ئەمە بڵاوبكەوە
FaceBook  Twitter  

 

مەزڵوم كۆبانی، فەرماندەی هێزەكانی سوپای سوریای دیموكرات (هەسەدە)، پەیامێک بۆ پاڵەوانێکی کوردی دەنێرێت كە یاریی بۆکسینگ دەكات.

مەزڵوم کۆبانی لە توویتێکدا پەیامێك بۆ ماکوان ئەمیرخانی، بۆکسێنەری کورد و جیهان دەنێرێت و دەستخۆشی لەو پاڵەوانە دەكات و لەگەڵ ئەوەشدا هیوای بۆ دەخوازێت كە ببێتە دەنگی کورد بۆ هەمو جیهان.

ئەو فەرماندە كوردە لە بارەی ماكوانەوە كە كورە وەرشكارێكی كوردە نوسیویەتی، سڵاوم هەیە بۆ ئەو بوێریەی تۆ و هیوای سەرکەوتنت بۆ دەخوازم، ئێمە هیواخوازین تۆ ببیت بە دەنگی ئێمە بۆ هەمو جیهان، تاوەکو رێگە بگیرێت لە هەوڵەکان بۆ پاکتاوی نەژادی و گۆڕانی دیمۆگرافی، کە کورد ئێستا لە باکوری سوریا و رۆژئاوا روبەڕوی بوەتەوە.

ئەم پەیامەی مەزڵوم کۆبانی بۆ پاڵەوانە کوردەکە دوای ئەوە هات، کە لەماوەی رابردودا ئەو وەرزشكارە بە شێوەیەكی ئاشكرا پاڵپشتی خۆی بۆ رۆژئاوای کوردستان راگەیاند.

ماکوان ئەمیرخان، وەرزشوانێکی کوردی رۆژهەڵاتی کوردستانە و لەشاری کرماشان لە دایکبوە، تەمەنی 30 ساڵە و لە فینلەندا ژیان بەسەردەبات، بەهۆی ئەو ئاستە بەرزەی لە رکابەرییە جیهانی و ئەوروپییەکاندا پێشکەشیدەکات ماکوان توانیویەتی، بە ئاڵای کوردستانەوە بچێتە نێو هەمو پاڵەوانێتییەکان و لە ئەوروپاشدا خاوەنی هەزاران هاندەرە.