ئەم هەواڵە بڵاوبكەوە
FaceBook  Twitter  

هەواڵەکانى دوێنێ و ئەمڕۆ ڕایان گەیاند کە هێزەکانى (حەشدى شەعبى) لەسەر سنورى سوریا و عێراق لەگەڵ سوپاى حکومەتى سوریا دا بەیەکتر شادبوون! واتە (حەشد) بەهۆى سیاسەتى چەوتى ئەمریکاوە دژ بە مافى ڕەواى کورد و هاوکارى کردنى هێرشەکەى بەغداد بۆ سەر هەرێمى کوردوستان. بوارێکى لەبەرچاوى رەخساند بۆ (حەشدى) سەر بە ئێران کە نەک هەر لە عێراق بەڵکو لە سوریا / ش دا شوین پێى خۆى قایم تربکات !! هەروەها دەسەڵاتى حزبى دەعوەیش لە عێراق دا بەهێزتر بکات!!

گوایە حکومەتى ئەمریکا ویستویەتى مەرکەزى ـ عەبادى ـ لەناو جەماوەردا بەهێزتر بکات. بەڵام وەک دەرکەوت عەبادى دەقاودەق خواستى حزبى دەعوە/ ى جێبەجێ کرد. کە دژى خودى ئەمریکایە!! لەلایەکى تریشەوە بو بە هۆى گومڕاکردنى عەبادى. چونکە ئەمریکاپشتى گرتوە دژى کورد و خۆى بەسەرکەوتو ئەزانێ و لەو ڕوانگەیەشەوە. ئەیەوێ گفت و گۆ لەگەڵ کورد بکات و هەر ڕۆژەى بیانویەک ئەدۆزێتەوە بۆ دواخستنى ئەو گفت وگۆیە. لەبەر ئەوەى بەتەمایە. سەرلەنوێ هەرێمى کوردوستان کۆنترۆڵ بکاتەوە!!

گومان لەوەدا نیە کە ئەمریکا. گەورە ئیمریالیستى جیهانى ئەمڕۆ و دوژمنى دەستەو یەخەى گەلانى ئازادیخوازە لە جیهان دا. لەوانەیش گەلى کورد!! بەڵام لە عێراق دا. وا ڕیکەوتوە کە ناکۆکى و دوبەرەکى ئەمریکاو ئێران تا ڕادەیەک قازنجى کوردى تێدا بێ. بەڵام بەرژەوەندى تایبەتى ئەمریکائەوەى خواست پشت بکاتە کورد و بەربەرەڵا بکات بۆ ئێران و حکومەتى بەغداد دژى کورد!! ڕاستە گەلێکى بەشخوراو ماف ژێر پێ نراوى وەک گەلى کوردلەم سەردەمەدا ناچارە خۆى بخاتە بەرسێبەرى یەکێک لە دەوڵەتە زلهێزەکان. بەڵام ئەوەى جێگەى داخە سەرکردایەتى هەرێم. دەرز و پەندى لە هەڵوێستى ئەمریکا بەرانبەر بە خواستى گەلەکەمان وەرنەگرت کە لەساڵى ٩٤٦ , ٩٧٥ ەوە تا ئەمڕۆ هەر دەسى دەستى و یارى پێکردن بوو بە بەپێى بەرژەوەندى ئیستعماریانەى خۆى!! وەکو نەبایان دیبێ نە باران. وتیان کۆمپانیاکانى نەوت سەر بە دەوڵەتە زلهێزەکان لەکاتى تەنگانەدا داکۆکیمان لێ ئەکەن!! ئەمەیش داکۆکیەکەیان بوو!!؟ ئەوەتا وەک ئەبینین شکستى ئەمجارەیشمان هۆکارەکەى هەر ئەمریکایە!!

وەک ڕاپۆرتى دام و دەسگا ئیستخباراتیەکانى ئەوروپا بڵاوى ئەکەنەوە ئەمریکا دەرکى بەهەڵەى خۆى کردوە لە عێراق و ناوچەکە. بۆیە ڕاگەیاندنەکانى, تەپڵى جەنگ لێ ئەدەن. لە لبنان و لەبەینى سعودیە و ئێران و جاروباریش ئەڵێ (( لە کوردوستانى عێراق / یشدا شەڕو پێکدادان ڕوو ئەدات)) و بۆنى ئەوى لێ دێ وەکو دوێنێ چۆن شەڕى ـ داعش ـ یان بە کورد کرد. ئەمجارەیش شەڕى (شیعە) بە کوردبکەن!!!

ئەوەتا وەک بڵاوکرایەوە نوێنەرى سەرۆکى ئەمریکاى تایبەت بە شەڕى داعش گەیشتۆتە هەولێر و لەگەڵ نێچیرڤان بارزانى کۆبۆتەوە.. لەوە ئەچێ ئەمجارەیش ئیشیان بە هێزى پێشمەرگە هەبێ!! چونکە داعش لە زۆر شوێنى عێراق کەوتۆتەوە جموجوڵ!!

جاتۆ بڵێى ئەمجارەیش کورد بخەڵەتێنن ؟!!