ئەم هەواڵە بڵاوبكەوە
FaceBook  Twitter  

ڕاستە ئەم واقعە شێواوەی باری سیاسی ناوخۆی هەرێم ڕەنگدانەوەی واقعی چینایەتی چەواشەی باری کۆمەڵایەتیە لەگەڵ دەست تێوەردانی دەرەکی. بەتایبەتی دراوسێکان و بەرژەوەندی تەسکی حزبایەتی کە یاری بە بەرژەوەندی گشتی ئەکات... بەڵام ئەو مەترسیانەی کەلە پاش ١٥/١٠/٢٠١٧ وە ڕوئەکەنە ئەم هەرێمە ئەم بارگرژی و ناسەقامگیریەی خوڵقاندو و ئەخوڵقێنێ. واتە ئەم شکستیە شکستی هەموانە و مەترسیکەیش ڕوبەڕوی هەموان ئەبێتەوە بەبێ چەندو چون. تەنانەت ئەو کەس و گوروپانەیش کە چونەتە پاڵ حکومەتی بەغداد یان بەتەمان بچنە پاڵی... ئەوانە هیچ کامیان نرخ و سەنگیان لەو جاشانە زیاتر نابێ کە چوونە پاڵ سەدام !!

مەبەستم ئەوەیە ئەگەر هیچ شتێکی نەتەوەیی و مەبدەئیش نەبێ بۆ پێک هێنانی ئەم یەک هەڵوێستیە ... خۆ کاریگەری و مەترسی ئەو نەخشەو پیلانەی بۆ کورد دارێژراوە. وەکو وتم: ڕووی لە هەموانە. مەنتیقی دوژمن ئەوە ناخوا کە فڵان لایەن بڵێ "منی تیا نە بووم یان دژ بووم"!!

ئالێرەوە لەوانەیە ئەگەر دەرک بەو مەترسیە گشتی یە بکرێ. لایەنە ناکۆک و نەیارەکانی ناو هەرێم بگەنە یەکتری (تەوافقێک) پێک بهێنن چ لەپەرلەمان دا , چ لە حکومەتی هەرێم دا و دەست بەکاربن بۆ هەڵسوڕاندنی کاروباری هەرێمەکە و گێڕانەوەی باوەڕو متمانەی جەماوەر و ئەو دەوڵەت و رێکخراو کەسایەتیانەی کە سۆزیان هەیە بەرانبەر بە مافی نەتەوەکەمان و یان بەرژەوەنی خۆیان وایان لێ ئەکات کە بێن بەدەم هاوارو بانگی گەلەکەمانەوە و پشتیوانیمان بکەن و یارمەتیمان بدەن بۆ هەستانەوە..

هەموان باش ئەزانن کە حکومەتی بەغداد لەبەر ئەوەی ئەگادارە کەلە ناوخۆدا حاڵمان پەرێشانە. ئەوەتە هەر ڕۆژێ بیانویەک ئەدۆزێتەوە وە دەسی دەسی بە حکومەتی هەرێم ئەکات سەبارەت بە دەست کردن بە وتووێژ. لەگەڵ ئەوش کە حکومەتی هەرێم. یەک لە دوای یەکتر هەڵوێستی نەرم تر ئەنوێنێ!! تەنانەت پەنا بۆ دەوڵەت و رێکخراوە نێو دەوڵەتیەکان ئەبات کە بەغداد ناچار بکەن بۆ گفتوگۆ لەگەڵ هەرێم بکا... بەڵام وەک ئەبینین ئەو دەوڵەتانە تا ئێستا سارد و کەمتەرخەمن. چونکە ئەبینن کەلەێنی گەورە لەناو خۆماندا هەیە!! کورد واتەنی لەسەر ئەم وەزعە نالەبارەیشدا "شیرو تیر لەیک ئەسون"!!

جات تۆبڵێی ئەگەر بۆ ماوەیەکی کورت/ یش بێ. بتوانن ئەو کون و کەلەبەرانە پینەو پەڕۆ بکەن!! بتوانن بۆ ماوەیەکی کورت بەرژەوەندیە تایبەتیەکانیان دەمکوت بکەن؟ کورد وتویەتی: "قولی ڕەش و سپی لە بواردا دەرئەکەوێ".