ئەمە بڵاوبكەوە
FaceBook  Twitter  

بریارە رۆژی شەممە یانەی بەرشەلۆنە لەدەرەوەی یاریگای خۆی و لەمیانی یارییەكانی هەفتەی شەشەمی خولی ئیسپانیا ببێتە میوانی یانەی خیتافی.

بەشێكی زۆری یاریزانەكانی بەرشەلۆنە لەگەڵ هەڵبژاردەكانیان بەشداری یارییە نێودەوڵەتییەكانیان كردووە.

ئەوەش وا دەكات لەكاتێكی درەنگدا بگەنەوە بۆ راهێنانەكانی یانەی بەرشەلۆنە.

رۆژنامەی سپۆرت بڵاویكردۆتەوە هەشت یاریزانی بەرشەلۆنە رۆژی پێنج شەممە دەگەڕێنەوە كە دوو رۆژ پێش یارییەكەی خیتافییە.

ئەو رۆژنامەیە پێشبینی دەكات هەردوو یاریزان میسی و كۆتینیۆ بەشداری یارییەكەی خیتافی لەخولی ئیسپانیا نەكەن بۆ ئەوەی بە باشی بۆ یارییەكانی ریاڵ مەدرید و یۆڤانتۆس ئامادە بن.

بەرشەلۆنە 24ی مانگ میوانداری ریاڵ مەدرید دەكات و 28ی مانگیش دەبێتە میوانی یۆڤانتۆس.