ئەم هەواڵە بڵاوبكەوە
FaceBook  Twitter  

ناوەندی ڕاگەیاندنی هەپەگە بڵاویکردەوە، لە باکور و باشوری کوردستان ۱1 سەربازی سوپای تورکیا کوژران و گورزی سەختیان لە سوپای تورکیا داوە.

هەپەگەدا لە ڕاگەیەندراوێکدا ئاماژە بۆ ئەوە دەكات "لە ٨ی تەموزدا هێزەکانمان سوپای تورکیایان لەسەر گردی لێلیکانی ناوچەی برادۆستی لە هەرێمی کوردستان کردە ئامانج و سەربازێکی سوپای تورکیا کوژرا."

ئەوەش هاتووە، هەر لە هەمان ڕۆژدا هێزەکانیان توانیویانە لە ناوچەی گردی خودێی دەڤەری بارزان چوار سەربازی سوپای تورکیا بکوژن.

بەپێی ڕاگەیەندراوەکە، هەپەگە لە گردی شۆخای ناوچەی بەرواری سێرت چالاکی ئەنجامداوە و توانیویەتی شەش سەربازی سوپای تورکیا کوژران.

ئەوەش لەکاتێکدایە ماوەیەکە سوپای تورکیا بۆردومانەکانی لە سنووری ئامێدی و سۆران چڕکردووەتەوە، ئەمەش هاوکاتە لەگەڵ بەزاندنی سنووری هەرێمی کوردستان بەقوڵی ٣٠ کیلۆمەتر لەلایەن سوپای تورکیاوە. 

ک.ئ

  • 1