ئەم هەواڵە بڵاوبكەوە
FaceBook  Twitter  

بەدرێژایی مێژوی نەتەوەی کورد،ئەوەندەی لەهزرو ئەندێشەماندا بیری سیاسی مابێت،یان بەڵگەی مێژویی نوسراوی لەدوا بەجێ مابێت،دەتوانین ئەو قەرارە بدەین کەزیاتر لە ٢٠شۆڕشمان لەخوێندا گەوزاوە،بەفیتی وڵاتانی بێگانەو ئیمپریالیزمە یەک بەدوای یەکەکانی وڵاتانی دنیا،لێرەدا گەر حزبە کوردیەکانی بەنمونە بهێنینەوە،دەبینین لەڕابردودا حزبی(تودە)چۆن بەرانگاری حیزبی دیموکراتی کوردستانی ئێرانی کردوە،لەسەرەتای هاتنە کایەی خەباتێکی سیاسی و شۆڕشی نەتەوەیی حزبی دیموکرات داو لەناوەڕاستی ساڵانی چلەکانی سەدەی ڕابردودا،دیارترین لەو سەرکردانە(قازی محەمەد)بوو،کەکۆماری کوردستانی بەدواوە بو،لەدوای ڕوخانی کۆمارو کوشتنی هەزاران خەونی هاونیشتیمانیان،کەسایەتی سیاسی(د.عبدلڕحمان قاسملۆ)هاتە ئاراوەکە قیادەی ئەو حیزبەی دەکرد،وە دیبلۆماتکارێکی ماندونەناس بو،بۆ ئەو سەردەمە،هەر لەزمان زانی و ئەجندای سیاسیەوە چاوی لێ بکەین تا پەیوەندی پتەوی لەگەڵ وڵاتانی جیهان،بەتایبەت فەرەنسا.بەڵام بەداخەوە،هەمومان بینیمان لەکۆبونەوەیەکی ئاشتەوایی سیاسی دا لەگەڵ تاریکخانەی کۆماری ئیسلامی ئێران بەچی شێوەیەک لەناو خوێندا گەوزێنرا.و ماوەی ٢٨ساڵە ئەو کەیسە بەلێڵی و نادیاری ماوەتەوە.دوابەدوای ئەو سەردەمە چەند کەسایەتیەکی تری سیاسی و سەربازی تێدابو،ئەو حیزبە بەنمونە (مەلا ڕەسوڵی پێشنماز)کە خۆشبەختانە ئێستاش لەژیان دا ماوەو،تاکە خوێندکاری دەورانی نەمر قازی محەمەدە،و لەساڵی ١٩٨٣بەدواوە بەتەواوەتی لەژیانی سیاسی دابڕا،هەر بۆیە دوابەدوای ئەمانە ڕەوتێکی تری سیاسی و شۆڕشگێڕی هاتە ئاراوەکە(کۆمەڵەی شۆڕشگێڕی کورستانی ئێران)بو، کەتاکە دەستکەوتی سیاسی یان بابڵێین تەکانی مێژویی کە دایان هێنانی ژن بو،بۆناو خەباتی چەکداری و سیاسی،بەڵام ئەوانیش بەداخەوە دوای گیانبەختکردنی(فوئاد مستەفا سوڵتانی،د.جەعفەری شەفیعی)یەوە ئەم ڕەوتە سیاسیەش بەشێوەیەکی بەرچاو خەباتە نەتەوەییەکەیان لەبەین چو.وەک چۆن بینیمان پارچە پارچە بون و بون بەچەند باڵێکی جیاوازو دژ بەیەک،بەنمونەش دەبینین کە ڕۆژانە دەڵێن حزبەکەی عەبدوڵای موهتەدی و حزبەکەی ئیبراهیم عەلی زادەو حزبەکەی عومەری ئیلخانی زادەو هتد...

قسەکە لێرەدا ئەوەیە ئەم شەخسانە دوای گیان بەختکردنی نەمران(فوئاد موستەفا سوڵتانی و د.جەعفەری شەفیعی)نەیانتوانیوە هەنگاوێکی نەتەوەیی لەبەرچاو بگرن.گەر تێڕوانینێئکی ژیربێژیانەش بۆ ئێستای کاری حزبی دیموکراتی کورستانی ئێران بکەین دەبینین وەکو حزبە کوردیەکانی کوردستانی باشور توشی لێکترازانی ناوخۆیی بون.بەنمونەش ئێستا بون بەدوباڵی دژبەیەک کە سکرتێری حیزبی دیموکراتی کوردستانی ئێران(مستەفا هیجریەو سکرتێری حیزبی دیموکراتی کوردستانیش خالید عەزیزی)بو کە ئەویش ماوەی چەند مانگێکە دەستی لەکار کێشایەوە بەهۆی ناكۆكیەكی بەهێز لەلایەن هاوڕێکانیەوە لەناوخۆی حیزبەکەیدا،بۆیە کوردەواری دەڵێت

(گەر گەورە هەبن میلەت سەر ئەخەن،بەدوڕێوی گەڕ شێرێ کەوڵەکەن)