ئەم هەواڵە بڵاوبكەوە
FaceBook  Twitter  

وەک لەلاى کەس و لایەنە سیاسیەکان ڕونە کۆمەڵێک پەیوەندى سیاسى و ئابورى و سەربازى و ئەمنى بنەڕەتى لە نێوان جمهورى ئیسلامى ئێران و عێراق دا هەیە و بەهۆى شەڕى داعشەوە بونى سەربازى لە ئێران و عێراق دا. بەتایبەتى لە نێو پێکهاتەى (حەشدى شەعبى) دا.

دواى ئەنجام دانى ڕیفراندۆم لە هەرێمى کوردوستان داو کارەساتەکەى ١٦/ ئۆکتۆبەر. دەرفەتێکى بەرفراوانتر بۆ ئێران ڕەخسا کە بەجۆڕیکى سەرنج ڕاکێش کە پەیوەندیە سەربازیەکانى هەر لە کوردوستان و عێراق دا پەرەپێ بدات. بەڵکو لە سوریا/ ش دا کە (حەشدى شەعبى) سنورەکانى بۆ واڵا کرا کە لەگەڵ سوپاى سوریا دا گەیشتن بەیەک و ئێران بڕیارى دا بنکەیەکى جەنگى لە نزیکى (دیمەشق) دابمەزرێنێ. لەشکرکێشى وتفاقى جەنگ بۆ ئەم ولاتانە بەردەوامە!!

ئەتوانم بڵێم ئەم جمجۆڵەى ئێران لە ئەنجامى (غەفڵەتى) سیاسى ئەمریکا بو لەناوچەکەدا. کە پشتى کردە کورد بو بەیارمەتى دەرى حکومەتى بەغداد و هەل و مەرجى لەبارى بۆ ئێران / یش رەخساند!! دەرئەنجامەکانى ئەمریکاى ڕاچڵەکان بگرە هەژاند!!! چونکە ئەو لەگەڵ هاوپەیمانەکانى بەدەم شەڕى وەدەرنانى داعش /ەوە شەڕى وەدەرنانى ـ ئێران ـ ئەکەن لە هەمو خۆرهەڵاتى ناوەڕاست. وا ئەوەى ناونراوە (هیلالى شیعى)!!

هەر بۆیە سەرەڕاى جموجوڵى سیاسى دەستى بە جموجوڵى سەربازیش کردوە. ئەوەبو لە دوا ڕۆژەکانى نۆڤەمبەر دا (تشرینى دوەم) هێزى لە کەرکوک و دوزخورماتو / یش دابەزاند. واتە بنکەى سەربازى نوێ لەو ناوچانەدا کە (حەشد) ى تێدایە!! کە مەبەست ڕوبەڕوبونەوەیە لەگەڵ ئەو (حەشد) ەدا ئەگەر پاشەکشێ نەکات.

لەلایەکى ترەوە هەواڵەکانى دەڤەرى (دوز) ڕایان گەیاند کە هێزێکى چەکدارى بەناوى (هێزى ڕزگارى) دامەزراندوە وەک ئەلێن لە سنورى (٢٥٠) چەکدار زیاترن و چەند جارێک (کۆپتەرى) نەناسراو بەسەریان دا سوڕاوەتەوە!!

ئەم هێزە چەند ڕۆژێک لەمەوبەر لەگەڵ هێزێکى (حەشد) کە جوڵاون و بەرەو دێهاتەکان بوە بە شەڕیان و هێزەکەى (حەشد)یان تێک شکاندوە!!

کورد واتەنى (ئەم دوکەڵە بێ ئاگرنیە) و ئەم هێزە کوردەیش (ڕزگارى) بێ خاوەن نیە و بێ ئەمانج نیە!!

جاتۆ بڵێى ئەمریکا پاش شەڕى داعش شەڕى (حەشد) یش بە کورد نەکات؟!!