ئەم هەواڵە بڵاوبكەوە
FaceBook  Twitter  

ئەمڕۆ چوارشەممە 10ی كانونی دوومی 2018، بەڕێوەبەرایەتی ئاسایشی ڕاپەرین ئاماری تایبەت بە دۆسێکانی ماددەی هۆشبەری ڕاگەیاند.

وتەبێژی بەڕێوەبەرایەتی ئاسایشی ڕاپەرین لە کۆنگرەیەکی ڕۆژنامەوانیدا رایگەیاند: لە ساڵی ڕابردوو ٢٥٧ دۆسێی تایبەت بە ماددەی هۆشبەر هەبووە، لێکۆڵینەوە لە ٣٨ دۆسێ بەردەوامە و ئەوانی تر ڕەوانەی دادگا تایبەتمەندەکان کراون.

محەمەد فازڵ وتەبێژی بەڕێوەبەرایەتی ئاسایشی ڕاپەرین ئاماژەی بەوەشكرد: کۆی گشتی ڕاگیراوان و دەستبەسەرکراوان لە ئاسایشی ڕاپەڕین بە ماددەی هۆشبەر.

ئەوەشی وت: لە ٢٠١٧ دا ٤٠٠ گرام حەشیش و سێ نیوە دەبە جۆری کریستاڵی ئامادەکراو کە هەر نیوە دەبەیەک ٢٠ کیلۆگرام بووە، لەگەڵ ٢٨ کیلۆگرام هێرۆین و ١٨ کلیۆگرام حەبی هاڕاو و زیاتر لە سێ ملیۆن و ٦٠٠ هەزار حەبی ترامادۆڵ دەستیان بەسەردا گیراوە.

وتیشی، ٢٩ تۆمەتبار لەو دۆسێیانەدا سزادراون، ٩ تۆمەتبار لە ڕەگەزی مێ هەبوون لەگەڵ ١٢ تۆمەتباری خوار تەمەن ١٨ ساڵ و ٩ تۆمەتباری بیانی.

پێداچونەوە: فەرمان حسین

  • 1