ئەم هەواڵە بڵاوبكەوە
FaceBook  Twitter  

رۆژی 26ی تەمموزی 2017 لەماڵی وەفایی لە هەولێر كۆڕێكی ڕێزلێنان بۆ شاعیرو مامۆستای نیشتمان پەروەر ڕۆستەم باجەڵان سازكرا،

ژمارەیەك لە نووسەران و شاعیرو ڕۆژنامە نووسان لە كۆرە كە ئامادەبوون و منیش لەم كۆڕەدا بابەتێكم لەسەر مامۆستا ڕۆستەم پێشكەش كردو هەندێكی تر لە ئامادە بووانی بەڕێز 

قسەیان لەسەر هەڵوێست و شاعیریەتی كاك ڕۆستەم كرد لە كۆتاییش خەڵاتی ڕێزلێنان پێشكەش بە شاعیر كرا ، منیش بەشداربووم لە پێشكەش كردنی یەكێك لە خەڵاتەكان .

ئەركی ئەم ڕێزلێنانە كۆمپانیای شادی بۆ بەرهەم هێنانی هونەری لە ئەستۆی گرتبوو دەستیان خۆبێت.

لەلایەكی دیكەوە لەرۆژی 28ی تەمموزی 1998دا لە ڕۆژێكی وەكو ئەمڕۆدا دڵە گەورەكەی مامۆستای نیشتمانپەروەر ئەنوەر سلێمان لە لێدان كەوت و گەیشتە كاروانی نەمران .

مامۆستا كادیرێكی بە توانای بواری پەروەردەو زانست بوو، چ وەكوو مامۆستا چ وەكوو بەڕێوەبەری قوتابخانە چ وەكوو

سەرپەرشتیاریپسپۆڕی چ وەكوو وانەبێژ لەزانكۆی سەلاحەدین ، ماوەی زیاتر لەچل ساڵ خزمەتی بە كاروانی پەروەردەو زانست گەیاندووە .

مامۆستا ئەنوەر هەر لە كۆتایی چلەكانەوە كە قوتابی زانكۆ بووە لە بەغدا تێكەڵ بە خەباتی پیشەیی و سیاسی بووە و بۆتە هەڵكری پەیامی نیشتمانپەروەری و ئازادی خوازی و هەرگیز مساوەمەی لە بەرانبەر دوژمنانی رێبازەكەی نەكردووە . 

لە دوای ڕاپەڕینی بەهاری 1991 تاكو ڕۆژێك بەر لە كۆچیدوایی لە بواری خەباتی پیشەیی مامۆستایان دەست بەكار بوو ،چ وەكوو ئەندامی لقی هەولێری ی م ك یان لەگەڵ هاوڕێیانی لە لیستی پیشەی مامۆستاێاندا .

هەزاران سڵاو بۆ گیانی پاكی مامۆستا ئەنوەر لە بیرەوەری كۆچی دواییدا . یادی بە خێر ڕوحی شاد