ئەم هەواڵە بڵاوبكەوە
FaceBook  Twitter  

یەكێتی تۆپی پێی ئیتاڵیا كاتی یارییەكەی یانەی میلانی بەرامبەر یانەی كرۆتۆنی پێشخست.

پێشتر بڕیار بوو یانەی میلان لەهەفتەی یەكەمی خولی یانەكانی ئیتاڵیاداو رۆژی بیست و یەكی ئاب ببێتە میوانی یانەی كرۆتۆنی، بەڵام یەكێتی تۆپی پێی ئیتاڵیا ئەو یارییەی بۆ رۆژی بیستی مانگ پێشخست . 

پێشخستنی ئەو یارییە بەهۆی بەشداریكردنی یانەی میلان لە قۆناغی كۆتایی پاڵاوتنەكانی گەیشتن بە یۆرۆپا لیگی وەرزی دوو هەزارو حەڤدە بۆ دوو هەزارو هەژدە بەو هۆكارە یەكێتی تۆپی پێی ئیتاڵیا یارییەكەی بۆ رۆژێك پێشخستووە.

یانەی میلان لە قۆناغی كۆتایی پاڵاوتنەكانی گەیشتن بەخولی ئەوروپی وەرزی داهاتوو رووبەرووی یانەی سكەندیای مەكەدۆنی دەبێتەوە .

یانەی میلان رۆژی حەڤدەی مانگ لە یاریی رۆشتن و رۆژی بیست و چواری مانگ لەیاریی گەڕانەوە رووبەرووی ركابەرە مەكەدۆنیەكەی دەبێتەوەو سەركەوتووی نێوانیشیان بۆ قۆناغی كۆمەڵەكانی یۆرۆپا لیگ سەردەكەوێت.