ئەم هەواڵە بڵاوبكەوە
FaceBook  Twitter  

ڕۆژنامەى طریق الشعب/ ى حزبى شیوعى عێراق دەربارەى لەشکر کێشیەکەى تورکیا بۆ ناوچەى (سیدەکان و قەندیل) لە هەرێمى کوردوستان. بابەتێکى کورتى پڕماناى بەو ناونیشانەى سەرەوە لە ڕۆژى ١١/٦/٢٠١٨ دا بڵاوکردەوە. تیادا نیازى حکومەتى تورکیا پیشان ئەدات کە ئەیانەوێ بە بیانوى پاراستنى سنورەکانیانەوە. ناوچەیەک لە ژوروى هەرێمى کوردوستان زەوت بکات. 

لە ڕۆژى ١٢/٦ دا هەر ئەو ڕۆژنامەیە ئەنوسێ ((ئۆردوغان دەست پێکردنى هێرشێکى سەربازى لە ژوروى هەرێمى کوردوستان ڕادەگەیەنێت)).

دوابە دواى داگیرکردنى هەرێمى عەفرین. ئۆردوغان ئەوەى ڕاگەیاند کەلە ژوروى عێراق/ یش ناوچەیەک زەوت ئەکات. لەم ڕۆژانەدا تورکیا ئەو گفتەى ئۆردوغانى جێبەجێکرد و زیاد لە ٢٧ کیلۆمەتر هاتە ناو سنورى عێراق – هەرێمى کوردوستانەوە و لە ناوچەى سیدەکان چەند بنکەیەکى سەربازى دامەزراند و زیاد لە سێ هەزار سەربازى تیایان دا سەقامگیرکرد!! بە واتایەکى تر ئەو ناوچەیەى بە بەر چاوى هەردو حکومەتى عێراق و هەرێمى کوردوستانەوە.

کورد ئەڵێ: ((ئەم دوکەڵە بێ ئاگر نیە)) !!

کەواتە بابگەڕێینەوە بۆ پێش داگیرکردنى موسڵ لەلایەن داعش/ ەوە ئەوە بو داعش پەلامارى (مەخمور) ى دا بەنیازى داگیرکردنى هەولێر!! ئەم پەلامارە بە فەرمانى ڕاستەوخۆى ئۆردوغان بوو. بەڵام ئەمریکا پێى قەبوڵ نەبوو ئەو هێرشەى تێک شکاند و پاشەکشەى بەو هێرشەکرد..

ئەو هێرشە لقێکى ئامانجەکى تورکیا بو . واتە دامەزراندنەوەى ئیمپراتۆریەتى (خەلافەتى عوسمانى) کە کوردوستانى عێراق (هەردو ولایەتى موسڵ و شارەزور) بەشێک بوون لەو ئیمپراتۆریەتە.

ئەم بڕو بیانو و لەشکرکێشیەى تورکیا مانگى حوزەیران ٢٠١٨ هەر بۆ هێنانەدى ئەو خەونەیە. کورد واتەنى ((هەمو ڕێگەیەک بۆ بانە ئەچێ)).

تورکیا عەفرینى لە کوردوستان سەندەوە و تەسلیم / ى کرد بە داعشەکانى خۆى کەناویان (بەرهەڵستکارانى سوریا/ یە) !! ئەمڕۆیش هەواڵەکان ئەڵێن هێزێکى هەمان ئەو داعشانەى سوریاى گەیاندۆتە باکورى هەرێمى کوردوستان گوایە بۆ شەڕى پەکەکە!! بەم بیانوەیشەوە لە چەند ناوچەیەکى ئەو دەڤەرە جێگیریان ئەکات و بەرەبەرە خەڵکى ئەو گوندانە ناچار بە هەڵهاتن ئەکات و ئەم داعشانە ئەخاتە شوێنیان و هەروەکو لە عەفرین ئەنجامى دا. ماڵ و موڵکى خەڵکەکەیش تاڵان ئەکەن!!

ئەمە گەوهەرى پیلانەکەیە و بە خشکەیى جێبەجێیى ئەکات و وادیارە ئەمریکایش کە هەر بەتەماى قۆرخ کردنى هەرێمى کوردوستانە. لەم نەخشەیەدا شەریکە!! چونکە وەکو سەرەتاى ئەم مانگە (حوزەیران) بڵاوکرایەوە ئەمریکا هێزێکى لەناوچەى سنجار جێگیرکردوە!!

تورکیا سودى لەم وەزعە ئاڵۆز و ناسەقامگیرەى حکومەتى عێراق و هەرێمى کوردوستان وەرگرتوە. چونکە هیچ کامیان ئەو توانایەیان نیە ڕوبەڕوى ببنەوە و کۆمەڵ و دام و دەسگا نێو دەوڵەتیەکانیش, وەکو چۆن بۆ داگیرکردنى عەفرین. چرکەیان لێوە نەهات. سەبارەت بەم پەلامار و داگیرکردنەى باکورى کوردوستانى عێراق هەمان هەڵوێستیان هەیە. چونکە تورکیا ئەندامى حیلفى ناتۆ/ یە.

جاتۆ بڵێیى ئەم پیلانە هەروا بە ئاسانى بە ئەنجام بگەیەنرێ؟ ئەڵێن گوایە قسەیەک هەیە کە کۆنگرەى نەتەوەیى کورد بەم زوانە کۆئەبێتەوە.. 

ئۆردوغان پەلەیەتى و ئێمەیش هەولێرى واتەنى (بەکاوەخۆ) ئەجوڵێیەنەوە!! 

ئەگەرى شەڕى ڕوبەڕوبونەوەمان پێ ناکرێ با دەست بەشەڕى پارتیزانى بکەین.

 

  • 1