە بڵاوبكەوە
FaceBook  Twitter  

گردبوونەوەیەك سەبارەت بە پاراستنی مافی مرۆڤ و ئازادی ڕادەربڕین و مافی ڕۆژنامەنووسان لە شاری سلێمانی ساز كرا.

رۆژی دووشەممە 17ی تەمموزی 2017 ژمارەیەك رێكخراوەكانی كۆمەڵی مەدەنی و ڕۆژنامەنووس و چالاكوانان لەبەردەم نووسینگەی پەرلەمانی كوردستان لە شاری سلێمانی گردبوونەوەیەكی ناڕەزاییان ڕێكخست و تێیدا داواكاربوون سانسۆر لە سەر میدیا و ئازادی ڕادەربڕین لا بدرێت و هەرێمی كوردستان پابەندی پاراستنی مافەكانی مرۆڤ بێت.

پاش كۆبوونەوەی ڕێكخراو و ڕۆژنامەنووسان لەگەڵ سەرۆكی پەرلەمان و ژمارەیەك لە پەرلەمانتاران، لە كۆنگرەیكی ڕۆژنامەوانیدا یاداشتێكیان خوێندەوەو داوایانكرد دەسبەجێ پێشێلكارییەكان دژی ئازادیخوازو ئافرەت و چالاكوان و ڕۆژنامەنووسان لا بدرێت.