ئەم هەواڵە بڵاوبكەوە
FaceBook  Twitter  

بەهۆی ئەو هەل و مەرجەی لەدوای ڕاپەڕینی ۱۹۹۱ لەکوردستان هاتە پێش ڕاگەیاندنی حزبی شیوعی کوردستان بوو بە زەرووریەت .لەگەڵ ئەوەی بەبڕوای من هەنگاوێکی درەنگ وەخت بوو، دەکرا دوای نسکۆی ۱۹۷٤ بیر لە ڕاگەیاندنی حزبی شیوعی کوردستان کرابایەوە ئەوکات هەنگاوەکە باشترو کاریگەرتر دەبوو ،چونکە دوای نسکۆی شۆڕشی کورد بوو ,خەڵک بەدوای هیوایەکی تری کوردستانی دادەگەڕا، وە کورد بێ ئومێد ببوو لە حزبی بەعس بەتایبەت دوای جێبەجێ نەکردنی تەواوی بەندەکانی ڕێکەوتنامەی یانزەی ئازار، وە زاڵبوونی فکری چەپ لە فۆڕمێکی ناسیۆنالستانەدا کە ئەوکات جدلی کوردچیەتی و عێراق چیەتی لەناو فەزای ڕۆشنبیری کوردیدا گەرم بوو , عێراق چیەتی وەک لەکە دەناسێندرا بەلای پارتە ناسیۆنالیستەکان ،جگە لەوەی کەوکات ڕاگەیانرابا ڕێگری دەکرد لە جێهێشتنی چەندین هاوڕێ لەڕیزەکانی حزب کە کەوتبوونە ژێر کاریگەری فکری چەپی ناسێۆنالیست ، وە ئەگەرنا ڕاگەیاندنی حزبی شیوعی کە لە ۱۹۹۱ ڕاگەیەنرابا کاریگەری باشتر دەبوو بۆ سەر هەڵبژاردنەکانی ۱۹۹۲ کە حزبەکان ڕەخنەی عێراقیەتیان لە حزبی شیوعی دەگرت و ڕێگریشی دەکرد لە جیابوونەوەی پارتی کار کە بیانویان عێراقی بوونی حزبی شیوعی بوو.لەگەڵ درەنگ بوونی ڕاگەیاندنەکە بەڵام باشتربوو ڕاگەیەندرا زەرەر لەنیوە بگەڕێتەوە نەک هەمووی،حزبی شیوعی کوردستان لە زەمەنێکی نا هەموار ڕاگەیەنرا سەردەمی شەڕی ناوخۆی لایەنەکان و ئیفلیج بوونی پەرلەمان ساڵێک دوای ڕاگەیاندنەکەو دابەش بوونی کوردستان بەسەر زۆنی سەوز و زەردو شەڕێکی ماڵوێرانی بەسەر خەڵکدا سەپێنرا. ئەمەش وایکرد حزبی شیوعی کوردستان ئەولەویەتی کاری سیاسی بکاتە ناوبژیوانی یەکیتی و پارتی دواخستنی ململانێ چینایەتیەکان بۆ کاتێکی تر. دوای ئەو زەمەنەی ڕاگەیاندنی حزبی شیوعی کوردستان تا ئێستا کە۲٤ساڵە نیوچارەگە سەدەیە تا ئەندازەیەک ئەزموونی کوردی سەقامگیربووە ژێرخانی ئابووری لەو زەمەنەدا بەهۆی ئەو بوودجەی لەبەغداد دەهات وە دواتر دۆزینەوەی نەوت و غاز لە هەرێم پێکهێنەرەکانی ژێرخان لە کەرتی کشتوکاڵیەوە گۆڕاوە بۆ نەوت و غاز وکۆمەڵێ کارگەی پیشەسازی. وە بەهۆی تەبەنیکردنی سیاسەتی بانکی دەولی لە هەرێمی کوردستان ولەسایەی ئەمەش تا دێت هەژاران هەژارترو دەوڵەمەندانی بازرگانی نەوت دەوڵەمەندتردەبن و گەندەڵی و ناسیستەمی بەئەندازەیەک حوکمڕانی کوردی تەنیوە کە ساڵانە بەپێی ڕاپۆرتەکانی ڕێکخراوی شەفافیەتی نێودەوڵەتی هەرێم لە چوارچێوەی عێراقدا بە گەندەڵترین ووڵات دادەنرێت لە ڕیزبەندی پێشەوەی ووڵاتە گەندەڵەکان ،جگە لە هەڵکشانی ڕێژەی بێکاری و کەمکردنەوەی مووچەی فەرمانبەران و داخستنی پەرلەمان و کوشتنی ڕۆژنامە نووسان وپێشێلکردنی مافەکانی مرۆڤ هەموو ئەمانە بیانوویەک ناهێڵێتەوە بۆ ئێمە لەوە زیاتر پەیڕەوی سیاسەتی خۆپارێزی بەڕووی ئەم هەموو نا دادپەروەریەی حکومەتی هەرێم و دەسەڵاتدارەکانی هەرێم درێژە پێ بدەین ،بەڵکوو پێویستە پلان و ستراتیژێکی سیاسەتی ڕادیکاڵانە داڕێژین و کاری جدی وبەردەوامی لەسەربکەین نەک چالاکی پچڕپچڕ چونکە ئێمە ئەگەر نەتوانین لە سیاسەتی خۆپارێزی ششبگوازینەوە بۆ سیاسەتێکی ڕادیکاڵانەی پێویست لە ئاست ئەم هەموو نادادپەروەریە, ناتوانین پێگەی حزب لەوەی ئێستا هەیە بگەیەنینە ئاستێکی تر و ناتوانین دەنگی زیاتر بەدەست بێنین ،ڕاستە ئێمە لەدوای کۆنگرەی شەشەوە لەسەر زۆر ئاستی ناوخۆی هەنگاوی گەورە نراوە بەڵام بەبڕوای من بەم هەنگاوە بەتەنیا پێگەی حزب لە ڕیزبەندی سیاسی زۆر ببەینە پێش کە ئەم ڕیز بەندیە کورسی پەرلەمان درووستی دەکات ،هیوادارم بتوانین وەک چۆن لەدوای کۆنگرەی شەشەوە توانیمان ڕەزامەندی ناوخۆی هاوڕێی ناڕازی بەدەست بێنینەوە و دابڕاوەکان ئاشت بکەینەوە ئاواش بەڕووی کۆمەڵگادا بە پەیڕەوکرنی سیاسەتێکی ڕادیکاڵانەی پشت بەستوو بەبنەما فکریەکانی مارکس و لینین و تەواوی قوتابخانە فکریەکانی مارکسیزم دابڕێژین و کاریگەری گەورە دروست بکەین لە پێناو هێنانەدی ئامانجەکانمان......