ئەم هەواڵە بڵاوبكەوە
FaceBook  Twitter  

ژمارە و راستییەكانی نێوان ریاڵ مەدرید و بارسێلۆنا

ئەمڕۆ شەممە هەردوو یانەی ریاڵ مەدرید و بارسێلۆنا یاریی ژمارە 175ی نێوانیان لەهەفتەی 17ی وەرزی ئەمساڵی خولی یانەكانی ئیسپانیادا ئەنجام دەدەن.

پێش بەڕێوەچوونی ئەو یارییە هەردوو یانە 174 جار بەیەك گەیشتوون، ریاڵ مەدرید لە 72 یاریدا سەركەوتنی تۆماركردووەو بارسێلۆناش لە 69 یاریدا، 33 یاریی نێوانیشیان بەیەكسان بوون كۆتایی هاتووە.

ریاڵ مەدرید بەرامبەر بارسێلۆنا خاوەنی 283 گۆڵە، لەبەرامبەردا بەرشلۆنە 277 جار تۆڕی گۆڵی ریاڵ مەدریدی هەژاندووە.

یانەی ریاڵ مەدرید تا ئێستا 33 جار نازناوی خولی یانەكانی ئیسپانیای بەدەستهێناوە، لەبەرامبەردا بارسێلۆنا 24 جار بووەتە پاڵەوانی لالیگا.

چەند ژمارەیەكی نێوان ریاڵ مەدرید و بارسێۆنا:

-گۆڵی داهاتووی ریاڵ مەدرید بەرامبەر بەرشلۆنە دەبێتە گۆڵی ژمارە 400ی یانەكەی مەدرید لەیارییەكانی كلاسیكۆدا.

-لەدواین 19 یاریی كلاسیكۆدا بەرشلۆنە 19 گۆڵی تۆماركردووە.

-لەكاتی سەركەوتنی ریاڵ مەدرید دەبێتە بردنەوەی ژمارە 50 لەیارییەكانی كلاسیكۆی سەر سانتیاگۆ بێرنابیۆ.

-لەدواین 4 یاریی كلاسیكۆ كە لەمەدرید ئەنجامدراوە بەرشلۆنە 3 جار براوە بووە.

-بردنەوەی ریاڵ مەدرید دەبێتە سێیەم بردنەوەی یەكلەدوای یەك لەیارییەكانی كلاسیكۆدا، ئەوەش لە 1978وە روینەداوە.

-لەكاتی بردنەوەی بەرشلۆنە دەبێتە سێیەم بردنەوەی یەكلەدوای یەك لەیارییەكانی كلاسیكۆی لالیگادا، لە پێشتردا روینەداوە بەرشلۆنە 3 كلاسیكۆی یەكلەدوای یەك لە لالیگادا بباتەوە.

-گاریس بەیل لە 3 یاری كلاسیكۆی سەر سانتیاگۆ بێرنابیۆ بەشداریكردووەو هەر سێ یارییەكەش بەسودی بەرشلۆنە كۆتایی هاتووە.

-گەربێت و بەرشلۆنە دووچاری شكست ببێت، ڤاڵڤێردی دەبێتە دووەم راهێنەری بەرشلۆنە كە سێیەم كلاسیكۆی یەكلەدوای یەكی بەرامبەر ریاڵ مەدرید بدۆڕێنێت.

-بۆ جاری دووەمە كلاسیكۆ لە 23ی دیسەمبەردا بەڕێوەدەچێت، یەكەم جار و لەو بەروارە لەرۆژی 23/12/2007 بەیەك گەیشتوون و ریاڵ مەدرید بەگۆڵێكی جۆلیۆ باپتێستای بەرازیلی سەركەوتنی تۆماركردووە.

-سێ جار كلاسیكۆ لەهەفتەی 17ی لالیگادا بەرێوەچووە، سەرجەم یارییەكانیش لەیاریگای بەرشلۆنە بووە:

25/1/1942 بەرشلۆنە 2-0 ریاڵ مەدرید
25/1/1948 بەرشلۆنە 4-2 ریاڵ مەدرید
23/12/2007 بەرشلۆنە 0-1 ریاڵ مەدرید

-كارتی زەرد لە یارییەكانی كلاسیكۆدا :
ریاڵ مەدرید 370 كارت
بەرشلۆنە 346 كارت

-كارتی سور لەیارییەكانی كلاسیكۆدا:
ریاڵ مەدرید 31 كارت
بەرشلۆنە 24 كارت .