ئەم هەواڵە بڵاوبكەوە
FaceBook  Twitter  

به‌ڕێوه‌به‌ری كۆنترۆڵی كاره‌بای هه‌رێمی كوردستان رایدەگەیەنێت، ئەگەر لە مانگی ڕەمەزاندا پلەکانی گەرما بەرزتر نەبێتەوە و لۆد لەسەر وێستگەکان دروستنەبێت پلانمان هەیە لە ڕەمەزاندا ڕۆژانە ١٥ کاتژمێر کارەبا بدەینە هاوڵاتیان.

رۆژی چوارشەممە 16ی ئایاری 2018 ئومێد محەمەد ومێد محه‌مه‌د به‌ڕێوه‌به‌ری كۆنترۆڵی كاره‌بای هه‌رێمی كوردستان رایگەیاند، لەگەڵ ئەنجومەنی وەزیران لە هەوڵدان بۆ دابینکردنی پارەی سوتەمەنی و ئیشپێکردنی چەند یەکەیەکی تر لە وێستگەکانی بەرهەمهێنانی کارەبای هەرێم، بۆئەوەی بتوانن کاتژمێرەکانی پێدانی کارەبا وەک خۆی بمێنێتەوە.

ئومێد محەمەد راشیگەیاند، کاتژمێرەکانی پێدانی کارەبا بەندە بە زیادبوونی خواستی هاوڵاتیان لەسەر کارەبا و ئەگەر پلەکانی گەرما زۆر بەرزببنەوە ئەوان کاتژمێرەکانی کارەباش کەمدەکات.

ناوبراو باسی لەوەشكرد، ئەوان پلانیان داناوە کاتژمێرەکانی پێدانی کارەبا لە مانگی ڕەمەزاندا لە ١٤ کاتژمێر کەمتر نەبێت و ئەوەی تریش موەلیدە ئەهلییەکان کارەبا بدەن.

  • 1