ئەم هەواڵە بڵاوبكەوە
FaceBook  Twitter  

زۆر کەس بگرە زۆر لایەنی سیاسی/ ش وایان ئەزانی کە ـ حەیدەر عەبادی ـ لە بۆچون و هەڵوێستی سیاسی دا لە مالیکی ئەهۆن ترە یان نەرم ترە و وردە ووردە وڵات بەرەو ئاسۆیەکی کراوە تر ئەبات و دوای کۆتایی هاتنی شەڕ لەگەڵ داعش. کیشەکان لەگەڵ کورد (هەرێم) چارەسەر ئەکات. بەتایبەتی کە هێزی پێشمەرگەی کوردوستان ڕۆڵێکی کاریگەری هەبو لەم شەڕەدا و هاوکار]کی بێ مەرج بو لەگەڵ سوپای عێراق ...

بەڵام ڕۆژگاری دوای ئازادکردن (موسڵ و حەویجە) سەلماندی کە ئەمیش و مالیکی / یش بەری دارێکن کە ئەویش حزبی دەعوەی شۆڤێن/ یە و دوژمنی کوردە!!

دوای داگیرکردنەوەی( کەرکوک و دەوربەری) بەو شێوە گومان لێکراوەی کە ڕووی دا. ڕووی ڕاستەقینەی دەرکەوت کە بەجدی ئەیەوێ فیدراڵی هەرێم. تەنها قاوەغەکەی بمێنێ. ئەبێ بگەڕێینەوە بۆ (حوکمەزاتیەکەی ٢٠٠٣ / ی سەدام حوسەین) !!.

گومان لەوەدا نیە کە ئەگەر سڵی لە هەڵوێستی ئەمریکاو (غەرب) نەکردایە. دەمێک بو هێرشی بۆ هەولێر کردبوو!! ئێستایش جارو بار ئەو هەڕەشەیە هەر ئەکات!!

پرسیارەکە لەوە دایە: ئەم گومڕاییەی لەپای چی؟!

گەلێک لە نوسەرە سیاسیەکان ئەوە ئەگێڕنەوە بۆ ئەو سەردانەی عەبادی لە فەرەنسا و ئەو رێکەوتن نامانەی کە لەوێ لەگەڵ ئەمریکا و بەریتانیا و فەرەنسا مۆری کرد دەربارەی نەوتی عێراق!! بەڵێنیان پێ داکە پشتیوانی بکەن لە هەڵبژاردنی داهاتودا. سەرکەوتو بێت و بەسەر باڵەکەی نوری مالیکی دا زاڵ ببێت و ببێتەوە بە سەرۆک وەزیران!! 

یان لەوەوە هاتوە کە ئەو سێ دەوڵەتە و نەتەوە یەکگرتوەکان و عەرەبە ڕاست ڕەوە شۆڤێنیەکان و ئێران و تورکیا, بون بە پشتیوانی دژی خواست و ئاواتی گەلی کورد کە خۆی لە (ڕاپرسیە گشتییەکەدا بینیەوە) حەیدەر عەبادی لە بیری چوە کە ئەگە هێزی پێشمەرگەی کورد هەمو دەوروبەری موسڵی لە داعش پاک نەکردایەتەوە بۆی ڕزگار نەئەکرا!!

کورد وتویەتی: ـ قولی ڕەش و سپی لەبواردا دەرئەکەوێ. سەرۆک وەزیرانی عێراق و هاوکارانی لەناوخۆ و لە دەرەوە. لەمەسەلەی ڕیفراندۆم دا ئاشکرابون و نیازیان کەوتە ڕو!!

ڕاستیەکی مێژویی هەیە کە نە شای ئێران بە پشتیوانی ئەمریکا, نە بەریتانیا کە جاران لە عێراق خاوەن دەسەڵات بو, نە (سەدام حوسەین) بە گازی کیمایی و ئەنفال, نە ئێران و نە تورکیا لەم سەردەمەدا ... هیچ کامیان نەیانتوانی ڕێ بە خواست ویستی گەلی کورد بگرن. زۆریان بەو داخەوە گۆر بەگۆر بوون!! ئەمە لەلایەک, لەلایەکی تریشەوە ئەبێ سەرۆک وەزیران بزانێت کە دەوڵەتە زل هێزەکان لەبەر بەرژەوەندی خۆیان (نەوت و گاز و بازاڕ) ئەم و ئەو کەس و حزبیان ئەوێ!! ئەم بەرژەوەندیەش بەپێی بەرزو نزمی و زیاد و کەمی قازانج و داهات ئەگۆڕێ, ئەو زل هێزانە زۆر حکومەت و دەوڵەتیان لەو پێناوەدا نەک هەر فرۆشت بەڵکو وێرانیان کردن!! سەرۆک وەزیران / یان تارو مار کرد!! ....

کاک حەیدەر عەبادی ئەبێ دەرزو پەند لە هەڵوێستی ئەمریکا و هاوکارانی وەربگرێ بەرانبەر بە حکومەتی هەرێمی کوردوستان لەشەری (داعش) دا. کە هەتا ئیشیان بە هێزی پێشمەرگە هەبوو ماوەی دو ساڵ بەشان و باڵیدا هەڵیان ئەدا و فڕکان فڕکان بو بۆ هەولێر. کەچی کە ئیشیان بەو هێزەی حکومەتی هەرێم نەما ئەوەبو بە بیانووی ڕیفراندۆم / ەوە پشتیان تێ کرد!! خۆ هیچ نەبێ کوردوستان / یش چ شوێنی جوگرافیای و چ بازاڕ و چ سامانی نەوت و گازی / یشی هۆکارێکی کاریگەرن بۆ ئەوەی ئەمڕۆ یان سبەی دەوڵەتە زل هێزەکان, ئەمیان یان ئەوی تریان بێنەوە بەرەو پیری ... واتە گەوهەری مەسەلەکە فڵان کەس و فڵان حکومەت نیە. بەڵکو دەسکەوت و داهاتە... بازارە, سامانە (ژێر زەوی و سەر زەوییەکانە)!! لەهەر وڵات و ناوچەیەک بۆیان بڕەخسێ .. 

خۆزگە ئێمەیش و سەرۆک وەزیرانی عێراق / یش ئەم ڕاستیەمان دەرک پێ بکردایە لەکاتی خۆی دا ... بۆ ئەوەی تەفرە نەدراینایە!!

 

ئەحمەد حامید