ئەم هەواڵە بڵاوبكەوە
FaceBook  Twitter  

هەوراز ئەحمەد

سکرتێری کۆمیتەی ناوەندی حزبی شیوعی کوردستان بە یاوەری شاندێک لە کۆمیتەی پارێزگای سلێمانی و کۆمیتەی ڕێکخستنی قەزای قەرداغی حزبی شیوعی کوردستان وەک وەفایەک و لە نزیکەوە ئاگاداربوون لە کێشە و داواکاریەکانیان سەردانی ماڵی شەهیدان و پێشمەرگە دێرینەکانی سنوری ناوچەی قەرەداغیان کرد.

هاوڵاتیانی قەزای قەرداغ بە گەرمی پێشوازیان لە شاندی حزبی شیوعی کرد و پەیمانیان دووپات کردەوە کە هەمیشە لە سەر ڕێبازی حزبی شەهیدان بەردەوامبن.

د. کاوە محمود سکرتێری کۆمیتەی ناوەندی حزبی شیوعی  ڕایگەیاند ڕۆژانێک لە ناوچەی قەرەداغی لەگەڵ هاوڕێکان پێشمەرگە بوون و ئەم ناوچانەش وەک ناوچەکانی دیکەی کوردستان لانکەی شۆڕش بوە.

سکرتێری حزب ئاماژەی بەوەش کرد، هەمیشە حزبی شیوعی توانا و ئێرادەی خۆی لە گەلەوە وەردەگرێت و پێشمان وایە ئێرادەی گەلەکەمان مایەی سەرکەتنمانە لە سەر مەسەلە نەتەوەیەکانی وەک دەوڵەتی سەربەخۆی کوردستان و دامەزراندنی دەوڵەتی نیشتیمانی.

شاندەكەی حزبی شیوعی تا ئاوا بوونی خۆر لە نێو لە ناوچەی قەرەداغ ماڵە تێکۆشەرەکانیان بەسەر کردەوە گوێیان لە خەم و نەهامەتێکیانینان گرد و دوپاتیی وەفایان بۆ ئەو خێزانانە دەربڕی.