ئەم هەواڵە بڵاوبكەوە
FaceBook  Twitter  

وەزارەتی دارایی و ئابوری حكومەتی هەرێم وادەیدابەشكردنی موچەی خانەنشینانی سەربازی و شارستانی ئاشكرا دەكات و بڕیاریشە سەرەتای هەفتەی داهاتوو دەست بەدابەشكردنی موچەكانیان بكرێت.

بەگوێرەی ئەو زانیاریانەی لەوەزارەتی دارایی و ئابوری حكومەتی هەرێمەوە بە SNN دراون، ئەگەرچی لەخشتەی دابەشكردنی موچەدا وادەی دابەشكردنی موچەی خانەنشینی سەربازی و مەدەنی ڕانەگەیەندرا، بەڵام دواناكەوێت و لەڕۆژی یەكشەممە 18ی تشرینی دووەمی 2017 دەست بەدابەشكردنی موچەكانیان دەكرێت.

عەزیز عەلی مستەفا، بەڕێوەبەری خانەنشینی پێشمەرگە لەسلێمانی، ڕایگەیاند: هەرچەند بەفەرمی ئاگادارنەكراوینەتەوە، بەڵام لیستی موچەمان بۆ ڕەوانەكردوون و چاوەڕوان دەكرێت لەسەرەتای هەفتەی داهاتووەوە دەست بەدابەشكردنی موچەی خانەنشینی سەربازی و دواتریش موچەی شارستانی بكرێت.