ئەمە بڵاوبكەوە
FaceBook  Twitter  

هاری كەین ئامادەبونی خۆی بۆ یاریی كۆتایی چامپیۆنز لیگ دوپاتكردەوەو یاریكردن و نەكردنیشی خستە دەستی پۆچیتینۆی راهێنەرەوە.

كەین لە یارییەكەی تۆتنهام بەرامبەر مانچستەر سیتی لە قۆناغی هەشتی چامپیۆنز لیگ توشی پێكان هات و ئەوكات پزیشكەكان تەئكیدیان كردەوە كە ئەم وەرزە بۆ ئەو كۆتایی هاتوە.

بەڵام لە ئێستادا كەین بە باشی بەشداری راهێنانەكانی تۆتنهام دەكات و چاكبونەوەشی لە پێكانەكەی راگەیاندوە.

لەوبارەیەوە هاری كەین رایگەیاند: پێویستم بەوەیە توانای جەستەیی خۆم بەرز بكەمەوە چونكە ماوەیەكی زۆرە یارییم نەكردوە.

وتیشی: بەشداریكردن و نەكردنم راوەستاوە لەسەر قسەی راهێنەر و من لەسەدا سەد بۆ یاریكردن ئامادەم.

بریارە یەكی مانگی داهاتوو لە یاریگای میترۆپۆلیتانۆی ئەتلەتیكۆمەدرید یاریی كۆتایی چامپیۆنز لیگ لە نێوان لیڤەرپوڵ و تۆتنهام بەڕێوەبچێت.