ئەم هەواڵە بڵاوبكەوە
FaceBook  Twitter  

سەر لەبەیانی رۆژی پێنجشەممە لەشارەدێی سیدەكانی سەر بە شارۆچكەی سۆران لەسەر كێشەی داربڕین شەڕ لەنێوان دوو بنەماڵە روویدا، بەهۆی تەقەكردنیشەوە كچێكی تەمەن هەژدە ساڵان كوژرا.

وتەبێژی پۆلیسی سۆران راگەیاند سەر لەبەیانی رۆژی پێنجشەممە لە شارەدێی سیدەكان شەڕ لە نێون دوو بنەماڵە روویدا، ئەمەش لە سەر كێشەی داربڕین، لە ئەنجامی تەقەكردن لەلایەن یەكێك لە بنەماڵەكاندا كچێك كوژرا كە تەمەنی هەژدە ساڵانە و كچی ماڵەوەیە.

هاوار ئەرگۆشی راشیگەیاند دوای دەستبەجێ رووداوەكە، تیمەكانی پۆلیس گەیشتنە ئەو شوێنەو توانیان شەڕەكە بوەستێنن و یەكێك لە تەقەكەرەكان دەستگیربكەن، لە ئێستاشدا بەدوای دەستگیركردنی تۆمەتبارەكانی دیكەوەن.

وتەبێژەكەی پۆلیسی سۆران دوپاتیكردەوە كە پۆلیس پەڕاوی لێكۆڵینەوەی بۆ رووداوەكە كردۆتەوەو تەرمی كچە كوژراوەكەش بۆ پشكنین و لێكۆڵینەوە رەوانەی پزیشیكی دادی سۆران كراوە.

گرانی نرخی نەوت و دابەشنەكردنی بەشە نەوتی هاووڵاتیان لە تەواوی شارو شارۆچكەكانی باشوری كوردستان هاووڵاتیانی ناچاركردووە بەمەبەستی خۆگەرمكردنەوە لەوەرزی زستاندا، پەنا ببەنە بەر داربربڕینەوە.