ئەم هەواڵە بڵاوبكەوە
FaceBook  Twitter  

پێشكەوتنی تەكنەلۆجیا زۆر ئاسان كاری بۆكاری ڕۆژانەمەگەری كردووە, كە بە هەموو ئاسانكاری و باشییەكانیشیەوە لایەنی خراپیشی تێدایە، بەتایبەت بۆكۆمەڵگا نیمچە دواكەوتووەكان لەڕووی پێشكەوتنی تەكنەلۆجیاوە، كە كوردوستانی ئێمەش یەكێكە لەو كۆمەڵگا بەكاربەرانە كە بێ ئامادەكردنی خەڵك و وشیاركردنەوە كۆمەڵێك ئامێری تازە دەهێنرێتە ناو كوردستان و بڵاو دەبێتەوە كە بەداخەوە هەندێك خەڵك تەنها بیریان لای گیرفانیانەو بۆیان گرنگ نییە كە چی بەسەر ئەوخەڵكە دادێت.
من دەمەوێت تیشك بخەمە سەر دوو بابەت كە زۆر زۆر كاریگەری خراپ وە یا دەتوانرێت كاریگەری باشیشیان هەبێت .
1- تەلەفزیۆن
سەرچاوەیەكی زۆر گرنگی ڕاگەیاندنە لەهەمودونیادا كە وڵاتانی پێش كەوتوو سودی لێ وەردەگرن بۆ وشیاركردنەوەی خەڵكەكەیان و وەهەروەها بۆ ناساندنی كلتوری خۆیان بۆ دونیای دەرەوە.
ئێمەش لەكوردوستاندا كۆمەڵێك حزبمان هەیە كە خاوەنی تەلەفزێۆنن، بەڵام زیاتر بۆ دوژمنایەتی و شكاندنی یەكترە تا خزمەت كردن.
هی ئیمە زیاتر بۆخزمەتكردنی كلتوری بێگانەیە بەو هەموو سریاڵە كە خەریكە بە تەواوی لەگەڵ كلتوری كوردی خۆماندا نامۆ دەبین.
پێویست بوو حكومەت سودی لەو هەموو هونەرمەندە باشە وەربگرتبا كە لەكوردوستاندا هەمانە كە هیچیان كەمتر نییە لەبواری هونەریەوە لە هونەرمەندانی وڵاتانی دەوروبەرمان.
كە هونەری كوردی بەڕاستی زۆر پێویستی بە خزمەت كردنە چونكە ئەو كلتورە توانیویەتی كورد لە لەناوچوون بپارێزێ‌ بەتایبەت هونەرو ئەدەبەكەی .
پێویستە لەسەر لێپرسراوانی وڵاتەكەمان چیتر نەهێڵن هونەری كوردی لەوە خراپتر بێت و پێویستی بەرێك خستنەوەو دانانی فلتەر هەیە .
1- ئینتەرنێت
ئێمە دەتوانین زۆر سود لە ئینتەرنێت وەربگرین كە ئینتەرنێتیش باشی و خراپی خۆی هەیە كە ئەویش دەكەوێتە سەر ئەقڵ و شعوری ئەوكەسەی بەكاری دەهێنیت، بەڵام ئەركی حكومەتە لێپرسینەوە بكات لە چۆنیەتی بڵاو كردنەوەو كۆنترۆڵ كردنیدا .
وەكو دەزانین لەكوردوستاندا زۆربەی خەڵك موبایلی پێیە وە هەتا منداڵە چكۆلەكانیش بەهەمان شێوە موبایلیان هەیە یان هی دایك و باوكیان بەكاردەهێنن.
كێشەكە لێرەدا ئەوەیە كە هیچ چاودێریەك لەسەر هەندێك وێبسات نییە كە بۆ منداڵ ناشێت و زۆر خراپە .
یەكێك لەوانە وێبسایتە پۆڕنەكانن واتا سێكسیەكان كە هیچ چاودێرێكی حكومی لەسەر نییە تا منداڵانی لێ بپاریزرێت.
بەداخەوە زۆرجار دایكو باوكەكانیش لێپرسینەوە ناكەن تابزانن منداڵەكان چی دەكەن و سەیری چی دەكەن
من بینیومە كە منداڵ لەگەڵ دایك و باوكیدا دا دەنیشێت تا كاتژمێر دووی بەرە بەیانی كە باوك و دایك ئەگەر سەیری هەر پرۆگرامێكی تەلەفزێونی بكەن ئەوا منداڵەكەش لەگەڵیان سەیر دەكات یان بە موبایل و ئێنتەرنێتەوە خەریكەو كەس لێی ناپرسێتەوە كە چیدەكات یاخوت بۆ تا ئێستا نەخەوتوە .
بۆیە پێویستە سنوورێك بۆ ئەو بەكاربەرانە دابنێرێت و تەكنەلۆژیا نەبێتە ئامرازی تێكوپێكدانی كۆمەڵگای كوردی بەتایبەت كە ئێمە خاوەنی كلتورێكی جوانین و توانیمانە خۆمان لە كاریگەری دیاردە ناشیرنەكان بپارێزین.

  • 1