ئەم هەواڵە بڵاوبكەوە
FaceBook  Twitter  

 

‎یەكەم

 ‎سوژە وەك ماهییەتێكی خەیاڵكراو

‎داڤید هیوم

 ‎كاتێك من دەمەوێت بگەم بە قوڵاییی ئەوەی كە ناوم ناوە "من" یاخود "سوژە"، من بەرهیچ ناكەوم جگە لە بە یەكگەیشتن و بەركەوتنم نەبێت لە گەڵ كۆمەڵێك ئیحساسی ساردو گەرم، ڕوناكی و تاریكی، خۆشەویستی و ڕق، ئازارو چێژ. وە من هەرگیز ناتوانم وێناوی "منێتی " خۆم بكەم بە بێ هەست و ئیحساس: ناتوانم خۆم وەرگرم و بەرخۆم بكەوم بە بێ كۆمەڵێك ئیحساس. بەم پێییە "منێتی" كۆمەلێك هەستكردن و ئیحساساتە. بەڵام. ئایا ئەم پشتێنە لە هەستكردنەكان یەكێتییەكی نییە؟یاخود "من" ئەم یەكێتی و یەكبونە نیم؟. یەكێتی و یەكبونی ئەم كۆمەڵە هەستكردنانە تەنیا لەو كاتەدا بونیان هەیە كە كۆمەڵێك هەستكردن بە كۆمەڵێكی تری هەستكردنەكانەوە دەبەسترێنەوە ئەمەش لە رێگەی پەیوەندی هۆو هۆكار، ئەم پەیوەندییە، پەیوەندی هۆو هۆكار بابەتی نییە.ئەم پەیوەندییە تەنیاو تەنیا بەهایەكی زاتیان هەیە. ئەمە حەقیقەتێك نییە چونكە هیچ پەیوەندییەكی ڕاستەقینە لە نێوان ئەم ئیحساساتانەدا دروست ناكات.بەمشێوەیە "سوژە ماهیەتێكی خەیاڵكراوە". بەرهەم و بەرهەمهاتوی پرۆسەی خەیاڵكردنە

 

‎دووەم

 

‎نیتچە دورتر دەڕوات

 

‎ئیدیای "بوون" وەك تیشكدانەوەی ئیدیای من

 

‎نیتچە وای دەبینێت "سوژە خەیاڵكراوەو خەیاڵدەكرێت” : زۆربەی زۆری ئەو دۆخە هاوشێوانە لە دەروونی ئێمەدا هیچ نین جگە لە پاشماوەو كاریگەری هەمان جەوهەر . نیتچە لێرەدا زیاتر دەروات، زیاتر لەوەی كە "من"تەنیاو تەنیا وەهم و خەیاڵكردن و بونێكی خەیاڵكراو بم. پێداگیری و جەختكردنەوەی نیتچە سەبارەت بەوەی ئیدیای "بوون" و ئیدیای "ِشت داتاشراو دروستكراوە لە ئیدیای "من". كۆی ئەو شتانەی مرۆڤ لە شتەكاندا دەیبینێت هیچ نییە جگە لە كۆمەڵێك داتاشین و بەسەردابڕینی ناو دەرونی خۆی "ئیسقاتات". واتە ئەوەی لە ناو خۆیدا دەگوزەرێت و بڕای پێ هەیە دەیانكات بە حەقیقەت و واقعی دەرەكی

‎"ئینسان سێ حەقیقەتی ناوەوەی خۆی سەپاند,ئەم سیانەش بڕوایەكی تەواوی پێیان هەبوو "ویست و دەرون و من"، تەنانەت ئیدیای "بوونی "لە ئیدیای منەوە وەرگرت.،بەمشێوەیە كۆمەڵێك شتی لە خەیاڵی خۆیدا دانا وەك ئەوەی كۆمەڵێك هەبوو بن سازراو وڤ هاوشێوە لە گەڵ ئەو ئیدیایەی سەبارەت بە "من"هەیبووە و بە هۆكاری دادەنا. ئا لێرەوە جیگەی سەرسوڕمان نییە ئێمە لە شتەكاندا بەرهیچ ناكەوین جگە لە بەركەوتنمان لە گەڵ كۆمەڵێك داتاشین، پێشداوەریی، وێناكردن و ناونانی پێشوەختە كە بۆ شتەكانمان خولقاندووە.ئیدیای " شت" تەنیا پەرچەكردارو شكانەوەی ئەو بیروباوەڕو ئیمانهێنانەیە كە لە "من"دا هەیە وەك هۆكارێك. بەمشێوەیە كاتێك ئیدیای "بون"وەردەگرین و بەریدەكەوین لە ناو ئیدیای "من"دا، بە نیگای نیتچە، تێكەڵەیەك لە نێوان واقع و رۆحدا دروستدەكەین كە ،هەڕەشەلێكراوە و، لە ژێر مەترسی سایكۆلۆژیایەكی سەرەتاییدایە