ئەم هەواڵە بڵاوبكەوە
FaceBook  Twitter  

سەرچاوەیەك لە نەخۆشخانەی شەهید تۆفیق-ی دەربەندیخان رایگەیاند، بەهۆی بومەلەرزەكەی شەوی رابردووەوە چوار كەس گیانیان لەدەستداوەو 42 كەسی دیكەش برینداربوون.

كاتژمێر 9:18 خولەكی شەوی رابردوو بومەلەرزەیەكی بەگوڕ ناوچە جیاوازەكانی هەرێمی كوردستانی هەژاند و بەهۆیەوە ژمارەیەك قوربانی لێكەوتەوە.

ئاماژەی بەوەشكرد، ئەو كەسانەی گیانیان لەدەستداوە سەرجەمیان دانیشتووی قەزای دەربەندیخانن.

شەوی رابردوو ناسیح مەلا حەسەن، قایمقامی دەربەندیخان رایگەیاندبوو، "دوو خانوو رووخاون و حەوت خێزان لەژێر داروپەردودا دەرهێندراون و بەهۆی سەختی برینەكانیانەوە بە حەوت ئوتومبێلی فریاكەوتن رەوانەی شاری سلێمانی كراون."

ئاماژەی بەوەشكردبوو، "شاخی سەرتەكی بەمۆ رووخاوە و رێگای شەمێران داخراوە، دوو خانووی دیكە رووخاون و تیمەكانیان دەگەڕێن بزانن ئایا هیچ كەسێك لە ژێر داروپەردووەكانیاندان یاخود نا."