ئەم هەواڵە بڵاوبكەوە
FaceBook  Twitter  

دیندار زێباری، هه‌ماهه‌نگكاری وه‌ڵامدانه‌وه‌ی راپۆرته‌ نێوده‌وڵه‌تییه‌كانی حكوومه‌تی هه‌رێمی كوردستان رایگه‌یاند، به‌گوێره‌ی پلانێكی هاوبه‌ش، حكوومه‌تی هه‌رێم ده‌ستی به راده‌ستكردنی‌ سه‌دان چه‌كداری رێكخراوی داعش به‌ حكوومه‌تی به‌غدا كردووه‌، كه‌ پێشتر له‌ لایه‌ن هێزه‌كانی پێشمه‌رگه‌وه‌ ده‌ستگیركرابوون.

زێباری له‌ به‌یاننامه‌یه‌كدا وه‌ڵامی ئه‌و تۆمه‌تانه‌ی دایه‌وه‌ و دووپاتیكرده‌وه‌، حكوومه‌تی هه‌رێم ده‌ستی به‌ راده‌ستكردنی ئه‌و چه‌كدارانه‌ی داعش‌ به‌ حكوومه‌تی به‌غدا كردووه، هاوكات هه‌موو ئاسانكاریه‌كیشی بۆ لایه‌نی په‌یوه‌ندیدار له‌ حكوومه‌تی فیدراڵ كردووه‌، بۆئه‌وه‌ی پرۆسه‌كه‌ به‌ بێ هه‌ڵه‌ به‌ئه‌نجام بگات.

هه‌ماهه‌نگكاری وه‌ڵامدانه‌وه‌ی راپۆرته‌ نێوده‌وڵه‌تییه‌كان گوتیشی: "تائێستا ژماره‌یه‌ك له‌و چه‌كداره‌ زیندانیكراوانه‌ راده‌ستی عێراق كراون و پرۆسه‌كه‌ش به‌رده‌وامه‌".

ئاشكراشیكرد، "به‌گوێره‌ی پلانی داڕێژراو، پرۆسه‌كه‌ به‌ چه‌ند قۆناغێك به‌ڕێوه‌ ده‌چێت و، له‌ هه‌ر قۆناغێكدا 50 تا 55 چه‌كدار راده‌ست ده‌كرێن".

پێداچونەوە: رێگای كوردستان

  • 1