ئەم هەواڵە بڵاوبكەوە
FaceBook  Twitter  

فەیلەسوف و بیرمەندی نوێی رووسیا ئەلێکساندەر دوگین کە بە خاوەنی تیۆریەی چوارەمی بەرێوەبردن و سیاسی سەردەم دادەندرێت دەڵێت سەردەمی ئایدلۆژیای لیبرالیزمیش بە هەمان شێوەی ئایدلۆژیاکانی فاشیزم و کۆمۆنیزم لە کۆتای دایە، ئەوەی جێگای ئەم ئایدلۆژیای لیبرالیزم دەگرێتەوە ئەوە ئایدلۆژیا و بیروباوەری تێوریەی ئۆراسیا کە هەڵگرانی رێبازی رالیزمین. ئێمەش لەو باوەرەداین تەنیا لە رێگای ریالیزمەوە ( راستەقینخوازیەوە ) دەتواندرێت پارێزگاری لە ناسنامەی نەتەوەی و کلتور و بەها بەرزەکان بکرێ. هەر لەم رێگایەشەوە ئێمەی کورد دەتوانین هەوڵ بۆ دروستکردنی دەوڵەتی نەتەوەی کوردیش بدەین. چونکە ئەوە لە چوارچێوەی ریالیزمە، باس لە سەروەری نەتەوە و گەل و بەها بەرزەکانی مرۆڤایەتی دەکرێت! هەر ئەوە رێبازەشە لە راستیدا ئەڵتەرناتیڤی سیاسەتی جیهانگیریەکانە (گڵۆبالیزشینەکان) بۆ زۆر بیرمەند و زانایانی جیهان روون بۆتەوە کە عولمیەکان هەوڵی لە ناوبردنی مانای مرۆڤایەتی، و خەون و ئەندێشەو ناسنامەی نەتەوایەتی مرۆڤ دەدەن. ئەمرۆ هەردوو جەمسەرە بەهێزەکەی جیهان لە لایەن دوو کەسایەتی سیاسی ریالیزمی بەرێوەدەبردرێت، یەکێکیان مامۆستای ئەم رێبازە و ئەوەی تریان قوتابی قوتابخانەی ئەم رێبازەیە ( مامۆستا پوتین و قوتابی ترامپ ) ڤلادیمێر پوتین لە پەراوێزی دیداری هڵسنکی لە ۱٦/۷/۲٠۱۸ لە پرێس کۆنفرانسەکەیاندا لەگەڵ دۆناڵد ترامپدا ددانی پێدانا و بیروراکەمانی پشت راست کردەوە کاتێک ووتی سەردەمی دژبەریەکبونە تیژە ئایدلۆژیەکەی نێوان هەردوو دەوڵەت بۆتە رابردوو. مەبەستی ڤلادیمێر پوتین ئەوە بوو ئەمرۆ هەردوو سەرکردەی هەڵگری یەکجۆرە رێبازو بیرکردنەوەن. ‎ شێوازی کارکردنی هەردوو دەوڵەت لە سەردەمی پوتین و ترامپدا پەیرەوانی قوتابخانەی ریالیزمین و دژی گڵۆبالیزەیشنن. ‎هەردوو سەرۆک پوتین و ترامپ هەڵگری رێبازی ئەو شێوازە کارکردنەن، هەوڵدەدەن ووڵاتەکەیان بەرەو شێوازی ژیان و بەرێوەبردنی ریالیزمی ببەن، لە جیاتی بەکارهێنانی عولەمە و جیهانگیری. تەنیا کێشە لەبەردەم دۆناڵد ترامپدا نەبوونی دەسەڵاتی رەهایە لە بریارداندا. پەیرەوکردنی رێبازی ریالیزمی بۆ پاراستن و پارێزگاری کردنە لە ناسنامەی نەتەوەی و کلتور و داب و نەریتی میللەتان، بە پێچەوانەی علمانیەت و گڵۆبالیزەیشن بونەتە سەبەبی سەرەکی لە ناوچوونی مۆرکە نەتەوایەتیەکان و هەڵوەشانەوە و نەمانی مانای گەل بە هێنانە کایەی چەمکی سیاسی نەتەوە

17/7/2018

مۆسکۆ

  • 1