ئەم هەواڵە بڵاوبكەوە
FaceBook  Twitter  

بریار محەمەد

پاش ئەوەی لە ماوەی ڕابردوودا گروپێكی چەكدار لە دەربەندیخان لە گرتەیەكی ڤیدیۆییدا كە بڵاویان كردبوو و تیایدا هەڕەشەیان لە دام و دەزگاكانی حكومەتی هەرێمی كوردستان كردبوو، فرمانی زیندانی كردنیان بۆدەركرا.

بەپێی راگەیەنراوێكی بەرێوەبەرایەتی ئاسایشی گەرمیان، كەوێنەیەكی بۆ رێگای كوردستان نێردراوە و هاتووە، " پاش ئەوەی ژمارەیەك هاوڵاتی لەماوەكانی رابرودا لەرێگەی گرتەی ڤیدیۆیەوە هەڕەشەیان لە هاوڵاتیان كردبوو لە لایەن هێزەكانی بەرێوەبەرایەتی ئاسایشی گەرمیانەوە دەست كرا بە لێكۆلینەوەو كۆكردنەوەی زانیاری وورد و تەواو، توانرا لە بەرواری 4/1/2018لە سنووری قەزای دەربەندیخان ئەو گروپە دەستگیربكرێن كە پێك هاتبوون لەم تۆمەتبارانە(هەژار صالح عبدالكریم و ابراهیم عباس عبدالله و كۆسار صالح محمد و ماكوان فتاح حمە كریم و عبدالرحمن نوری سعید و سەروەر علی عبدالقادر و ئاسۆ محمد برا قادر و ئاریان علی عبدالقادر).

لە راگەیەنراوەكەدا ئەوەش هاتووە " پاش ئەوەی پەراوی لێكۆڵینەوەیان بۆ كرایەوەو هەموو بەڵگەكان خرایە بەردەستی بەرێز دادوەری لێكۆلینەوەو دانپیادانانی تاوانبارانی ناوبراو بە تاوانەكەیاندا(7)حەوت كەسیان تۆمەتەكەیان بە سەردا ساغ بوویەوەو لە لایەن بەرێز دادوەری لێكۆلینەوەی تاوانەكانی كەركووك/گەرمیان بە پێی ماددەی(156)ی .س بۆ هەر یەكەیان ماوەی(5)ساڵ و یەك مانك سزای زیندانی دران و(ئاریان علی عبدالقادر)بە هۆی نەبوونی بەڵگەوە بڕیاری بێ تاوانی بۆ دەركرا و ئازاد كرا.

لەدوا بەشی راگەیەنراوەكەدا ئەوەش هاتووە " پاشان(7) تۆمەتباری ناوبراو ڕەوانەی بەرێوەبەرایەتی چاكسازی گەورانی سلێمانی كران بۆ بە سەر بردنی ماوەی سزاكەیان".

  • 1