ئەم هەواڵە بڵاوبكەوە
FaceBook  Twitter  

ئەوەى کە ئێستا بڵاوکراوەتەوە. کۆتایى ئاب ٢٠١٨ لایەنە سەرەکیەکانى کەرت یان کۆمەڵى گەورەتر لە پەرلەمان دا بریتى ئەبێ لە بەرەى سائرون بەسەپەرشتى (موقتەدا الصدر), حکمە بە سەرۆکایەتى (عەمار الحکیم), نەسر (نصر) بە سەرۆکایەتى ـ حەیدەر العبادى, (الوطنیة) بە سەرۆکایەتى ئەیاد العلاوى. وەفدێکى ئەمان دوشەممەى ڕابوردو سەردانى هەولێر یان کردو هەواڵەکان ئەڵێن. گفتوگۆ لەگەڵ ـ پارتى دیموکراتى و یەکێتى نیشتمانى کوردوستان دا سەرکوتو بوە. واتە بە تەماى ئەوەن ئەم دو حزبەى هەرێم وەکو لایەنى پێنجەم هاوکاریان بن. 

پێم باشە لە چەند ڕویەکەوەە سەرنجى ئەم پێکهاتەیە بدەین: ـ

اـ حکمە و نصر و سائرون بەشى هەرەزۆریان شیعە مەزهەبن. بێجگەلە حزبى شیوعى کە حزبى هەموانە بێ جیاوازى. (الوطنیة) سوننە مەزهەبە. علاوى سەربە ئەمریکایە. 

ب ـ بەشى هەرە زۆرى شیعەکان سەربە کۆمارى ئیسلامى ئێرانن و دژى هەڵوێستى ئەمریکان بەرانبەر بە ئێران. 

ج ـ عەبادى ئەمریکا پشتگیرى ئەکات و ڕایگەیاند کە هاوکارى ئەمریکایە دژى ئێران. واتە لەگەڵ سزاکان دایە دژى ئیران.

چ ـ صدر و عمار الحکیم دژ بە سیاسەتى ئەمریکان لەناوچەکەدا. 

ح ـ هەردو حزبەکەى هەرێم/ یش هەردوکیان (سوننە) مەزهەبن و یەکێتى نیشتمانى پەیوەندى لەگەڵ ئێران دا باشە. و پارتى دیموکراتى/ ش لەگەڵ ئەمریکادا باشە. ئەمە لەلایەک لەلایەکى ترەوە ئەمریکا هەوڵ ئەدات کە حکومەتى ئایندەى عێراق هاوکارى بکات بۆ سەپاندن و بەجێ گەیاندنى سزاکان دژى ئێران!! بەڵام تا ئێستا ئەم پێکهاتەیە هەڵوێستى خۆى ـ حکومەتەکەى ـ بەرانبەر بە کێشەى ئێران و ئەمریکا, بە تایبەتى سزا جۆربەجۆرەکانى ڕون نەکردۆتەوە. کە زیانێکى زۆر بە عێراق ئەگەیەنێت لە هەردو بوارى ئابورى و کۆمەڵایەتیەوە!!

وەک لەسەرەوە ڕونم کردەوە لایەنەکانى ئەم کەرتە گەورە چاوەڕوانکراوە لە هیچ ڕویەکى مەزهەبى و سیاسیەوە یەک نین. بگرە زۆر جیاوازن!!

خۆ ئەگەر لەبارةى چینایەتیشەوە سەرنجیان بدەین ئەوا زوربەى سەرکردایەتى و کادر و بەرپرسانى ئەو لایەنانە هەیە بێجگە لە حزبى شیوعى هەر هەمویان. لە چینى مام ناوەندى و گەورەى سەرمایەدارى کۆمەڵگان ـ ئەرستوکراتى ـ کە چەوساندنەوە و ڕوتاندنەوەو گەندەڵى و مشەخۆرى و دەسەڵاتخوازى لە مۆخیاندا جۆش دراوە!! ئەوانە لە کوێ و خەڵکى برسى و ڕەش و ڕوت لە کوێ؟؟ 

پرسیارەکە لێرەدایە, ئەم پێکهاتە نەشازو ناجۆرە. بگرە ئەم پێکهاتەیە کەلە جەوهەردا دژى یەکترین. چۆن پێکەوە لەمەنجەڵێکدا ئەکوڵێن؟؟ ئەى حزبى شیوعى لە کوێ جێگەى خۆى ئەکاتەوە؟

بۆیە من لەو باوەڕەدام ئەو حکومەتەى لەم پێکهاتە نەگونجاوە پێک دێ. چ لەبەر کێشەو ململانێى ناوخۆیان. چ بەهۆى کاریگەرى گوشارى ئەمریکا و ئێران/ ەوە ناتوانن ئەو بەرنامەیەى کەلەسەر کاغەز پەسەندى ئەکەن بەکردەوە جێبەجێى بکەن!! نەک هەر ئەوە بەڵکو حکومەتەکەشیان تەمەنى درێژ نابێ!!

 

 

  • 1