ئەم هەواڵە بڵاوبكەوە
FaceBook  Twitter  

بەشی شەشەم

{جیابوونه‌وه‌و دانه‌بڕان}

جیابونه‌وه‌، دابڕان ولێک جوودا بوونى ناوه‌ڕۆک و شێوه‌ى ده‌ره‌وه‌ى مادده‌یه‌. جیابونه‌وه‌ کاتێک ئه‌نجام ئه‌درێت که‌به‌ته‌واوى ماناى پێک هاتنى جیاوازى ماددى ده‌ست نیشان بکرێت. ده‌بێت خه‌سڵه‌تى جیاوازو هاوکێشه‌ى جیاوازى هه‌بێت. کاتێک ئاسن ئه‌گۆڕێت بۆ ئۆکسیدى ئاسن. توێژاڵێکى ده‌ره‌وه‌ى مادده‌ى ئاسن پێکهاتێکى جیابووه‌وه‌ىخۆى پێک ده‌هێنێت و له‌نێوانیاندا پێکهاتى جیاوازى ناوه‌ڕۆکیان دروست ده‌بێت، واته‌ ئاسنه‌که‌ ده‌گۆڕێت بۆ توێژاڵێک که‌پێی ده‌ڵێن ئۆکسیدى ئاسن، و ڕه‌نگى ژه‌نگن ده‌بێت. 

هه‌روه‌ها تواناو کارکرده‌ کانیان به‌پێی پێکهاته‌کانیان جیاواز ده‌بێت. ئه‌مه‌ کردارى جیابونه‌وه‌ى ماددییه‌، له‌ڕاڤه‌کردنێکى دیالێکتێکى یانه‌وه‌ بۆ مادده‌، و په‌یوه‌ندییه‌کانى له‌گه‌ڵ ده‌ره‌وه‌ى مادده‌که‌و ناوه‌وه‌ى خۆى چونکه‌ ئۆکسیدى ئاسن به‌کاریگه‌رى ئاوهه‌وا، به‌رگى ده‌ره‌وه‌ى ئاسن، ده‌گۆڕێت و ناگه‌ڕێته‌وه‌ بۆ دۆخى ماددى ئاسن و هه‌مان فرمانى ڕابردووى جێ به‌جێ بکات، و پێکهاتێکى ترى ماددى و هاوکێشه‌ى پێکهێنه‌رێکى ترى جیاوازى ده‌بێت. به‌لێکدانه‌وه‌ى ماددى دیالێکتیکى، له‌مادده‌دا جیابوونه‌وه‌، ڕوودانى جیاوازى ناوه‌ڕۆک و شێوه‌ى ده‌ره‌وه‌ى مادده‌یه‌ له‌گه‌ڵ مادده‌ى یه‌که‌م. به‌ڵام کاتێک ئاسن جیاواز ده‌کرێت له‌پارچه‌ى لێجیاکراوه‌، ناتوانین به‌مادده‌ى ئاسنى جیابووه‌ پێکهاتێکى ترى ماددى جیاوازى بۆ دروست بکه‌ین و ده‌ست نیشانى بکه‌ین. چونکه‌ مادده‌که‌ى هه‌مان پێکهاته‌ى مادده‌ى پێکهاتووى پارچه‌که‌ى تره‌، و گۆڕان له‌ناوه‌ڕۆکى ماددیدا نه‌بووه‌. له‌به‌رئه‌وه‌ى پارچه‌ى جیاواز بووه‌وه‌، پارچه‌ى پێکهاتووى جیاوازى ناوه‌ڕۆک و ده‌ره‌وه‌نىیه‌.

که‌واته‌ بۆ دووپارچه‌ى جیاوازى ماددى ده‌بێت پێکهاته‌ى ماددى جیاواز دروست بێت له‌ڕووى ڕیزبوونى گه‌ردیله‌ىو هه‌روه‌ها ژماره‌ى ئه‌لیکترۆن و پرۆتۆنه‌کانى ناوناوکى گه‌ردیله‌، ده‌توانێت پێکهاتى جیاواز بووه‌وه‌ ده‌ست نیشان بکات. ئه‌مه‌ش بۆ پێکهاتى ماددى خانه‌کانى له‌شى زینده‌وه‌ریش ڕاستن، چونکه‌ هه‌رخانه‌و هه‌ڵگرى جینۆلۆجیاى تایبه‌ت مه‌ندى خۆیه‌تى.

ئه‌م لێکدانه‌وه‌یه‌ش و شیکاریه‌کانى، بۆ ده‌ست نیشان کردنى جیاوازى پێکهاتى هزرى و ئایدۆلۆجى و بێوس پۆ لیتیکۆس (ژیانى سیاسى)و میتۆدى و بێوس تێور یتیکوس (ژیانى تیۆرى)و لایه‌نه‌ جیاوازه‌کان ڕاستن. جیاوازى له‌نێوان دولایه‌ن و دووبه‌رژه‌وه‌ندى چینایه‌تىو کۆمه‌ڵایه‌تى و ئابوورى جیاوازدا، ده‌بێت جیاوازى له‌نێوان میتۆدو هزرى پۆلتیک و ئامانجى جیاوازدا بێت. هه‌روه‌ها به‌پێچه‌وانه‌شه‌وه‌ لێک دابڕانى هزرى و ڕامیارى ده‌بێت له‌ئامانجى به‌رژه‌وه‌ندى جیاوازدا کۆ ببێته‌وه‌، ئه‌گینا جیابوونه‌وه‌ له‌ڕووى پارچه‌وه‌ بێت و یه‌ک فۆرم واتایان بێت، ناتوانرێت ده‌ست نیشانى جیاوازىیه‌که‌، به‌ جیاوازییه‌کى ماددى بابه‌تى بکه‌ین، به‌ڵکو ئه‌و جیاوازىیه‌ ته‌نها له‌ڕووى ده‌ره‌وه‌دا جیاوازبوون ڕووىداوه‌. له‌م سۆنگه‌یه‌وه‌ ئه م جیاواز بوونه‌ش ته‌نها له‌جیاواز بوونى ئه‌ندام و که‌سه‌کانه‌وه‌، سه‌رچاوه‌ ده‌گرێت و ناتوانێت دابڕانى کرۆکى و ناوکى میتۆى خۆى ده‌ست نیشان بکات.

هه‌روه‌ها به‌یه‌ک فۆرمه‌وه‌ واتاى جیاوازییه‌کانیان ده‌ست نیشان ده‌کات،وه‌لێ ئه‌مه‌ش ناکاته‌ لێک دابڕان. که‌واته‌ ده‌بێت ئێمه‌ قۆزاغه‌ى میتافیزیک ببڕین، و لێوه‌ى ده‌ربچین ودیالێکتێک بکه‌ینه‌ بنه‌ماى جیاوازبوونى فۆرمه‌کان. چونکه‌ میتافیزفیک ته‌نها له‌شێوه‌ى ده‌ره‌وه‌یدا جیاوازییه‌کان بنیات ده‌نێت، و به‌ به‌هاترین لێک دابڕانى به‌یان ده‌کات. 

زۆرترین جاریش. ئه‌و جیاوازییه‌ ده‌ره‌کیانه‌ش به‌هایان نامێنێت و بنه‌ماى خۆیان له‌ده‌ست ده‌ده‌ن.

جیابوونه‌وه‌کان له‌چرکه‌ ساتى خۆیدا، له‌ناو حیزبى کۆمۆنیستى ئێران و هه‌روه‌ها دواتر جیابونه‌وه‌ى کۆمه‌ڵێک له‌ حیزبى (ک.ک.ع)دا، له‌سه‌ره‌تادا جیابوونه‌وه‌یه‌کى شێوه‌یى بوو. چونکه‌ نه‌یان توانیبوو له‌به‌رنامه‌و پره‌نسیپه‌کانى (ک.ک)ى تێپه‌ڕ بکه‌ن و به‌رنامه‌و میتۆدۆلۆجیه‌کى تر گه‌ڵاڵه‌ بکه‌ن و یان له‌سه‌ر بنه‌ڕه‌تى به‌رنامه‌یه‌کى تره‌وه‌ جیاوازبوونیان به‌ده‌ستبهێنن و په‌یڕه‌وێکى تر به‌جیاوازییه‌کى تره‌وه‌ جیاوازبکه‌نه‌وه‌و به‌یانى جیاوازییه‌کانیان بێت.

به‌ڵام ئه‌م کاره‌ له‌سه‌ره‌تادا، جێ به‌جێ نه‌کراو نه‌بووه‌ به‌رئه‌نجامى پرۆسه‌ى جیابوونه‌وه‌. به‌ڵکو هزرى ناکامڵى چه‌پ و پابه‌ندییه‌کانى به‌شێوه‌یه‌کى زۆر میتافیزیکیانه‌وه‌، به‌ په‌یڕه‌وێکى دۆگمایانه‌ مامه‌ڵه‌ى له‌گه‌ڵ جیابوونه‌و جیانه‌بوونه‌وه‌دا ده‌کرد. له‌به‌رئه‌وه‌ى ئه‌م توێژه‌ له‌ناو کۆمه‌ڵدا تواناى هزرییان توانایه‌کى زۆر ناکامڵ و که‌م پله‌و ئاست بوو. له‌م سۆنگه‌یه‌وه‌ بوو نه‌یده‌توانى لێکدانه‌وه‌ى زانستى له‌سه‌ر سروشتى ماددى سروشت و میتۆده‌ جیاوازه‌کانى ناوکۆمه‌ڵ و سیسته‌مى سه‌رمایه‌دارى، و هه‌ڵوێسته‌ مارکسیستى یه‌کانى له‌به‌رامبه‌ردا ڕاگیربکات.

هه‌روه‌ها که‌م توانا بوو له‌ ده‌ست نیشان کردنى جۆرى تیۆره‌کان و بیۆس تیۆر لیتیکوس و په‌یوه‌ندى تیۆرو بزوتنه‌وه‌ى کۆمه‌ڵایه‌تى چینى کررێکار و ڕاگیرى په‌یوه‌ندى دیالیکتیکى یانه‌ى ئه‌و دوولایه‌نه‌ى بابه‌تى خه‌بات و تێکۆشان. له‌به‌رئه‌وه‌ کارى چه‌پ ته‌نها له‌چوارچێوه‌ى پابه‌ند بوون به‌ تیۆرو میتۆدێک، که‌خۆى له‌به‌ر ئه‌نجامى لێکدانه‌وه‌یه‌کى ماددى زانستى یه‌وه‌ هه‌ڵینه‌ئێنجابوو پێکهاته‌که‌ى ده‌رخستبوو. وه‌لێ ڕه‌دووى تیۆره‌کان ده‌که‌وت، بێ ئه‌وه‌ى به‌هاى ڕه‌دووکه‌وتنه‌که‌ى درک کردبێت. ده‌ورو کاریگه‌رییه‌کانى له‌سه‌ربزوتنه‌وه‌که‌ ده‌ست نیشان بکات و ئاراسته‌ى تاودان و ئینڕیژى تاودانى ناو بزوتنه‌وه‌که‌ ژماره‌ بکات. 

ئه‌م شێوه‌ له‌ هه‌ڵسوڕان و په‌یوه‌ندیگرتن، ده‌یانکرد به‌بنه‌ماى پراکتیک و هه‌ڵوێستى بیۆس پۆلیتیکۆس و میتۆدى خۆیان. بێ ئه‌وه‌ى بزانن و ده‌لاقه‌یه‌ک بکه‌نه‌وه‌ له‌به‌رده‌م ئامانجى پۆلیتیکس و خه‌باتى چینایه‌تیداو ئاستى په‌یوه‌ندى ئه‌و تیۆره‌و پراکتیکى کردنى به‌ئاراسته‌ى مێژوودا له‌ چ ئاستێکدایه‌. ده‌بێت کۆمۆنیسته‌ زانستیه‌کان له‌و کرده‌وه‌یه‌ هه‌ڵسوکه‌وتیان تێپه‌ڕ بکه‌ن و ئاوڕێک له‌ ڕابردوو بده‌نه‌وه‌و میتۆدێکى زانستى بکه‌نه‌ بنه‌ماى هه‌ڵسوڕان و لێکدانه‌وه‌ى بزوتنه‌وه‌که‌و ئامانجه‌کانى به‌ته‌واوى ده‌ست نیشان بکه‌ن. 

وه‌لێ ئه‌م کاره‌ هه‌تا ئێستاش ئه‌نجام نه‌دراوه‌، یان نه‌بووه‌ته‌ بنه‌ماى هه‌ڵسوڕان و ئامانجى دوورونزیکى تیادا ڕێنوێنى کرابێت. جیابوونه‌وه‌ى به‌ناو میتۆدییه‌وه‌ نه‌یتوانیوه‌ خڵته‌و خاش و یان ژه‌نگ و ژه‌هرى ڕابردوو له‌ خۆى بکاته‌وه‌. وه‌ک ئه‌وه‌ى که‌ له‌ده‌سته‌که‌ى (ئاسۆ غریب) و ئه‌واندا پرۆسیس کراوه‌.

(ئاسۆ غریب) له‌سه‌ره‌تاى جیابوونه‌وه‌یان له‌ (حککع)دا، له‌گه‌ڵ ئه‌وه‌ى جیابوونه‌وه‌که‌ شیان، له‌سه‌ر ئاستێکى زۆر نزم و که‌م کاریگه‌ر بوو که‌ته‌نها له‌ شێوه‌ى ده‌ره‌وه‌یدا خۆى پیشان ده‌دا. بۆ زیاتر ڕوون کردنه‌وه‌ى ئه‌م لێکدانه‌وه‌یه‌ى ئێمه‌ ده‌ڕوانینه‌ نووسراوه‌و ڕۆژنامه‌کانى ئه‌وان. لێره‌وه‌ ده‌چینه‌ سه‌ر به‌شێک له‌ نووسراوى (هۆیه‌کانى وازهێنانم له‌ (ح.ک.ک.ع)دا. (ئاسۆغریب) هه‌مان لێکدانه‌وه‌ى منسوری حیکمه‌ت دووپات ده‌کاته‌وه‌، که‌ کردبووى به‌بنه‌ماو لێکدانه‌وه‌ى بۆ جیابوونه‌وه‌ یان له‌ (ح.ک.ا)، لێره‌دا جارێکى ترو له‌هه‌مان نووسراویدا به‌م شێوه‌یه‌ دووپاتى ده‌کاته‌وه‌[ لێک جیابوونه‌وه‌ له‌ سوونه‌تى حیزبه‌ چه‌په‌کاندا، هه‌میشه‌ به‌شێکى ناپێویستى و سه‌لبى لێک ده‌درێته‌وه‌، یه‌کێتى خۆى له‌خۆیدا وه‌ک نیشانه‌ى سه‌لامه‌تى و به‌ره‌و پێش چوون و جیابوونه‌وه‌ش وه‌ک قه‌یران و پاشه‌ کشه‌، چاوى لێ ده‌کرێت. به‌ڵام من تفسیرێکى ئه‌خلاقیانه‌م بۆ یه‌کێتى و جیابوونه‌وه‌ نىیه‌، ئه‌وه‌ى گرنگه‌ ناوه‌ڕۆکى سیاسى یه‌کێتىو جیابوونه‌وه‌یه‌، ئاکامه‌ عملىیه‌کانیانه‌ له‌مه‌یدانى کۆمه‌ڵایه‌تىدا ئه‌گه‌ر بۆکه‌سێک جیابوونه‌وه‌ى ئێمه‌ له‌ حیزبی کۆمۆنیست نیشانه‌ وه‌یان دروست که‌رى ئه‌زمه‌بێت له‌ ڕوانگه‌ى خۆمه‌وه‌ مه‌رجێکه‌ بۆ دروست کردنى حیزبێکى کۆمۆنیستى کرێکارى که‌ بتوانێت وه‌ڵام ده‌ره‌وه‌ى خه‌باتى کۆمۆنیستى بێت له‌ دنیاى ئه‌مڕۆدا، به‌بڕواى من ئه‌مه‌ یه‌که‌م هه‌نگاوى پته‌وو ئسوڵى یه‌ به‌ره‌وه‌ پێشه‌وه‌) (منسوری حیکمت) ده‌رباره‌ى جیابوونه‌وه‌ له‌ حکا ل1). (ل6-7 هۆیه‌کانى وازهێنانم له‌ (ح.ک.ک.ع)/ شوباتى/1998 ئاسۆ غریب ] ئه‌م لێکدانه‌وه‌ى (مه‌نسوری حیکمه‌ت) بۆ خۆجیاکردنه‌وه‌ى له‌ (حکا) و دووباره‌ کردنه‌وه‌ى له‌لایه‌ن (ئاسۆ غریب) ه‌وه‌دووناوه‌ڕۆکى زۆر لێکجودان. چونکه‌ له‌ساته‌ وه‌ختى خۆیدا مه‌نسوری حیکمه‌ت (ک.ک) ى وه‌ک فۆرم به‌جیاواز له‌ مارکسیزمى شۆڕشگێڕ داده‌نا. که‌له‌ ناوه‌ڕۆکى خۆیدا هه‌ڵگرى هه‌مان به‌رژه‌وه‌ندى بوون، که‌هه‌ر دوولا به‌یه‌ک ئاڕاسته‌ى بیۆس پۆلیتیکۆس و چینایه‌تى و به‌هه‌مان پله‌ى به‌رژه‌وه‌ندى بۆ یه‌ک توێژکارییان ئه‌نجام ئه‌دا. به‌ڵام (ئاسۆ غریب) بۆ خۆجیاکردنه‌وه‌ى له‌ (حککع) که‌هه‌مان ناوه‌ڕۆکى میتۆدۆلۆجى و ڕامیارى و کۆمه‌ڵایه‌تىو هزرى یان هه‌ڵگرتووه‌، و به‌ها تیۆرییه‌که‌یان له‌ (ک.ک) داخۆى ده‌بینێته‌وه‌. به‌ڵام له‌ چرکه‌ ساته‌کانى پێش جیابوونه‌وه‌و دواى ئه‌ویش، لێکدانه‌وه‌که‌ى منسوری حیکمه‌ت بۆ ئه‌و کاتى جیابوونه‌وه‌یان هه‌ڵگرى کۆمه‌ڵێک ناکۆکىیه‌ له‌گه‌ڵ به‌هاى جیابوونه‌وه‌و لێک دابڕانیان. ئه‌و ته‌نها گرنگى له‌ناوه‌ڕۆکى ڕامیاریدا ده‌بینێت، بێ ئه‌وه‌ى ده‌ست نیشانى گرنگى پله‌و پایه‌ هزرییه‌کان بکات. و به‌بنه‌ماو خه‌سڵه‌تى جیاوازى بیۆس پۆلیتیکوس دا بنێت. به‌هه‌ر شێوه‌یه‌ک بووه‌ جیابوونه‌وه‌که‌ى ئه‌وان نه‌یتوانی جیاوازى فۆرم و که‌یسى ڕامیارى چینایه‌تى بێت.

به‌ڵکو جیابونه‌وه‌ى پارچه‌یه‌ک بوو له‌هه‌مان توێژو به‌هه‌مان خه‌سڵه‌تى کۆمه‌ڵایه‌تى و چینایه‌تیه‌وه‌. له‌م سۆنگه‌وه‌ تواناى جیابوونه‌وه‌کان له‌ ئاسته‌ تیۆرى و چینایه‌تیه‌کاندا بۆ (ک.ک) بێ به‌هابوو. هه‌روه‌ها ئه‌مه‌شیان ده‌کرد به‌په‌یڕه‌و و له‌پراکتیکى کردنیدا به‌ده‌ستیه‌وه‌ بگرن. هه‌موو ئه‌مانه‌ش له‌ نووسینه‌کانى پێشووتردا زیاتر ڕوون کردنه‌وه‌یان له‌سه‌ر دراوه‌ که‌ مارکسیزمى شۆڕشگێڕ و دروست کردنى به‌یت و باڵۆره‌ى (ک.ک)ى نه‌یده‌توانی فۆرمێکى ته‌واو جیاوازو لێک دابڕاو بنیات بنێت. 

جیابوونه‌وه‌ى کێ له‌کێ؟ جیابوونه‌وه‌ى کام میتۆد له‌کام میتۆدى ترى چینایه‌تى!؟ بێ گومان هه‌مان توێژگه‌ل له‌هه‌مان میتۆدى چینایه‌تى ئاوییان ده‌خواردو باڵایه‌کى بێ ڕه‌گیان دروست کردبوو. 

(ئاسۆ غریب) له‌لاپه‌ڕه‌کانى دواتردا باس و خواست له‌وه‌ ده‌کات که‌له‌کاتى خۆیدا، (مه‌نسوری حیکمه‌ت) بۆ یه‌ له‌ پێش کۆنگره‌ى چواره‌مى (حکا) دا جیابووه‌ته‌وه‌، هه‌وڵى سه‌رکه‌وتنى نه‌یاره‌کانى له‌به‌رامبه‌ر خۆیدا بڕیووه‌، به‌لێکدانه‌وه‌ى خۆى له‌و کاته‌دا، ئه‌وانه‌ لایه‌نى زۆرینه‌ى ناو حیزب بوون.

لێکدانه‌وه‌ى له‌و جۆره‌ بابه‌تانه‌، ته‌نها له‌ دیدێکى میتافیزیکییه‌وه‌ سه‌رچاوه‌یان گرتووه‌و به‌پێش هات و به‌ده‌ست هاتوویه‌کى گرنگیان به‌هه‌ند وه‌رگرتووه‌.بۆ وورده‌ بۆرژوازى بوو بووه‌ فۆرمى هه‌وڵ و لێک جیابوونه‌وه‌کان.

لێک جیابوونه‌وه‌و دابڕان مافى هه‌رکه‌سێکه‌. به‌ڵام کاریگه‌ر ترین لێک جیابوونه‌وه‌، دابڕانى په‌یوه‌ندى و به‌رژه‌وه‌ندى جیاوازى چینایه‌تى پێشوووه‌، به‌ میتۆدو به‌رژه‌وه‌ندى چینایه‌تى جیاوازه‌وه‌. به‌ڵام له‌هه‌وڵه‌کانى ڕابردووى (حککا) و ئێستاى (حککع)دا ئه‌م لایه‌نانه‌ ئه‌نجام نه‌دراون و تێزو ته‌رزى جیابونه‌وه‌کانیان نابابه‌تى و بێ ئه‌نجام بوو، بۆ زیاتر به‌ده‌رکه‌وتنى به‌ڵگه‌ى ڕوونکردنه‌وه‌کان بڕوانه‌ئه‌و ده‌سته‌واژه‌یه‌ى (ئاسۆ غریب) که‌ده‌ڵێت [ من پێم وایه‌ ئه‌م حیزبه‌ به‌جیا له‌مانه‌کێشه‌ى ترى هه‌یه‌. کێشه‌ى سونه‌تى هه‌یه‌. کیشه‌ى ڕابه‌رى هه‌یه‌ کێشه‌ى ئسوڵى هه‌یه‌. کێشه‌ى (تمرکزى)هه‌یه‌، کێشه‌ى سیاسى هه‌یه‌……(ل9ـــــــــــــ هه‌مان سه‌رچاوه‌ى پێشوو) ] (ئاسۆ غریب) بۆئه‌م ئه‌نجام گیرییه‌ىکه‌له‌ ئه‌م په‌ڕه‌گراڤه‌دا کردوویه‌تى و ڕاڤه‌ى کردووه‌، به‌ به‌ڵگه‌ى زۆر بێ ناوه‌ڕۆک و دوور له‌ جیاواز بوونى هێناوه‌ته‌وه‌و ده‌ریبڕیوون. 

هه‌روه‌ها له‌پێش ئه‌م په‌ره‌گرافه‌ى له‌لاپه‌ڕه‌کانى (7 و 8)دا چه‌ند لێکدانه‌وه‌ى له‌سه‌ر حیزب ئه‌نجام داوه‌. ئه‌ویش به‌وه‌ى که‌ لێکدانه‌وه‌کانى مه‌نسوری حیکمه‌ت له‌سه‌ر پێکهێنانى (حکک) به‌ڕاستترین و زانستى ده‌زانێت و ده‌یکاته‌ به‌ڵگه‌ى ئه‌وه‌ى که‌ (حککع) ئه‌م ئه‌رکه‌ى جێ به‌جێ نه‌کردووه‌. بۆیه‌ حیزب له‌ ئاستێکى تردا ڕاگیر بووه‌ و بووه‌ به‌ هۆى ئه‌وه‌ى که‌ حیزب زۆر دابڕاو بووه‌ له‌ کۆمه‌ڵگاو له‌دنیاى بیۆسپۆلیتیکۆس. به‌ڵام ئه‌و لێکدانه‌وانه‌ى که‌ (منسوری حیکمت) کردوویه‌تى له‌سه‌ر حیزب نه‌یتوانیوه‌ له‌ سیسته‌مى هزرى و ڕامیارى وورده‌ بۆرژوازى ده‌ربچێت و ناوه‌ڕۆکى کۆمۆنیزم و زانستى ئه‌و سیسته‌مه‌ هزرىیه‌ ڕاڤه‌بکات و به‌رجه‌سته‌ى بکات له‌ پرۆسه‌ى پراکتیکیدا. بێگومان هه‌وڵ و تێکۆشان و ئامانجى هه‌ردوو حیزبه‌که‌ له‌دیدگا هزرىیه‌که‌یه‌وه‌ ده‌بینرێت، هه‌روه‌ها کرده‌ى ڕامیارى و داخوازییه‌کانى حیزبه‌که‌ش ده‌ست نیشان ده‌کات. واتا کێشه‌ له‌سه‌ر ده‌ره‌وه‌ى میتۆدى نىیه‌، به‌ڵکو کێشه‌ىکۆمۆنیسته‌ زانستىیه‌کان زیاتر کێشه‌یه‌کى میتۆدى کۆمه‌ڵایه‌تى و ڕامیارى و چینایه‌تىیه‌ له‌گه‌ڵ ده‌ره‌وه‌ى خۆیاندا. له‌به‌رئه‌وه‌ ناتوانین بڵێین به‌رئه‌نجامه‌کانى حیزب و ئاسۆکانى ته‌نها له‌ ڕامیارى و پراکتیکى کردنى خراپى ده‌سته‌یه‌که‌وه‌ به‌ئه‌نجام گه‌شتووه‌. به‌ڵکو ڕامیارى کردنى خراپى حیزب به‌ره‌نجامى تاکتیک و ستراتیژى هه‌وڵ بۆدراوى ناو میتۆدى (ک.ک)ىیه‌، هه‌روه‌ها ئه‌و خاڵ و پێشنیازانه‌یه‌ که‌ حیزب له‌ ده‌ستورکارى ڕامیاریانه‌یدا مامه‌ڵه‌ى له‌گه‌ڵدا ده‌کات.

به‌ڵام (ئاسۆ غریب) ئه‌نجامى شکستى ڕامیارى (حککع) ناباته‌وه‌ بۆ بێ ئامانجى چینایه‌تى چینى کرێکار له‌ فۆرمى (ک.ک)ى . هه‌روه‌ها ئه‌و ده‌ڵێت ئه‌و میتۆده‌ به‌ باشى به‌کار نه‌هاتووه‌ بۆیه‌ ئه‌م حیزبه‌ نه‌ى توانیوه‌ ئه‌و ڕێگه‌یه‌ بگرێته‌به‌ر که‌ (منسوری حیکمه‌ت) کردیه‌ په‌ره‌نسیپى حیزبى کۆمۆنیستى کرێکارى. ئه‌م لێکدانه‌وه‌یه‌ جیاواز بوون و دابڕانى له‌ڕابردوو لێوه‌ ئه‌نجام نادرێت. هه‌روه‌ها ناتوانێت میتۆدى ڕابردوو بگۆڕێت و لێکدنه‌وه‌یه‌کى زانستى و ماددى سروشتى بۆ کۆمه‌ڵگاو ئه‌نجام و سه‌رپه‌رشتى کردنى خه‌بات و هه‌ڵسوڕانى بزوتنه‌وه‌ى چینى کرێکار به‌ده‌سته‌وه‌ بدات. بۆیه‌ ئه‌م لێکدانه‌وه‌یه‌ى (ئاسۆ غریب) و هاوڕێکانیان، به‌ره‌نجامى ئاوه‌زێکى میتافیزیکى یانه‌یه‌و ناتوانێت له‌گه‌ل َماناکانى دیالێکتیکدا جووت ببن و هه‌نگاوى پێشوتر بگۆڕن به‌هه‌نگاوێکى گۆڕاوى زانستى و دابڕان له‌ سوونه‌تى پێشووتر.

ئه‌م ده‌سته‌یه‌ جیابونه‌ته‌وه‌ له‌ حیزب، به‌ڵام دانه‌بڕاون، له‌سوونه‌ت و ئامانجى ناوڕۆکى ڕامیارى و هزرى و کۆمه‌ڵایه‌تى یانه‌ى ڕابردووى حیزبى (ک.ک.ع). بۆیه‌ زیاتر کێشه‌کانى ئه‌مان له‌گه‌ڵ ئه‌واندا زۆر لاوه‌کى و مۆرکى که‌سێتى یانه‌ى پێوه‌یه‌. چونکه‌ میتۆدى (ک.ک)ى یان نه‌گۆڕیوه‌ به‌ میتۆدێکى زانستىیانه‌، که‌سێتىیانه‌ى کێشه‌کان له‌وێشه‌وه‌ ده‌رده‌که‌وێت و بووته‌ هۆیه‌کى گرنگ و به‌بایه‌خ بۆ جیابوونه‌یان له‌ به‌رامبه‌ر هاوبیرى ڕابردوویان.له‌لاى ئه‌م ده‌سته‌یه‌، مانا و فۆڕمى به‌رجه‌سته‌ کراوى ناو کێشه‌که‌ ڕابه‌رایه‌تى (حککع)ه‌، بێ گومان ڕابه‌رایه‌تى و (بێوس پۆلیتیکۆسى) ئه‌م حیزبه‌ به‌ره‌نجامى هه‌مان لێکدانه‌وه‌ى (مه‌نێوری حیکمه‌ت)و (ک.ک)ین به‌و هۆیه‌وه‌یه‌ ناکرێت ڕابه‌رایه‌تیش و پرۆسیس کارى ڕێکخراوه‌یى و حیزبى و هه‌روه‌ها ڕامیارى ڕۆژانه‌ى ئه‌و حیزبه‌و به‌رامبه‌ر گرتن به‌ (بێوس پۆلیتیکۆسى) بۆرژوازى و سه‌رچاوه‌که‌یان، له‌میتۆدو هزرى کۆمۆنیزمى کرێکاریه‌وه‌ ئه‌نجام گیرییان لێگیراوه‌. 

شێوه‌کارى پارتایه‌تى ئه‌م حیزبه‌و په‌ڕه‌نسیپه‌کانى و دیسپلینه‌کانى و په‌یوه‌ندیه‌کانى، له‌گه‌ڵ جیهانى ده‌ره‌وه‌ى حیزب به‌نه‌خشه‌ى هزرى و ڕامیارى (ک.ک) و لێکدانه‌وه‌کانى دیدگاى (مه‌نسوری حیکمت) براوه‌ به‌ڕێوه‌. بۆیه‌ ده‌بێت کێشه‌ىئه‌مان له‌گه‌ڵ (حککع). ئه‌گه‌ر کێشه‌یه‌کى دوور له‌ کێشه‌ى که‌سایه‌تىیه‌ ده‌بێت ڕه‌خنه‌ى تووندیان و جیاکه‌ره‌وه‌له‌ (ک.ک) یان هه‌بێت. نه‌وه‌کو هه‌مان ڕامیارکارى ئه‌نجام بده‌ن، بۆ به‌رامبه‌ر یشیان که‌ شکست ڕووبه‌رى میتۆدو هزروکارى ڕامیاریان بووه‌، ته‌نها له‌ ڕابه‌را یه‌تى و که‌سێتى ڕابه‌رایه‌تىیه‌وه‌ بیبینن و ئامانجى ڕامیارى و چینایه‌تىیه‌کانیان بده‌ن به‌ده‌سته‌وه‌.ئه‌م جیابوونه‌وه‌یه‌ دانه‌ بڕانه‌ له‌هه‌مان میتۆدو تێکه‌ڵه‌یه‌کى زیاتر و دیماگۆجیه‌تێکى فراوانى به‌رهه‌م هێناوه‌. ئه‌گینا جیاواز بون و دابڕان سنوورى جاوازو میتۆدى جیاوازى چینایه‌تىیه‌. ئه‌و کێشه‌ سونه‌تیانه‌ ده‌بێت چى بن که‌ (ئاسۆ غریب) باسیان ده‌کات؟

بێگومان (ک.ک) زۆر به‌ دیماگۆجیانه‌ به‌کارهێنرانه‌وه‌و له‌ ناو چه‌پى وورده‌ بۆرژوازیدا په‌یڕه‌ویکى دوگماتیستانه‌ى هه‌بووه‌. ئه‌و لایه‌نه‌ش میتۆدى داکۆکى کارى به‌رژه‌وه‌ندیه‌کانى چه‌پى وورده‌ بۆرژوازى تێدا گه‌ڵاڵه‌ بووه‌. له‌به‌رئه‌وه‌ى (ک.ک)ى چه‌پ به‌رژه‌وه‌ندى خۆى له‌گه‌ڵ هه‌مان به‌رژه‌وه‌ندیدا جووت کردووه‌. 

هه‌روه‌ها (ک.ک)ى سه‌رخه‌تى هزرى و ڕامیارى کاریه‌که‌یه‌تى، و به‌ڵام زانستىیانه‌ مامه‌ڵه‌ له‌گه‌ڵ سروشتى زیندووى کۆمه‌ڵگا ناکات. (ئاسۆ غریب) و ده‌سته‌که‌یان هه‌مان په‌یڕه‌وکارو نه‌ریتى(ک.ک)ى یان به‌دڵ و به‌گیان ده‌وێت و داکۆکى به‌کرده‌وه‌ى له‌گه‌ڵدا ده‌که‌ن. به‌ڵام بۆ خۆیان به‌ ڕه‌واى ده‌بینن و ڕه‌خنه‌ له‌وان ده‌گرن که‌ (حککع)نه‌ى توانیوه‌، په‌یڕه‌وکارى (ک.ک)جێ به‌جێ بکات و له‌ ئۆرگان و ناوه‌نده‌کانى حیزبیدا ڕه‌نگى پێبده‌نه‌وه‌.

کێشه‌ى په‌یڕه‌وکارى (ک.ک)ى بۆ باڵى جیابووه‌وه‌و حیزب وه‌ک یه‌ک وایه‌. به‌ڵام باڵى جیابووه‌وه‌ له‌ڕێگه‌ى ڕسته‌ ڕیزکردن و ڕازاندنه‌وه‌یان ده‌یه‌وێت ئه‌وه‌ش به‌سه‌ر (حککع)دا بدات که‌ کێشه‌ى په‌یڕه‌وى نه‌کردنى له‌ (ک.ک)ى هه‌یه‌ و ئه‌م ئه‌رکه‌ به‌و شێوه‌یه‌ جێ به‌جێ ناکات. 

گۆتنه‌کانى (ئاسۆ غریب) دوولایه‌نه‌ و یه‌ک به‌هاى ئه‌وى تریان له‌ ناو ئه‌بات. له‌به‌رئه‌وه‌ى کێشه‌ى په‌یڕه‌و کارى بنه‌مایى که‌ باسیان لێوه‌ ده‌کات ته‌نها ڕیزکردنى ڕسته‌کانه‌و هیچى تر. چونکه‌ خۆشیان له‌و ساته‌دا هه‌مان په‌نایان هه‌بووه‌. ئیتر چۆن ده‌توانرێت جیابوونه‌وه‌ى ئه‌وان به‌دابڕان له‌ په‌یڕه‌وکارى بنه‌مایى پێشوویان به‌یان بکرێت، چونکه‌ هه‌مان سه‌رچاوه‌ له‌ میتۆدى پێشووتریاندایه‌.

له‌و نووسینه‌دا کارو کرده‌وه‌و دلسۆزى بۆ ئه‌و لایه‌نه‌ باس ده‌که‌ن و به‌خاڵى پێشڤه‌وه‌ چوونى خۆیان و (ک.ک)ى داده‌نێن. ئه‌و تێکشکانه‌ى ڕووبه‌ڕووى بووه‌ته‌وه‌، ده‌یانه‌وێت له‌ڕێگه‌ى ئه‌و ووته‌زایانه‌وه‌، بۆماوه‌یه‌کى درێژتر هه‌ناسه‌ى نیوه‌ناچڵى و ته‌نگه‌نه‌فه‌سى درێژبکه‌نه‌وه‌. له‌لایه‌کى تره‌وه‌، کێشه‌ى ناوه‌ندێتى کێشه‌یه‌که‌ له‌سه‌ر بنه‌ڕه‌تى په‌ڕه‌نسیپه‌کانى (ک.ک)ى بنیات نراوه‌ و،په‌یوه‌ندىیه‌کى دیالێکتیکى یان پێکه‌وه‌ هه‌یه‌. له‌به‌رئه‌وه‌ى هه‌رسیسته‌مێکى هزرىو ڕامیارى په‌ره‌نسیپ و دیسپلینێکى تایبه‌تى هه‌یه‌. دیسپلینه‌کانى ناو (ک.ک) ڕه‌نگدانه‌وه‌ى سیسته‌مى هزرى و میتۆده‌که‌یه‌تى بۆیه‌ دابڕان له‌و سیسته‌مه‌ هزریه‌ ده‌توانێت دیسپلینێکى گونجاو بۆ سه‌رده‌مى بزاوتنى دیارى بکات. به‌ڵام (ک.ک) و دیدى هاوشێوه‌یى (ئاسۆ غریب) و ده‌سته‌که‌یان هه‌ر ئه‌وه‌یان له‌سه‌رجه‌مى ئه‌نجام گیرى و په‌یڕه‌وى ڕامیارى خۆیدا به‌رجه‌سته‌ کردووه‌. هه‌ڵسووکه‌وته‌کانى ناو په‌یڕه‌و که‌رانى نه‌یان توانیوه‌ دابڕان دروست بکه‌ن له‌نێوان خۆیان و (حککع) دا بۆیه‌ هه‌مان هه‌ڵسووکه‌وت به‌رهه‌م ده‌هێننه‌وه‌ و شکست ئه‌نجامى بووه‌و ده‌بێت. له‌لایه‌کى تره‌وه‌ ناکرێت ململانێى ڕامیارى و کۆمه‌ڵایه‌تى هه‌بێت و ململانێى میتۆدى گۆڕوون بێت، یان هزرى له‌کایه‌که‌دا به‌شدار نه‌بێت! 

هه‌روها کێشه‌ى ڕامیارییه‌کان و ڕووانگه‌کانیان، ده‌توانێت ده‌ست نیشانى ئامانجى میتۆدى هزرى ئاماده‌بکات. که‌واته‌ به‌م هۆیه‌وه‌ چه‌ندکێشه‌ که‌ هه‌ڵئینجاوى خواستى ڕامیارى هه‌بوو، به‌پێی په‌یوه‌ندییه‌کى دیالێکتیکى یه‌تى خۆى هه‌ڵگرى کێشه‌ى میتۆدیش ده‌بێت. به‌ڵام کاتێک له‌لاى ئه‌وان ناوه‌ڕۆکى دیالێکتیکى له‌ لێکدانه‌وه‌کاندا گوم ناو ده‌بێت.

ئه‌م کێشه‌یه‌ به‌پێچه‌وانه‌وه‌ ناوزه‌ند ده‌کرێت و میتافیزیک ده‌بێته‌ لایه‌نى لێکده‌رى به‌رجه‌سته‌ى ڕووداوه‌کان و ماناى نادروست و ناماددى پێک ده‌هێنن. هه‌رله‌م ڕووانگه‌یه‌وه‌یه‌ که‌به‌پێچه‌وانه‌وه‌ى ماددیه‌تى ڕووداوه‌ کانه‌وه‌ ده‌بێژن کێشه‌ى ڕامیارییان هه‌یه‌، به‌ڵام کێشه‌ى میتۆدۆلۆجیان نىیه‌.

ئه‌م لێکدانه‌وه‌ى ئه‌وان نابینایه‌و ته‌نها له‌ میتافیزیکیدا ئه‌نجام گیریان لێوه‌ به‌ده‌ست هاتووه‌. چونکه‌ جیاوازى ئه‌وان له‌گه‌ڵ (حککع)دا دابڕانى نىیه‌، یان به‌شێوه‌یه‌کى بابه‌تى دابڕاندن نىیه‌، به‌ڵکو به‌رهه‌م هێنانه‌وه‌ى هه‌مان ئامانجه‌که‌ کردوویانه‌ته‌ داهۆڵ و تیرو توانجى خۆیان ئاڕاسته‌ ده‌که‌ن. 

هه‌روه‌ها ئێمه‌ ده‌توانین له‌سه‌ر باس و ناوه‌ڕۆکه‌کانى ناو ڕاڤه‌و هزرى ده‌ربڕاویان ده‌رئه‌نجامى زانستى لێوه‌ به‌ئاراسته‌ى پێچه‌وانه‌وه‌ هه‌ڵبهێنجێنین، له‌وکاته‌ى که‌ پێچه‌وانه‌ى لێکدانه‌وه‌و ناوه‌ڕۆکى هزری مارکسیستىده‌ربڕینیان و کرداریان ده‌رده‌خه‌ن. هه‌روه‌ها ده‌بێت بپرسین جیاوازى له‌سه‌ر جیابوونه‌وه‌یان ده‌بێت چۆن بێت؟ چى گرنگه‌ له‌ جیابونه‌وه‌دا تادابڕان به‌رهه‌م بهێنرێت؟ به‌ڵام (ئاسۆ غریب) چاووگى جیابوونه‌وه‌ى به‌یه‌کێک له‌و هۆیانه‌ى که‌کارێگه‌رى داناوه‌ له‌سه‌ر جیابوونه‌وه‌ى له‌ (حککع) و ده‌ڵێت[ مقیاس بۆ هه‌ڵسوڕاو بوون خۆبه‌خت کردن و تفرغ کردنه‌ بۆ حیزب، بۆیه‌ ئه‌وه‌ى ژیانى مضمون ترو ده‌ست ئاوه‌ڵاتره‌ موقعیه‌تى باشتر له‌ ڕابه‌رىدا وه‌رده‌گرێ. ل12-(هۆیه‌کانى وازهێنانم له‌ (ح.ک.ک.ع)-شوباتى 1998)] ناوکى ئه‌م لێکدانه‌وه‌یه‌ش زیاتر له‌گه‌ڵ بنه‌ما هزرىیه‌کانى خاڵه‌ جیاکارىیه‌کانى چینایه‌تى ناو لایه‌نه‌که‌ى تردا، مامه‌ڵه‌ناکات به‌ڵکو له‌گه‌ڵ کارى که‌سێتى دا مامه‌ڵه‌ ده‌کرێت و ده‌چێته‌ خانه‌ى هۆکارو کێشه‌ى که‌سێتى یه‌وه‌. چونکه‌ به‌ماناىووشه‌که‌، په‌یوه‌ندىیه‌ ناوه‌ڕۆکیه‌کانى، له‌گه‌ڵ به‌ها هزرییه‌کانى (ک.ک)دا جیاوازى به‌یان ناکات. کاتێکیش ئه‌م کرداره‌ پێکهێنه‌رى حیزبه‌کانى (ک.ک) ده‌بێت، ئه‌م کرده‌یه‌و میتۆدى بیرکراوه‌، ناوه‌ڕۆکى وورده‌ بۆرژوازییانه‌یه‌. چونکه‌ قسه‌کردن له‌سه‌ر کێشه‌ى تیۆرى و به‌هۆ کردنى خۆدابڕاندن له‌ بارێکى ترى تیۆرىیه‌وه‌ له‌گه‌ڵ به‌رامبه‌ریدا گرنگى زیاترى هه‌یه‌، له‌جیا بوونه‌وه‌ ده‌ره‌وه‌ییه‌کانى ناو حیزبه‌کان.

هه‌روه‌ها ناکرێت هه‌ر ئه‌ندامێک ڕێژه‌یه‌ک له‌ هۆشیارى زیاترى هه‌بوو تواناى کارى زیاتر له‌توانادا هه‌بووه‌ بۆ حیزب، تۆ له‌خانه‌ى پله‌ى ڕامیارى بوونى له‌ حیزبدا جێگاى نه‌که‌یته‌وه‌. لێره‌وه‌ بیرله‌وه‌ ناکه‌ینه‌وه‌ که‌ به‌شێوه‌یه‌ک ئه‌وانه‌و (ئاسۆ غریب) و هه‌رهه‌موویان بۆیه‌ک ئامانج کاریان ده‌کرد و یه‌ک سیسته‌مى هزرى و ڕامیاریان په‌یڕه‌و ده‌کرد، هه‌روه‌ها ناشخرێته‌ سه‌به‌ته‌ى خۆڵه‌وه‌و به‌هه‌ند وه‌رنه‌گیرێت.

به‌ڵام لێره‌دا دابڕان و جیابوونه‌وه‌کان به‌ پێوه‌دانگى دیالێکتێک مامه‌ڵه‌ نه‌کراوه‌، له‌گه‌ڵ ئه‌وه‌شدا بۆ ئه‌وه‌ى ئه‌و مامه‌ڵه‌ دیالێکتیکىیه‌ بهێنرێته‌وه‌ ئارا، ده‌بێت مامه‌ڵه‌ له‌گه‌ڵ ناوه‌ڕۆکى میتۆدى و هزرى و ڕامیارى بکرێت و به‌پێی ناوه‌ڕۆکه‌ جیاوازه‌کانیان دابڕان و لێک جوداى به‌ئه‌نجام بگات و هه‌وڵه‌ کانیشى بۆ ڕۆشن کردنه‌وه‌ى ئاسۆى خه‌باتى چینایه‌تى چینى کرێکار و به‌جێگه‌یاندنى ئه‌رک و فرمانى به‌ده‌ست هێنانى ئاراسته‌یى زانستى کۆمه‌ڵایه‌تى مێژوویىیه‌که‌ى بێت.دابڕان و لێک جوداى له‌پێناوى ئه‌و ئاسۆیه‌و ئه‌رکه‌که‌ى بێت و به‌ده‌ست هێنانى فۆرمه‌ جیاجیاکانى، چینه‌ جیاکان بێت بۆئه‌وه‌ى ئه‌و فۆرمانه‌ى بۆرژوازى به‌میتۆدى چینى کرێکار و کۆمۆنیزمى زانستى به‌یان نه‌کرێت. 

هه‌روه‌ها له‌و پێناوه‌دا بۆ ئه‌وه‌ى ئه‌نجام بدرێت که‌ دوورکه‌وتنه‌وه‌ بێت له‌ ڕامیارى و ستراتیژى بۆرژوازى و وورده‌بۆرژوازىو توێژگه‌له‌ کانیان و ڕێکخراو بوونى چینى کرێکار بخاته‌ پله‌و پایه‌کى به‌رزترو ئینرژى زیاتر به‌ بزوتنه‌وه‌که‌ بدات، تا ڕۆژى ڕزگارى چینایه‌تى فه‌راهه‌م ببێت. ئه‌گه‌ر ئه‌مانه‌ نه‌کرێت، هه‌موو هه‌وڵه‌کان نه‌زۆک و دوور له‌به‌رژه‌وه‌ندى چینى کرێکار و به‌ئاراسته‌ى پێچه‌وانه‌ى ڕه‌وه‌ندى مێژووى یه‌که‌ى ده‌بێت. جیابوونه‌وه‌کان له‌سه‌ر بنه‌ڕه‌تى و پێوه‌رى که‌سێتىیه‌وه‌ بێت، ناتوانێت هه‌وڵێکى باشتر بێت له‌ پێناوى ده‌رچوونى بزووتنه‌وه‌که‌ى له‌ته‌نگه‌ژه‌ى ڕامیارى و کۆمه‌ڵایه‌تى چینایه‌تى. ناکرێت ئێمه‌ جیاوازبینه‌وه‌و میتۆد هه‌مان میتۆد بێت! چونکه‌ ئه‌نجام هه‌مان شکستى ده‌بێت که‌ پێشووتر به‌نسیبیان بووه‌. پله‌و پایه‌له‌ ناو حیزبدا ده‌بێت له‌سه‌ر بنه‌ڕه‌تى تواناى ڕابه‌رى کردنى ڕامیارى و جێ به‌جێ کردنى ئه‌رک و فرمانه‌کانى حیزب بێت، له‌پێناوى ئه‌وه‌ى زیاتر حیزب به‌ره‌و پێشتر ببات و کادرو ئه‌ندامى هوشیارى خه‌باتى چینایه‌تى له‌ ده‌وورى حیزب کۆبکاته‌وه‌. ئه‌گینا به‌و ئامانجه‌وه‌ کارنه‌که‌ین، ناتوانین سه‌نگه‌رى خۆمان توندووتۆڵ و به‌هێز بکه‌ین له‌به‌رامبه‌ر دووژمنى چینایه‌تى مانداو، هه‌روه‌ها هه‌نگاوى به‌ره‌وپێشمان ده‌بێت به‌شکستى جار له‌گه‌ڵ جارمان.

بۆیه‌ ئه‌رکى حیزب و ئه‌ندامانى یه‌تى پله‌و پایه‌کان له‌ڕێگه‌ى تواناکانه‌وه‌ ده‌ست نیشان بکرێت و له‌ڕێگه‌ى پایه‌ کۆمه‌ڵایه‌تیه‌کانه‌وه‌ ده‌ست نیشان نه‌کرێت. چونکه‌ جارى واهه‌یه‌، ئه‌ندام پایه‌ى کۆمه‌ڵایه‌تى به‌هێزى هه‌یه‌ به‌ڵام کرده‌ى ڕامیارى دروست و به‌هێزى نىیه‌، بۆیه‌ ئه‌نجامى کاره‌کانى شکستى به‌ دوادادێت.

که‌واتا نابێت پایه‌و پله‌ى کۆمه‌ڵایه‌تى ده‌ست نیشانى پایه‌و پله‌که‌ى بکات له‌ناو حیزبه‌ کۆمۆنیستىیه‌کاندا، لێکدانه‌وه‌کانى (ئاسۆ غریب) نه‌ى توانیوه‌ له‌ ئاستێکى به‌رزدا ڕاگیربێت و لێکدانه‌وه‌ى زانستى له‌سه‌ر پایه‌و پله‌ى ڕابه‌رایه‌تى ناو حیزب بێت. ته‌نها له‌یه‌ک لایه‌نى کورت بینى و به‌رته‌سکه‌وه‌ لێکدانه‌وه‌ى کردووه‌، ئه‌وه‌ش ناتوانێت بمانگه‌یه‌نێته‌ ئامانجى تێڕوانین و به‌رجه‌سته‌کردنى ڕێکخراو بوون وڕابه‌رایه‌تى کردنێکى زانستى یانه‌ى کارو ڕامیارى پارتایه‌تى.

لێره‌دا ده‌رده‌که‌وێت ته‌نها به‌کار هێنانه‌کان له‌پێناوى جیابوونه‌وه‌دا بووه‌، به‌بێ خۆدابڕان له‌ میتۆدو کارو کرده‌یه‌کى له‌وه‌وپێش. هه‌روه‌ها ئه‌مه‌ش زیاتر له‌ڕاگه‌یاندنى پێکهێنانى بزوتنه‌وه‌ى بنیات نانى حیزبى کۆمۆنیزمى کرێکارى (عێراق)دا ڕون و ئاشکراتر به‌ر چاو ده‌که‌وێت و ده‌ڵێت [ بانگه‌وازى گشت هه‌ڵسوڕاوانى کۆمۆنیزمى کرێکارى و هه‌موو ئه‌و که‌سانه‌ ده‌که‌ین که‌بڕوایان به‌ ئامانجى به‌رزى (ئازادى،یه‌کسانى، حکومه‌تى کرێکارى) هه‌یه‌ به‌ڕیزه‌کانى ئه‌م بزوتنه‌وه‌یه‌وه‌ په‌یوه‌ست بن. (ڕاگه‌یاندنى-بزوتنه‌وه‌ى بنیاتنانى حیزبى کۆمۆنیزمى کرێکارى-عێراق له‌ 9/9/1998) دا (ژماره‌-1- په‌یامى کۆمۆنیزم-ل-7-) ] ئه‌م ستراتیژه‌ى کۆمۆنیزمى کرێکارى که‌به‌یان کراوه‌ له‌ و په‌ره‌گراڤه‌دا، ته‌نها له‌یه‌ک تێکه‌و لێکه‌ى هزرى ڕامیارى و کۆمه‌ڵایه‌تیه‌وه‌ سه‌رچاوه‌ ده‌گرێت. زیاتر و زیاتر تێکه‌ڵ کردنى بیۆس پۆلیتیکوس و هزرى لیبرالیزم و سۆسیالیزمى وورده‌ بۆرژوازییه‌، واته‌ بیرى سۆشیال لیبرالیزمى وورده‌ بۆرژوازى ئه‌وروپایه‌، له‌به‌ر ئه‌وه‌ى ناوه‌ڕۆکو په‌یوه‌ندى کۆمه‌ڵایه‌تى ڕامیارى ئازادى داواکراوى لیبرالیزمانه‌ى سه‌رده‌مه‌و، لێکچواندنیه‌تى به‌سۆسیالیزم، واتا په‌یوه‌ندى کۆمه‌ڵایه‌تى نێوان مرۆڤه‌کان له‌ په‌یوه‌ندیه‌کى ئازاددا به‌یان ده‌که‌ن.

ڕاڤه‌ى ئازادى له‌لاى ئه‌وان و پلاتفۆڕمه‌که‌یان، ناتوانێت وه‌ڵامى پڕاوپڕى سیسته‌مى سه‌رمایه‌دارى بێت. چونکه‌ تێکه‌ڵکردنى ده‌سه‌ڵات و ئازادى و یه‌کسانى. فۆرمێکى ناکامڵه‌و دور له‌ خواست و ستراتیژى پراکتیکى سه‌ر ڕه‌وتى مێژووى خه‌باتى چینى کرێکاره‌. 

واتا ئه‌و فۆڕمه‌ زیاتر له‌ ده‌ربڕینه‌کانى لیبرالیزم له‌ سیاسه‌ت و ئامانجى ئه‌وانه‌وه‌ وه‌رگیراوه‌و ڕه‌نگدانه‌وه‌ى هه‌مان ئامانجى لیبرالیزمى له‌سه‌ر تۆخ و به‌هێند کراوه‌. له‌ڕووى ناوه‌ڕۆک و ڕیزکردنى ووشه‌کانى ئه‌و پلاتفۆرمه‌ دووره‌ له‌ خواست و فۆرمى ده‌سه‌ڵاتى چینى کرێکار. بێگومان ئه‌م ڕوونکردنه‌وانه‌م له‌گه‌ڵ ڕاڤه‌کردنى له‌ نووسینى پێشتردا ڕوونکردۆته‌وه‌و خراونه‌ته‌ ژێر نه‌شته‌رى ڕه‌خنه‌یه‌کى مارکسیستى یه‌وه‌. نامه‌وێت لێره‌دا دووباره‌یان بکه‌مه‌وه‌.

هێنانه‌وه‌ى ئه‌و په‌ره‌گراڤه‌ش له‌ ڕاگه‌یاندنه‌که‌یان ته‌نها ئه‌و مه‌به‌سته‌ى هه‌یه‌ که‌ بزوتنه‌وه‌ى بنیات نانى حیزبى کرێکارانى کۆمۆنیست، له‌هه‌مان کاتى جیابوونه‌وه‌یاندا، نه‌یان توانیوه‌ له‌ ژێر کاریگه‌رى بڕواو بۆ چوونه‌کانى ناو ئاوه‌زى (ک.ک)ى دا ده‌ربچن و ستراتیژى جیاوازیش به‌ماناو ناوه‌ڕۆکى جیاوازه‌وه‌ به‌یان بکه‌ن.

که‌واته‌ له‌م سۆنگه‌یه‌وه‌ جیا بوونه‌وه‌کان له‌سه‌ر ستراتیژیش گرنگى ژیارى هه‌یه‌ و هه‌روه‌ها ده‌ست نیشانى ئه‌وه‌ش ده‌کات که‌ ئه‌و بزوتنه‌وه‌یه‌ چه‌ند توانیویه‌تى ده‌ست به‌ ستراتیژێکى مێژوویى و زانستى خۆیه‌وه‌ بگرێت، و جووت و یه‌کانگیرى خواستى مێژوویى چینى کرێکار بێت. ئه‌مه‌ بێجگه‌ له‌وه‌ى که‌ ئه‌و ده‌سته‌یه‌ نه‌یان توانیوه‌ دابڕان دروست بکه‌ن له‌ نێوان خۆیان و ستراتیژه‌ پێشینه‌یى یه‌کانیاندا، هه‌مان ستراتیژ دوباره‌ نه‌که‌نه‌وه‌. که‌واته‌ ده‌بێت جیابونه‌وه‌ له‌کام لایه‌نه‌وه‌ پرۆسیس کرابێت و له‌سه‌ر چ بنه‌مایه‌ک و به‌چ په‌یڕه‌وێک و پێوه‌رێک جیابوونه‌ته‌وه‌و دانه‌بڕاون له‌هه‌مان ستراتیژ؟!

بێگومان ستراتیژى (ک.ک) ستراتیژێکى ناوه‌ڕۆک لیبرالىیه‌و ناتوانێت ئاسۆى ڕۆشنى بزوتنه‌وه‌ى ڕامیارى و خه‌باتى ئابورى و کۆمه‌ڵایه‌تى چینى کرێکار به‌رجه‌سته‌ بکات. بێگومان ستراتیژى ئه‌وان و ئه‌مانیش له‌ستراتیژو له‌ میتۆدو له‌په‌ره‌نسیپه‌کانى ڕێکخستن و له‌ پێک هاتى دیسپلینیانه‌ىڕێکخرابوون جیاوازنین. که‌واته‌ ده‌بێت هۆى جیابوونه‌وه‌یان چ بێت؟ بێگومان ئه‌نجامى جیابوونه‌وه‌کان هه‌ڵ قوڵاوى ناو ناوه‌ڕۆکى ڕامیارى وکۆمه‌ڵایه‌تى و وورده‌ بۆرژوازین له‌ناو توێژگه‌له‌که‌ى خۆیاندا. هه‌روه‌ها له‌لایه‌کى تریشه‌وه‌ به‌یان نامه‌ى ڕاگه‌یاندنه‌ که‌شیان ده‌ست نیشانى به‌هاى په‌یوه‌ست بوونه‌کان ده‌کات و پیشانى ده‌دات که‌ دانه‌بڕاون له‌ میتۆدى ڕابردوو هه‌مان ستراتیژ به‌رهه‌م ده‌هێنرێته‌وه‌. ئه‌م لێکدانه‌وه‌یه‌ له‌سه‌ره‌تادا له‌و ئاسته‌دا نه‌وه‌ستاوه‌ و له‌ ته‌نها شوێنێکدا به‌یان نه‌کراوه‌. به‌ڵکو له‌سه‌ر ووتاره‌کانى ژماره‌ى (یه‌ک)ى په‌یامى کۆمۆنیزم داو هه‌روه‌ها له‌چاوپێکه‌وتنه‌کانى ئه‌ندامانى ئه‌و ده‌سته‌یه‌دا دووپاته‌و سێ پاته‌ ده‌بنه‌وه‌.

له‌م سۆنگه‌یه‌وه‌ سه‌ر ووتار ده‌ڵێت [ خستنه‌ ڕووى لێکدانه‌وه‌یه‌کى مارکسیستى ڕۆشن له‌سه‌ر چاره‌نوسى کۆمۆنیزمى کرێکارى له‌کوردستان و توندو تۆڵ کردنه‌وه‌و به‌هێز کردنى جێگاو ڕێگاکه‌ى، وه‌دواتر چۆنیه‌تى حه‌ره‌که‌ت بۆ پێکهێنانى (حیزبى کۆمۆنیزمى کرێکارى-عێراق) و ……تاد، ئه‌مانه‌ به‌شێکى سه‌ره‌کى ئه‌و ئه‌رک و ئه‌و له‌ویه‌تانه‌ن که‌ (په‌یامى کۆمۆنیزم) ئه‌یه‌وێت ڕووبه‌ڕوویان بێته‌وه‌. هه‌ڵبه‌ته‌ ئه‌م بڵاوکراوه‌یه‌ له‌چوارچێوه‌ى ئه‌م ئه‌رکانه‌دا، و ێڕاى دیفاعێکى جددى له‌کۆمۆنیزمى کرێکارى و بنه‌ما فکرى و ساسیه‌کان، هه‌رمه‌یلێکى دواکه‌وتووانه‌ و ڕاست ڕه‌وانه‌ له‌ ژێر ئاوى کۆمۆنیزم دا که‌جارێکى تر مه‌یل و بۆچوونى مه‌حفه‌لى و فیرقه‌یى بکاته‌وه‌ به‌میواندار، ڕه‌خنه‌لێ ده‌گرێ و …… (سه‌رووتار) ژماره‌(1) په‌یامى کۆمۆنیزم، ل-2-) ] چه‌ند پاته‌کردنه‌وه‌ى به‌رگرى کردن له‌بنه‌ما میتۆدى وهزرىیه‌کانى (ک.ک)ى به‌ڵگه‌ى دانه‌بڕانى ئه‌م ده‌سته‌یه‌یه‌ له‌هه‌مان ئاوه‌زو دیدگاى پێشووتر یان له‌ناو حیزب و ئاوزاندنى حیزبى (ک.ک.ع)دا. 

که‌واته‌ دابڕان له‌ سیستمى کارکردنى پێشوو پێویستى به‌گۆڕانى بنه‌ما هزرى و ئاوه‌زه‌ى و میتۆدى یه‌کانى ڕابردوو هه‌یه‌، هه‌روه‌ها پێویستى به‌ئه‌نجام گیرى ڕامیارى و هزرى و هه‌ڵوێست و به‌رژه‌وه‌ندى چینایه‌تى جیاواز هه‌یه‌، تابتوانێت دابڕان له‌ناو په‌یوه‌ندیه‌کان و له‌ناوه‌نده‌ چینایه‌تىیه‌ جیاوازه‌کانى ڕووبدات.

دابڕان له‌ میتۆدێک ده‌بێت دابرانى ماتریالیستیانه‌ى دیالێکتیکیانه‌ بێت له‌ میتافیزیکى بڕواو هۆشى ڕابردوو و ده‌ووروپشت. دابڕانى ڕیزى چینایه‌تى چینى کرێکار و کۆمۆنیسته‌کان بێت له‌ڕیزى چینایه‌تى بۆرژوازى و سه‌رمایه‌دارى و په‌یوه‌ندى یه‌ کۆمه‌ڵایه‌تىو ڕامیارى و سیسته‌مى ئابوورى چینایه‌تىیه‌که‌ى چونکه‌ مارکسیسته‌کان به‌پێکهاتى ناوه‌ڕۆکى میتۆدى و هزرى و بیۆس پۆلیتیکۆسىخۆیان، له‌هه‌موو توێژگه‌ل و چینه‌کانى ترو میتۆده‌که‌یان جیاده‌بنه‌وه‌. که‌واته‌ نابێت دابڕانه‌که‌ش به‌ره‌وئه‌وه‌ بێت که‌ کرده‌یه‌کى ڕاستى یانه‌وه‌ى وورده‌ بۆرژوازییانه‌ به‌رهه‌م بهێنێته‌وه‌.

گۆڕانى چینایه‌تىیانه‌ى کۆمۆنیسته‌کان دابڕانى میتۆده‌که‌یان و فه‌لسه‌فه‌ى ئاوه‌زو هزری جیهان بینییاته‌، له‌ ڕه‌وه‌ندى هزرى و ڕامیارى بۆرژوازى. له‌به‌رئه‌وه‌ کاتێک کۆمۆنیزمى کرێکارى وه‌لاده‌نرێت، ده‌بێت میتۆده‌که‌ى وه‌لابنرێت و هزرى (ک.ک)ى بگۆڕدرێت به‌ سیسته‌مى کارو هزرى مارکسیستى. به‌ڵام ئه‌م کرده‌یه‌ له‌سه‌ره‌تادا له‌ بزوتنه‌وه‌ى بنیاتناندا جێ به‌جێ نه‌کراوه‌. هه‌روه‌ها دواتریش ئه‌و دابڕانه‌ ڕووى نه‌داوه‌و به‌ئه‌نجامى پراکتیکى نه‌گه‌شتووه‌. چونکه‌ فۆرمى میتۆدى و هزرى جیاوازیان دیارنىیه‌و ئاستى جیابوونه‌وه‌کانیشیان، به‌هۆى ڕه‌دووکه‌وتنێکى کوێرانه‌وه‌ ئه‌نجام دراوه‌. له‌به‌ر ئه‌وه‌ى تیایدا ئاوه‌زێکى کراوه‌و دیالێکتیکیانه‌ى پرۆسیس نه‌کردووه‌. ئه‌مه‌ش له‌به‌شى دواتردا زیاتر ڕوون کردنه‌وه‌یان له‌سه‌ر ده‌ده‌ین. به‌ڵام بۆ ئه‌م سه‌رووتاره‌ ئه‌وه‌نده‌ به‌سه‌ که‌ ناوه‌ڕۆکه‌که‌ى زیاتر ڕوونى کردووه‌ته‌وه‌.

ئه‌م ده‌سته‌یه‌ له‌سه‌ره‌تادا نه‌ى توانیوه‌ جیاوازى له‌نێوان خۆیان و ئه‌واندا، وه‌ک جیاوازى یه‌کى ماددى ده‌ستنیشانى لایه‌نه‌کانى به‌ڕوونى بکات، و درکى ڕوون و کرده‌ى زانستىیان هه‌بێت له‌سه‌ر که‌لێنى نێوان خۆیان و ئه‌وان. وه‌لێ دوباره‌ کردنه‌وه‌ى هه‌مان میتۆدکراوه‌ به‌ بنه‌ماى جیاوازى و به‌هه‌ند وه‌رگیراون. کرۆکى ئه‌م لێکدانه‌وه‌یه‌ش ته‌نها له‌میتافیزیکه‌وه‌ سه‌رچاوه‌ى بۆ جیاوازبوون هه‌ڵگرتووه‌.

ئه‌و هه‌موو ڕسته‌ ڕیزکردنانه‌ى سه‌ره‌وه‌ى ناو سه‌رووتارى په‌یامى کۆمۆنیزمى ژماره‌ یه‌ک، نه‌یتوانیوه‌ ئه‌و ڕاستىیه‌ دیزه‌به‌ده‌ر خۆنه‌ بکات، که‌ دانه‌بڕاون له‌هه‌مان میلۆدى میتۆد و لێکدانه‌وه‌ى پێشوو، چونکه‌ پله‌ى لێکدانه‌وه‌کانیان، له‌سه‌ر چاوه‌ى شیکارى یه‌ هزرىیه‌کانیانه‌وه‌ ده‌ست نیشان ده‌کرێت.

له‌م سۆنگه‌یه‌وه‌ نه‌یان توانیوه‌ له‌و په‌یامه‌دابڕێن، که‌په‌یامى پارتایه‌تى پێشووترى کارکردنیان بووه‌. (ک.ک) هیچ لێکدانه‌وه‌یه‌کى مارکسیست و په‌یڕه‌و نامه‌کانى هه‌ڵنه‌گرتوه‌و نه‌شکراوه‌ به‌سه‌ر چاوه‌ى ئاوه‌زیان تابه‌هۆى ئه‌وه‌وه‌ له‌سه‌ر (ک.ک) ى به‌دیدێکى مارکسیستى ئه‌نجام گیرى ڕامیارى و چینایه‌تى جیاواز له‌ ڕابردوو به‌ده‌ربخه‌ن. ئه‌وان هه‌مان ڕامیاریستى ئه‌ڵقه‌ به‌ستى ته‌سک و ده‌سته‌ چێتیان ئه‌نجام داوه‌، ئه‌ویش له‌ سونگه‌ى ئه‌و کرده‌وه‌یه‌ى که‌ هه‌مان میتۆد و هزرى ڕابردوو پرۆسیس ده‌که‌ن، له‌گه‌ڵ ئه‌وه‌شدا و گوایه‌ له‌ڕابردوویان جیابوونه‌ته‌وه‌. ئه‌و جۆراو جۆرى ووته‌یه‌ش و ده‌ربڕین و هه‌ڵاهه‌ڵاکردنى له‌ده‌ووریدا، خۆڵ کردنه‌ چاوى دووروبه‌ریانه‌ که‌ هه‌مان به‌یت و بالۆره‌ى ڕابردو ده‌ڵێن بزوتنه‌وه‌ یه‌ک به‌ڕێده‌خه‌ن، گوایه‌ بۆ پێک هێنانى حیزبى کۆمۆنیزمى کرێکارى-عیراق.به‌ڵام ئه‌م دیده‌ ناوازه‌یه‌ به‌ڕێساى دیالێکتێک و تۆزقالێک له‌گه‌ڵ ماددییه‌تدا ده‌ست له‌ملان نابێت.

دووحیزب دروست ده‌که‌ن به‌هه‌مان به‌رنامه‌و میتۆدو هه‌مان هزرو ڕامیاریزم. که‌واته‌ ئه‌مانه‌ جیاوازیان ته‌نها به‌ دروستکردنى هه‌مان حیزبه‌ له‌ده‌ره‌وه‌ى حیزبى دایکدا. واته‌ ئه‌و کرده‌یه‌و پرۆسیسکردنى له‌ ئایدیاى ده‌سته‌ چێتى یه‌وه‌ سه‌ر چاوه‌ده‌گرن.

کاتێک حیزبێک له‌ده‌ره‌وه‌ى حیزبێکى تر دروست ده‌بێت وده‌یه‌وێت به‌ته‌واوى ئه‌و حیزبه‌ى ڕابردوو له‌هه‌موو ڕوویه‌کى پارتایه‌تى و ڕامیاریزمى و هزرى و میتۆدىیه‌وه‌ دابڕاندنى خۆى دروست بکات و به‌ئامانج و ستراتیژى جیاوازه‌وه‌ کاربکات، ده‌بێت دابڕانێکى ماددى بابه‌تىیانه‌ به‌ ئاوه‌زێکى دیالێکتیکیانه‌ ئه‌نجام بدات، به‌ڵام ئه‌م هه‌وڵانه‌ نه‌دراوه‌ له‌و ناوه‌نده‌داو نه‌شى توانیوه‌ ئاسۆى چه‌پى خۆیان ڕۆشن و هه‌نگاوێکى زیاتر به‌ بزوتنه‌وه‌که‌ شیان هه‌ڵبگرێت.

هه‌روه‌ها له‌لایه‌کى تره‌وه‌ ئه‌و چاوپێکه‌وتنه‌ى که‌ له‌گه‌ڵ احمد معین و نزار عبدالله‌ و ئاسۆ غریب کراوه‌ ده‌رباره‌ى ڕاگه‌یاندنى بزوتنه‌وه‌ى بنیات نانى حیزبى کۆمۆنیزمى کرێکارى عێراق. ئه‌حمه‌د معین دووپاتى هه‌مان په‌ره‌نسیپ و شێوه‌ى په‌یوه‌ندى گرتن ده‌کاته‌وه‌ که‌ (حککع) له‌سه‌ره‌تاوه‌ تائێستاش (کاتى نووسین و چاوپێکه‌وتنه‌که‌) په‌یوه‌ندیان پێیه‌وه‌ هه‌یه‌، ئه‌حمه‌د معین ده‌ڵێت [ به‌رقه‌رار کردنى په‌یوه‌ندیه‌کى سیاسى پته‌و و سالم و فه‌عال له‌گه‌ڵ حیزبى کۆمۆنیستى کرێکارى ئێران و شه‌خسى هاوڕێ منسوری حیکمت و بانگه‌وازکردنى بۆ به‌شدارى هه‌ڵ سوڕاوانه‌ له‌ ڕوو به‌ڕوو بوونه‌وه‌ له‌گه‌ڵ ئه‌رک و ئه‌وله‌ویات و دژواریه‌کانى ئه‌م ده‌وره‌یه‌ى به‌رده‌م خه‌بات و هه‌ڵسوڕانى کۆمۆنیزمى کرێکارى له‌عێراقدا. (ل4، په‌یامى کۆمۆنیزم-ژماره‌-1-) ] ئه‌م ده‌ربڕینه‌ى ئه‌حمه‌د معین زیاتر ئه‌وه‌ ڕوون ده‌کاته‌وه‌ که‌ چۆن (حککع) په‌یوه‌ندى و لاسایى کردنه‌وه‌ى په‌یام و خواستى (ک.ک)ى یان ده‌کرده‌وه‌و مه‌نسورى حیکمه‌تیان به‌په‌یام به‌رو سه‌رچاوه‌ى دیدو بۆچونه‌کان به‌هه‌ند وه‌رده‌گرت. به‌هه‌مان شێوه‌ى ئه‌مانیش بانگه‌وازى هه‌مان په‌یوه‌ندى و پراکسیسى ڕابردوو ده‌که‌نه‌وه‌، به‌شێوه‌ى کوێر کوێرانه‌و بێ پرسیار، په‌یوه‌ستى خۆیان ده‌گرنه‌وه‌. 

به‌ڵام ئه‌وه‌ له‌لاى ئه‌حمه‌د معین وونه‌و نادیاره‌ که‌ مه‌نسوری حکمه‌ت (ک.ک)ى و ئه‌رکى هزرى و ڕامیارى و چینایه‌تى خۆیان له‌ناو (حککع)دا به‌شێوه‌یه‌کى دڵخوازانه‌ى خۆى جێ به‌جێ کراوه‌و ده‌بینێت .

وه‌ڵامه‌کانى (ک.ک)ى له‌سه‌ر ئاستى ڕووى کۆمه‌ڵ و له‌به‌رامبه‌ر ڕامیارى و پێک هاتى ئابوورى و کۆمه‌ڵایه‌تى سه‌رمایه‌دارییدا خستیانه‌ ڕوو. بڕکردنى ڕامیارىیانه‌و هزرییانه‌ى هه‌رئه‌وه‌نده‌یه‌ و تواناکه‌شى به‌و پێوه‌ره‌یه‌ که‌له‌ ڕابردووبینیمان، بێگومان هه‌ردووباره‌ کردنه‌وه‌یه‌کى تریش ده‌گات به‌هه‌مان ئاست و ئه‌نجام گیرى یه‌کانیشیان ئه‌و به‌رهه‌مه‌ى ده‌بێت که‌ (حککع) هه‌یبوه‌و پێوه‌ى ده‌رکه‌وت. لێره‌دا ئه‌وه‌ ڕوون ده‌رده‌که‌وێت که‌ (ئه‌حمه‌د معین)له‌بێ ئاسۆى خۆیاندا و که‌م توانایى له‌بارى تیۆرى مارکسیزمه‌وه‌، به‌و هۆیه‌وه‌یه‌ که‌ نه‌یتوانیوه‌ ئه‌نجامى شکستى (حککع) له‌ شکستى پراکتیکى و هزرى و میتۆدى و فه‌لسه‌فى کۆمه‌ڵایه‌تىیه‌وه‌ ئه‌نجام گیرى لێوه‌ بکات.

واتا درکییان له‌سه‌ر که‌م و کوڕى و بێ ئاسۆ بوون پاشه‌کشه‌ى بزوتنه‌وه‌که‌ یان و چه‌پ و درکێکى زۆر نازانستى و دوور له‌ سروشتى شکسته‌کانبووه‌و، نه‌یتوانیوه‌ هه‌نگاوێک له‌ مێژووى ڕابردوو دووربکه‌ونه‌وه‌. ئه‌وه‌ش به‌رئه‌نجامى ئه‌وه‌یه‌ که‌درکى که‌م و لاوازییان له‌سه‌ر ناوه‌ڕۆکى سیاسى چینایه‌تى (ک.ک)ى و ئاسۆو ستراتیژى چینایه‌تىیه‌کانیان هه‌یه‌و ڕه‌دوو که‌وتنێکى کوێرانه‌یه‌. ئه‌گینا جیاوازبوون له‌گه‌ڵ (حککع) یان هه‌ر هزرو میتۆدو فه‌لسه‌فه‌یه‌ک، پێویستى به‌ دابڕانى ده‌سته‌ى جیا بووه‌وه‌ یه‌ له‌ بارى فه‌لسه‌فه‌ى جووڵه‌ و هزرى و ڕامیارى و په‌ره‌نسیپه‌کانیه‌وه‌ ده‌بێت.

به‌م پێ یه‌ نه‌یان توانیوه‌ له‌کاژى سوونه‌ت و بیرو بۆ چوونى مه‌حفه‌لى و سکتاریستى و ئانارکۆسه‌ندیکا لیستیه‌کانى ناو (ک.ک) ده‌ربچن، بۆیه‌ ئه‌نجامى په‌یوه‌ندى یه‌کانیان خستووه‌ته‌ سه‌ر ئه‌و ڕێژکه‌یه‌ى که‌ (حککع) پیایدا ده‌ڕوات.

به‌ڵام ئه‌مانه‌ له‌ساته‌وه‌ختى جیابوونه‌وه‌یان جارێکى تر ده‌چنه‌وه‌ سه‌رسه‌ره‌تاى هه‌مان ڕێگاى ڕابردوو، هه‌روه‌ها ئه‌و په‌یوه‌ندى کردنه‌ى ئه‌حمه‌د معین و بزوتنه‌وه‌که‌یان له‌گه‌ڵ منسوری حیکمت، جارێکى ترو به‌شێوه‌یه‌کى کوێر کوێرانه‌ تر، ته‌نها دوباره‌ کردنه‌وه‌ى هه‌مان ڕیتمى پێشووى (حککع) ده‌بێت! بێگومان به‌ره‌نجامى ئه‌و په‌یوه‌ندىیه‌ هه‌مان ئه‌نجامى ده‌بێت که‌ به‌رهه‌مى (حککع)ى هه‌بووه‌. له‌که‌وانه‌ى ئه‌م بۆ چوونه‌وه‌ دابڕان له‌ حیزبى (ک.ک.ع) ئه‌نجام نه‌دراوه‌و به‌ڵگه‌ش ئه‌وه‌یه‌ که‌ وه‌ک بارى پێشووى دروست بوونى حیزب هه‌مان ڕیتم ده‌کات به‌بنه‌ما بۆ دروست بوونى حیزبى کۆمۆنیزمى کرێکارى له‌ عێراقدا.

هه‌روه‌ها ده‌بێتبۆ تێپه‌ڕاندنى نائومێدیه‌کانى ناو بزوتنه‌وه‌ى چه‌پ و (ک.ک)ى، له‌ تێپه‌ڕاندنى به‌ها هزرى و میتۆدى و کرده‌و بیرى ڕامیارىیه‌وه‌ سه‌ره‌نجام بگرێت. که‌واته‌ پێویسته‌ بۆ ده‌رهێنانى بزوتنه‌وه‌که‌ و دابڕان له‌ قۆزاغه‌ىمتبوونى ڕامیارى و ڕێکخراوه‌یى بزوتنه‌وه‌که‌ بگه‌ڕێته‌وه‌ سه‌ر میتۆدى مارکسیزم و له‌ کرده‌کانیاندا و له‌په‌یوه‌ندى گرتنى به‌چینى کرێکارو پێگه‌یاندنى ڕێکخراو بوونیان به‌کار ببرێت. به‌کار هێنانێکى زانستى یانه‌ى ئه‌و میتۆده‌ به‌پێی پێویستىیه‌ کانى گه‌شه‌ى بزووتنه‌وه‌ى کۆمۆنیستى زانستى له‌ناوچه‌که‌دا ئه‌نجام گیرى ڕامیارىو پراکتیکییان لێوه‌ ده‌ربهێنرێت و ئاسۆى بزوتنه‌وه‌که‌ له‌سه‌ر ڕوویه‌کى ماددى پراکتیکى گه‌شه‌ دارتر ڕابگرێت. 

بۆئه‌م مه‌به‌سته‌ش دابڕان ده‌بێت له‌ڕامیاریکردن و ئامانجى ڕابردو له‌هه‌وڵ و ستراتیژى کارپێکردوو بێت. بۆ پرۆسیس،کردنى ڕامیارى و ئامانج و ستراتیژێکى زانستى و گونجاوى مارکسیستى تابتوانێت به‌زانستى ئه‌رک و پراکتیکى بزوتنه‌وه‌ى ڕامیارى، ئابوورى چینى کرێکار ده‌ست نیشان بکات.

ئه‌م لێکدانه‌وانه‌ى ئێمه‌ به‌شێک بووه‌ له‌ دیدگاو بۆ چوون و تێزه‌کانمان له‌پێش و ئێستادا. به‌ڵام هه‌وڵى ئه‌وکاته‌ى جیابوونه‌وه‌ى (ئه‌حمه‌د معین)و هاوڕێکانى، دووپات کردنه‌وه‌ى هه‌مان ڕیتمى ڕامیارى کردن و هزرى (ک.ک)ى بووه‌، هه‌مان ڕیتمى په‌یوه‌ندى به‌حیزبى دایکه‌وه‌ ناوک و کرۆکى تێزه‌کان و هه‌وڵه‌کانیان بووه‌، له‌به‌ر ئه‌وه‌ تواناى جیابوونه‌وه‌کان توانایه‌ک و هه‌وڵێکى لاوازو تائاستى نه‌زۆکى ودوور له‌ ماددیه‌تى دابڕانى هه‌مان ڕامیارى کردن و میتۆده‌.

له‌هه‌مان کاتدا جۆرو لایه‌نى پێکهێنانى حیزبیش هه‌مان ڕیتمى به‌ خۆیه‌وه‌ گرتووه‌، هه‌مان ئاسۆى دووباره‌ هه‌ڵپێچاوه‌ته‌وه‌. که‌واتا پراکتیکى به‌و شێوه‌یه‌ دابڕان جیابوونه‌وه‌کاندا دروست ناکات. له‌ شوێنێکى تردا له‌هه‌مان چوارچێوه‌و ته‌رزى بیردا (نزار عبد الله‌) جارێکى تریش له‌ ژماره‌ (دوو)ى په‌یامى کۆمۆنیزمدا دووباره‌و سێ باره‌ى هه‌مان ڕیتم و میلۆدى هه‌مان پارچه‌ى ئاواز ده‌کاته‌وه‌ و گفتوگۆکه‌ى به‌هه‌مان ئامانجى ڕامیارى و چینایه‌تى کۆتایى پێدێنێ و ده‌ڵێت [ حه‌تمه‌ن له‌م ڕه‌وه‌ندى فه‌عال بوونه‌وه‌و پێشڕه‌ویانه‌دا سوونه‌ته‌ حزبیه‌که‌ش فه‌عالتر ده‌بێته‌وه‌ و ڕیشه‌ دارو به‌هێز ده‌بێت، هه‌ڵبه‌ت ئه‌مه‌ ئۆتۆمانیکى نابێ مه‌یدانى حیزبیه‌تیش خۆى مه‌یدانێکى تایبه‌ت ده‌بێت هاوکات له‌گه‌ڵ ڕۆشن کردنه‌وه‌و دیاریکردنى له‌هه‌ر بوارێکدا ئه‌و سونه‌ت و شێوه‌کارو ئسلوبانه‌ى ئه‌م سونه‌ته‌ى پێشێل کردووه‌ وه‌لابنرێن و ڕه‌خنه‌یان لێ بگیرىَ، به‌بڕواى من له‌م مه‌یدانه‌دا ده‌وره‌ى داهاتوو پێویسته‌ ووزه‌و ئنرژى زۆر سه‌رف بکرێ به‌مه‌یدانه‌کانى تره‌وه‌ گرێ بدرێته‌وه‌، ئه‌مه‌ کارێکه‌ ئێمه‌ له‌ڕێگه‌ىبه‌رپاکردنى ((بزوتنه‌وه‌ى بنیات نانى حیزبى کۆمۆنیزمى کرێکارى-عێراق))ه‌ وه‌ ده‌ستمان پێ کردووه‌. (ستوونى دووه‌م-ل7-ژماره‌ى (2)-په‌یامى کۆمۆنیزم) ] نزار عبدالله‌ له‌پێشتردا کۆمه‌ڵێک ئه‌رک و ئامانجى (حکک) ده‌ست نیشان ده‌کات و ده‌یکاته‌ به‌ڵگه‌ى جیاوازى و به‌ڵام به‌دانه‌بڕانى له‌ (ک.ک)ى، له‌ڕێگه‌ى ئه‌و ئه‌رکانه‌ى که‌ده‌ست نیشانى کردوون ده‌یه‌وێت به‌به‌ڵگه‌ى ناکارامه‌یى ڕابه‌رایه‌تى(حککع) نیشان بدات. 

به‌ڵام ئه‌م لێکدانه‌وه‌یه‌ زیاتر له‌تێڕوانینێکى دیماگۆجیانه‌ ده‌چێت، هه‌تا له‌ تێڕوانینێک که‌ هه‌ڵئینجاوى سروشتى حیزبیه‌ت و هه‌ڵسوڕانه‌کانى بێت. چونکه‌ لێکدانه‌وه‌کان کارى له‌سه‌ر بنه‌ما هزرىیه‌کانى پێشووتر نه‌کرده‌وه‌و شۆکى تێزه‌کانى ڕابردوویان ئاشکرانه‌کردووه‌ یان بۆى نه‌کراوه‌. له‌به‌ر ئه‌وه‌ ده‌یه‌وێت ڕابه‌رایه‌تى (حککع) بکات به‌ به‌ڵگه‌ى شکسته‌کانى تێزى (ک.ک)ى نه‌ک خودى میتۆدىو فه‌لسه‌فه‌ى (حککع) و بنه‌ما میتۆدیه‌کانى (ک.ک)ى و پایه‌ ئایدۆلۆجیه‌کانى. له‌به‌رئه‌وه‌ى کاتێک حیزب و ڕابه‌رایه‌تى ئه‌رک و ئامانجه‌کانى یان جێ به‌جێ نابێت له‌سه‌ر ئه‌رزى ماددى. پرۆژه‌ى هزرى و ڕامیارى ئه‌وان پرۆژه‌یه‌کىبه‌رجه‌سته‌و واقعى (سروشتى ماددى) نابێت-واته‌ پرۆژه‌ ڕامیاریسته‌کانى ئه‌وان پرۆژه‌یه‌کى ناکرێکارى و ناکۆمۆنیستى نازانستیانه‌یه‌. له‌به‌رئه‌وه‌ى هه‌ڵئینجاوى ئه‌و ئایدۆلۆژییه‌یه‌ که‌ بۆرژوازى و وورده‌ بۆرژوازى پێوه‌ ده‌ناسرێته‌وه‌.

کاتێک ڕابه‌رایه‌تیش له‌ ده‌ورانى ڕابردوودا یه‌ک دوو ئه‌رک و فرمانیان جێ به‌جێ نه‌کردووه‌. هیچ به‌ڵگه‌یه‌ک نىیه‌ بۆ لادان و ڕۆچوون به‌باڵى دورکه‌وتنه‌وه‌ له‌ (ک.ک)، له‌لایه‌کى تره‌وه‌، ئه‌رک و مه‌هامه‌کانیش جێ به‌جێ کراون و بووه‌ته‌ فرمانى ڕۆژانه‌ى ڕێکخستن وئه‌ندامه‌کانیان و په‌یوه‌ندىیه‌کىدووگما تیستیانه‌یان هه‌بووه‌ و کرده‌یه‌کى دیماگۆجیانه‌ شیان له‌ڕامیارى کردنى ئه‌ندامه‌کانیاندا به‌رجه‌سته‌ کردووه‌و به‌شێک له‌ به‌شه‌ هه‌ره‌گرنگه‌کانى پراکتیکیان بووه‌. واته‌ کێشه‌ که‌ له‌سه‌ره‌تاوه‌ له‌ناو سه‌نتراله‌ هزرىو ڕامیارىو جیهان بینى یه‌کانى (ک.ک)ى یدایه‌ نه‌وه‌کو ڕابه‌رایه‌تى یه‌که‌ى (حککع) بکرێت به‌ ئامانج له‌ شکسته‌که‌دا. (ئه‌گه‌ر هه‌ندێ له‌کاته‌کان ئه‌و ڕابه‌رایه‌تىیه‌ به‌ئه‌وپه‌ڕى دووریه‌کانى ئه‌و تێزانه‌ى به‌دڵ وبه‌گیان هه‌ڵنه‌گرتبێت، بێگومان ئه‌مه‌ش له‌ناو (حککع)دا به‌پێچه‌وانه‌وه‌یه‌).

دروشمى پراکتیکى ڕۆژانه‌ى ئه‌م حیزبه‌ دروشمى تایبه‌تى خۆى هه‌بوو. به‌ڵام خواست و ئامانجى دروشمه‌کانىیان نه‌یان ئه‌توانى یان کارانه‌بوون و ته‌مه‌نیان درێژ بێت، چونکه‌ له‌به‌رامبه‌ر هه‌ر پلاکارتانى ئه‌م حیزبه‌دا، بۆرژوازى کرده‌ى له‌وه‌و پێشى ڕیفۆرمى یان بووه‌یان یه‌ک شه‌قاوى هه‌ڵبهێنایه‌ ئه‌وا پرۆژه‌ى دروشمه‌ ڕۆژانه‌ى یه‌کانى یان شکستى ده‌خوارد. واتا فۆرم و ناوه‌ڕۆک و ئه‌و خواستانه‌ى که‌ له‌ ده‌وورى ئه‌و دروشمه‌ى کۆبوو نه‌وه‌، نه‌ى ده‌توانى به‌ر به‌سیاسه‌تى ڕۆژانه‌ى سه‌رمایه‌دارى بگرێت و سیاسه‌تى حیزب بباته‌پێش و تووندوو تۆڵ ڕایبگرێت له‌به‌رامبه‌ر جووڵانه‌کانى بۆرژوازیدا.هه‌روه‌ها ئه‌و ئه‌رکه‌ش که‌ نزار عبدالله‌ داینابوو له‌ ده‌ووره‌ى دووه‌مى پێکهێنانى (حککع) دا جێ به‌جێ بکرێت و ده‌ڵێت نه‌کران.

ئه‌و بێژانه‌و ئاوه‌زى (نزار عبدالله‌) دوورن له‌ لێکدانه‌وه‌یه‌کى ڕاست و دروست له‌گه‌ڵ ئه‌وه‌شدا کراوه‌ته‌ به‌ڵگه‌ى جیابوونه‌وه‌کانیان، هه‌موو لێکدانه‌وه‌کانى له‌باره‌ى جیابوونه‌وه‌کان کراوه‌ له‌سه‌ره‌تادا لێکدانه‌وه‌یه‌کى ناسروشتى بوو دوورله‌ڕاستى جیاواز بوون،چونکه‌ نه‌ى توانیوه‌ ده‌ست نیشانى هۆى شکسته‌کانى (حککع)ى بکات، له‌به‌رئه‌وه‌ى ڕه‌گه‌ى ناتوانایى و بێ وه‌ڵامى نه‌دۆزراوه‌ته‌وه‌و ده‌ستى نه‌خستبووه‌ سه‌ر ئه‌وه‌ى که‌ (ک.ک)ى وه‌ک ئایدۆلۆجیا ده‌ربڕى به‌رژه‌وه‌ندیه‌کانى وورده‌ بۆرژوازى و بۆرژوازى بوو.

هه‌روه‌ها پێکهاته‌یه‌کى هزرى و سیاسى سۆشیال-لیبرالیزمى دیدوتێزى وورده‌ بۆرژوازى ئه‌وروپاى هه‌بووه‌. به‌ڵام له‌به‌رئه‌وه‌ى ده‌یانویست به‌هه‌مان ڕیتم پارتێکىتر دروست بکه‌ن و ده‌ست به‌ردارى (ک.ک) نه‌بن و جیاوازیش بن له‌ (حککع). ئه‌م هه‌ڵوێستانه‌ دوگماتیستانه‌یه‌و دوور له‌ سروشتى ده‌رچوون له‌ناوه‌ندێکى ته‌نگژاوى و بێ ئاسۆى سیاسى و پراکتیکى ناوچینى کرێکاره‌ (ئه‌گه‌ر هه‌بن).

هه‌ڵوێستى(نزار عبدالله‌)و هاوڕێکانى ناتوانێت ڕامیارى کردن و داخوازییه‌کان وئاواته‌ مێژووىیه‌کانى چینى کرێکار له‌ئه‌ستۆ بگرن، ئه‌گه‌ر کرده‌یه‌کى سیاسى جیاوازییان ده‌ست به‌میتۆدى مارکسیزمه‌وه‌ نه‌گرێ. چونکه‌ ئه‌وان بڕیاریان داوه‌ که‌له‌و ساته‌دا هه‌ر له‌سه‌رمیتۆدى (ک.ک)ى بمێننه‌وه‌و به‌هه‌مان ئایدۆلۆجیاکار بکه‌ن. ئه‌مه‌ش به‌هاى جیاوازى بوون و دابڕان وون ده‌کات. به‌ڵام ئه‌و ئه‌رکانه‌ى که‌به‌ ئه‌ژمارى (نزار عبدالله‌) له‌ (حککع) دا جێ به‌جێ نه‌کراون و ئه‌مان جێ به‌جێی بکه‌ن، له‌ڕێگه‌ى به‌رپا بوونى (بزوتنه‌وه‌ى بنیات نانى حیزبى کۆمۆنیزمى کرێکارى-عێراق)و حیزبى کۆمۆنیزمى کرێکارى عێراق پێک بهێنێت، ئه‌م بۆ چوونه‌ زۆر خۆهه‌ڵخه‌ڵه‌تێنه‌رانه‌یه‌. چونکه‌ ئه‌رکه‌کانى (حککع) له‌ده‌ورانى ڕابردوودا له‌ ڕێگه‌ى سیاسه‌ت و په‌یامه‌کانى ڕۆژانه‌و به‌یان نامه‌کان یانه‌وه‌ جێ به‌جێکه‌رى ئه‌رکى (ک.ک)ى بوون. به‌ڵام ئه‌و ئه‌رکانه‌ ناچنه‌ جێگایه‌کى ترو ئنرژى زیاتر نادات به‌بزوتنه‌وه‌که‌ له‌به‌رئه‌وه‌ى په‌یوه‌ندیان به‌سه‌رخه‌تى سیاسى و هزرى ڕامیاریست و په‌یامه‌کانى کۆمۆنیزمى کرێکاریه‌وه‌ هه‌یه‌. چونکه‌ ڕامیاریزمه‌کانى (ک.ک) دووپات و سێ پاته‌ى سیاسه‌ت و به‌رژه‌وه‌ندییه‌کانى وورده‌ بۆرژوازى ئه‌وروپى و هه‌ڵئێنجاوى میتۆدى فه‌لسه‌فه‌ى سۆسیال لیبرالیزم بووه‌، له‌گه‌ڵ ئه‌وه‌شدا پایه‌ى کۆمه‌ڵایه‌تى ئه‌و توێژ گه‌له‌ له‌ڕێگه‌ى ته‌نگژه‌ى ڕامیارى کردن و ئابورى و کۆمه‌ڵایه‌تى یه‌کانىیه‌وه‌ له‌ناوچه‌که‌دا، ناتوانێت ته‌مه‌ن درێژتربێت و ده‌وورانێکى درێژتر ڕامیاریست و به‌رژه‌وه‌ندى یه‌کانى به‌سه‌ر به‌رێت و داکۆکى کارى به‌رژه‌وه‌ندىیه‌کانى بێت. به‌ڵام ئه‌و هه‌وڵه‌ى (نزار عبدالله‌) و ده‌سته‌که‌یان له‌سات و شوێنى خۆیدا نه‌یده‌توانى به‌هه‌مان ڕامیارى و هزره‌وه‌ جیاوازبێت و دابڕانى خۆى ده‌ست نیشان بکات له‌گه‌ڵ (حککع). چونکه‌ هه‌مان سوونه‌ت و هه‌مان شێوه‌کارو هه‌ڵسوکه‌وتیان هه‌یه‌ که‌ ئه‌وحیزبه‌ له‌ڕابردوو وئێستادا هه‌یبووه‌و جارێکى تر ده‌یکات به‌په‌ره‌نسیپى جیاوازى بێ جیاواز بوون و بێ دابران له‌قۆزاغه‌ى ڕابردوو. چونکه‌ (ک.ک)ى سه‌رچاوه‌ى بیرو هۆشى و پراکتیکى هه‌ردوولایانه‌، له‌به‌رئه‌وه‌ ناتوانێت ئه‌و پراکتیکه‌ى پێشووتریان وه‌لابنێن و لێى دووربکه‌ونه‌وه‌. ڕه‌خنه‌گرتنیان له‌کرده‌ى پێشووتریان ده‌بێت ڕه‌خنه‌گرتن بێت له‌ میتۆدى (ک.ک)ى به‌ڵام له‌پرۆسیسى جیاوازبوونه‌وه‌یان (به‌ناو) ئه‌م ئه‌رکه‌ى جێ به‌جێ نه‌کراوه‌. له‌م سۆنگه‌یه‌وه‌ ناتوانن پره‌نسیپى جیاواز به‌رهه‌م بهێنن. 

ئه‌م کاره‌ش بۆ جیابوونه‌وه‌کانیان له‌ ڕامیاریست و پراکتیکى (ک.ک)ى ئه‌نجام گیرى باشى نه‌بووه‌. چونکه‌ نه‌یان توانیوه‌ به‌ته‌واوه‌تى ووشکه‌ دابڕانى خۆیان له‌ (ک.ک)ى به‌رهه‌م بهێنن و له‌گه‌ڵ میتۆدى مارکسیزمدا جووت ببن. له‌به‌رئه‌وه‌ى هه‌تا ئێستا لێکدانه‌وه‌و ڕه‌خنه‌یه‌کى ڕۆشنبینیان نىیه‌ (هه‌تا کاتى نووسینى ئه‌م په‌رتووکه‌) له‌ (ک.ک)و هه‌روه‌ها نه‌یان توانیوه‌ ده‌ست نیشانى لایه‌نه‌ نه‌گه‌تیڤه‌کانى میتۆدى (ک.ک) بکه‌ن و له‌سه‌ر بزوتنه‌وه‌که‌و له‌به‌رامبه‌ریشدا ئه‌رک و ئامانجى ڕۆشنى چینى کرێکار ده‌ست نیشان بکه‌ن. 

من لێره‌دا نامه‌وێت له‌سه‌ریان بدوێم. چونکه‌ له‌ به‌شه‌کانى دواتر زیاتر له‌سه‌ریان ئه‌دوێم و له‌پێشتریشدا لایه‌نه‌ خراپه‌کانیم له‌جیابوونه‌وه‌کانیاندا ده‌ست نیشان کردوو ته‌نها لێره‌دا ده‌مه‌وێت ئه‌وه‌ ڕوون بکه‌مه‌وه‌ که‌دانه‌بڕانى ئه‌وان له‌ میتۆدى پێشووتریان ناتوانێت ئه‌رک و فرمانێکى ترى جیاواز ده‌ست نیشان بکات به‌ڵکو دووباره‌ کردنه‌وه‌ى هه‌مان ڕامیارى و ئاکار ده‌بێت.

به‌ڵگه‌ش بۆ ڕاستى بڕواکان (نزار عبدالله‌) ده‌ڵێت [ به‌هێز کردنى ئه‌م سوونه‌ته‌ له‌سه‌ره‌وه‌و له‌ڕێگه‌ى ڕابه‌رایه‌تیه‌کى کارامه‌و حیزبیه‌وه‌ به‌ئه‌رکى خۆمان زانیوه‌. ئێمه‌ هه‌ر له‌سه‌ره‌تاوه‌ په‌یوه‌ندیه‌کى خه‌بات کارانه‌و ئۆرگانێک به‌ سونه‌تى کۆمۆنیزمى کرێکارى یه‌وه‌ ده‌به‌ستین. دیاره‌ په‌یوه‌ندیه‌کى ئایدۆلۆژى و ڕاگه‌یاندنى ئه‌وه‌ى که‌سه‌ربه‌ سوونه‌تى کۆمۆنیزمى کرێکارین ئۆتۆماتیکى نامان کات به‌خاوه‌نى ئه‌و سوونه‌ته‌، ده‌بێت له‌مه‌یدانى عه‌مه‌لى دا پشت به‌م سونه‌ته‌ ببه‌ستین. (ستوونى دووه‌م)-ل7-ژماره‌(2)ى-په‌یامى کۆمۆنیزم ] ئه‌م په‌ره‌گرافه‌ سه‌لمێنه‌رى زیاتر بڕواو بۆ چوونه‌کانمانه‌ له‌سه‌ر ئه‌م ده‌سته‌یه‌ و (ک.ک)ى چونکه‌ ئه‌م ڕابه‌رایه‌تىیه‌ وه‌ک ڕابه‌رایه‌تى(حککع) پابه‌ندى خۆى به‌ڕابه‌رایه‌تى سه‌رتاسه‌رى (ک.ک) و میتۆده‌که‌یه‌وه‌ ده‌ست نیشان کردووه‌ هه‌روه‌ک چۆن (حککع) و ڕابه‌رایه‌تى یه‌که‌ى له‌ژێر کاریگه‌رى ڕابه‌رایه‌تى سه‌رتاسه‌رى (ک.ک)دابووه‌.

ئه‌وانیش له‌پێشترو له‌ساته‌وه‌ختى نووسینى ئه‌و په‌ره‌گراڤه‌ شیاندا. هه‌رهه‌مان په‌یوه‌ستى دووپاته‌ ده‌که‌نه‌وه‌-هه‌روه‌کو خۆشیان ده‌بێژن سه‌ربه‌ سوونه‌تى (ک.ک)ین و په‌یوه‌ندیان به‌ ئایدۆلۆژى ناو (ک.ک)ى یه‌وه‌ توندو تۆڵه‌.

ئه‌م هه‌موو ووته‌ زایانه‌ى که‌ده‌رى ده‌بڕن له‌سه‌ر سوونه‌ت و ئایدۆلۆژىیاى ناو (ک.ک)و ڕابه‌رایه‌تى، هیچ نىیه‌ بێجگه‌ له‌به‌ڵگه‌ى ساوێلکه‌یىو به‌رژه‌وه‌ندى په‌رستى وورده‌ بۆرژوازى نه‌بێت. ته‌نهاش ئه‌وه‌ى به‌سه‌ره‌نجام ده‌گات،دووباره‌ کردنه‌وه‌ى هه‌مان ڕامیاریزم و ستراتیژى ئه‌و بزوتنه‌وه‌یه‌ى خۆیانه‌.

ڕابه‌رایه‌تى که‌م لیاقه‌یه‌و ناتوانایه‌ په‌یوه‌ندى به‌وه‌وه‌ هه‌یه‌ که‌ شوێن که‌وتنى (ک.ک)ى و پرسیانه‌کردن له‌سه‌ر خواست و په‌ره‌نسیپ و ستراتیژى و ئامانجى ڕامیاریزم و سه‌رخه‌ته‌ هزرىیه‌کانى ئه‌و میتۆده‌وه‌ هه‌یه‌. ده‌ستور کارى و شێوه‌ى هه‌ڵسووڕانى به‌و ئاست و پله‌یه‌ گه‌یاندووه‌ که‌ له‌گه‌ڵ ڕامیاریسته‌کانى بۆرژوازى دا بڕوات و ئاوڕ له‌ڕابردوونه‌داته‌وه‌و ئێستاشى بۆ گرنگ نه‌بێت.

داماوى ڕابه‌رایه‌تى (حککع)و (بزوتنه‌وه‌ى بنیاتنان) له‌وه‌دایه‌ که‌ ناتوانان له‌سه‌ر میتۆدو هزرى مارکسیزم و که‌متر ڕامیاریست و زیاتر ئاوه‌زێکى دوگماتیستىیان هه‌یه‌و نه‌یان توانیوه‌ ئاوه‌زى به‌سته‌ڵه‌ک بوویان خاوبکه‌نه‌وه‌و تێک بشکێنن و ئاوه‌زێکى دیالێکتیکى یان له‌لێکدانه‌وه‌کانى سروشتىماددى و میتۆدو هزرى و ئایدۆلۆجىیه‌کاندا هه‌بێت.

ڕاسته‌ کارو کرده‌وه‌کانى حیزب و ئامانجه‌کانى ئۆتۆماتیکى نابن به‌ڵام تاکتیک و شێوه‌ى هه‌ڵسوڕانى حیزب و ئامانجه‌کانى حیزب و ڕابه‌رایه‌تى و تێڕوانین و هزرو سیاسه‌ته‌کان ده‌توانێت ده‌ست نیشانىئامانجى دوورى حیزب بکات و هه‌روه‌ها شێوه‌ى هه‌ڵسوڕانیش ده‌ست نیشانى په‌یوه‌ستى و یه‌کانگیرى سیاسه‌تى حیزب له‌گه‌ڵ به‌رژه‌وه‌ندى و خواستى مێژووى چینى کرێکارى شۆڕشگێڕدا ده‌کات.

به‌ڵام شێوه‌ىهه‌ڵسوڕانى (ک.ک) و میتۆده‌که‌ى به‌رجه‌سته‌ى هه‌مان ئامانج ده‌کات که‌ (حککع) ده‌ریبڕیوه‌. ئیتر ئه‌و لێکدانه‌وانه‌ نه‌یان توانیوه‌ جیاوازیىیه‌ک دروست بکه‌ن که‌ دابڕان به‌رهه‌م بهێنێت و دوور بکه‌وێته‌وه‌ له‌وسیاسه‌ت و په‌یامه‌ى که‌له‌ڕابردوودا هه‌یان بووه‌. جارێکى تر ئه‌و لێکدانه‌وانه‌ درێژه‌یان کێشاوه‌ هه‌تاکاتى نووسینى ووتارێکى ترى (نزار عبدالله‌) له‌ژماره‌(8)ى په‌یامى کۆمۆنیزم دا.

نزار عبدالله‌ به‌م شێوه‌یه‌ دووباره‌ و سێ باره‌ى هه‌مان بڕواو بۆ چوون ده‌کاته‌وه‌ که‌ (حککع)و هه‌وڵه‌کانى له‌و چوارچێوه‌یه‌ دابووه‌[ بزوتنه‌وه‌ى بنیات نانى حیزبى کۆمۆنیزمى کرێکارى-عێراق، هه‌ر له‌سه‌ره‌تاوه‌ لێکدانه‌وه‌ى خۆى ده‌رباره‌ى (بزوتنه‌وه‌ى کۆمۆنیزمى کرێکارى) خسته‌ ڕوو هه‌ر به‌وپێ یه‌ى که‌له‌پێشه‌وه‌ باسم کردوون خه‌تى سیاسى و فکرى منسوری حیکمت و هاوڕێکانى وه‌کو خه‌تى سیاسى و فیکرى خۆى قبوڵ کردو دیفاعى لێکرد-هاوکات له‌گه‌ڵ ئه‌مانه‌دا خه‌باتى کردووه‌ تاکو ئه‌م خه‌ته‌ سیاسىیه‌ ته‌عریف بکاته‌وه‌و مه‌قولات و فۆرمۆڵبه‌ندى و ناوه‌ڕۆکه‌که‌ى به‌دروستى بخاته‌ ڕوو. بزوتنه‌وه‌ى بنیات نان ((بزوتنه‌وه‌ى کۆمۆنیزمى کرێکارى)) وه‌کو بزوتنه‌وه‌یه‌ک ته‌ماشا کردووه‌، لێکدانه‌وه‌کانى منسوری حیکمت وه‌کو لێکدانه‌وه‌یه‌کى مارکسیستى هاوچه‌رخ په‌سه‌ند کردووه‌. (ل1)-ژماره‌ى (8)-په‌یامى کۆمۆنیزم-دامه‌زراندنى حیزبى بزوتنه‌وه‌ى کۆمۆنیزمى کرێکارى له‌ عێراق له‌ گره‌وى چى دایه‌؟-نزار عبدالله‌-)] ئه‌م په‌ره‌گراڤه‌ى سه‌ره‌وه‌، زیاتر و ڕوونتر خاڵى خۆبه‌ ده‌سته‌وه‌ دانى نزار عبد الله‌ و ده‌سته‌که‌ یان ڕاده‌گه‌یه‌نێت کار به‌دیالێکتێک ناکات و ڕه‌وه‌ندێکى زانستى به‌کار ناهێنرێت و پرسیار کردن له‌سه‌ر میتۆدى (ک.ک) له‌ هه‌ڵسوکه‌وتى ئه‌نداماندا جێگاى نىیه‌. له‌به‌ر ئه‌وه‌ ئه‌م ده‌سته‌یه‌ش ناتوانێت له‌ بۆچوون و ڕامیاریندنییاندا (بیۆس پۆلیتیکوس) وه‌ڵام به‌کێشه‌و داوا ڕه‌واکانى چینى کرێکار و بزوتنه‌وه‌که‌یان بده‌نه‌وه‌.

هه‌روه‌ها سه‌رچاوه‌یى بوونى مه‌نسورى حیکمت و هاوڕێکانى له‌ڕێگه‌ى ده‌ربڕین و لێکدانه‌وه‌کانى یانه‌وه‌ ئه‌مه‌ش ته‌نها بۆ کۆمه‌ڵێک له‌وورده‌ بۆرژوازى بووه‌ونه‌ى توانیوه‌ هزرى هه‌موو بزتنه‌وه‌که‌ بێت. به‌ڵکو توێژ گه‌لێک هه‌ڵگرى ئایدیاى (ک.ک)ى بووه‌و داکۆکى له‌به‌رژه‌وه‌ندیه‌کانى خۆیان پێ کردووه‌و هیچى تر. ئه‌گینا ناوه‌ڕۆکى ئاوه‌زى (ک.ک)پێک هاتى به‌رژه‌وه‌ندى یه‌کانىوورده‌ بۆرژوازى ده‌ست نیشان ده‌کات و ناوى چینى کرێکار ده‌کات به‌ڕوو پۆشى ئه‌و به‌رژه‌وه‌ندىیه‌و ده‌یه‌وێت له‌و که‌ناڵه‌وه‌ زۆر ترین که‌سایه‌تى ناو چینى کرێکار بۆلاى بزوتنه‌وه‌که‌ى خۆیان ڕاپێچ بکات و ئه‌ندامانى بزوتنه‌وه‌ى کرێکارى له‌به‌رژه‌وه‌ندى یه‌کانى خۆیان دوور بخاته‌وه‌و بیانکات به‌گیان فیداى به‌رژه‌وه‌ندىیه‌کانى وورده‌ بۆرژوازى و تابتوانێت زیاتر له‌ ناوکایه‌ى ململانێى ئابورى یه‌ به‌هێزه‌کانى ئیستاى سه‌رمایه‌دارى خۆیاندا خۆیان وه‌ک زیخى ژێر ئاو بهێڵنه‌وه‌، توێژگه‌لى هه‌ڵگرانى ئایدیاى (ک.ک)ى واته‌ سوشیال-لیبرالیزم، بۆ ئێران و عێراقیش، ته‌نها له‌ ڕی‍زێکى زۆرکه‌م دا بوونى هزرى و میتۆدىیان ئاماده‌ بووه‌. ئه‌گینا چینه‌ بنه‌ڕه‌تىیه‌ شۆڕشگێڕه‌که‌ که‌مترو زۆر زۆرکه‌متر ئاگادارى به‌هاى میتۆدى ئه‌و هزره‌ وورده‌ بۆرژوازىیه‌ بووه‌و هه‌تا ئاستى نه‌بوو نیش به‌هه‌ند هاتووه‌.

هه‌رکه‌سێک ده‌یه‌وێت ڕێگه‌ى ڕیزکردنى کۆمه‌ڵێک ڕسته‌یه‌ک به‌دواى یه‌کدا پێناسى کۆمۆنیزمى کرێکارى بکات و به‌لووتکه‌ى لێکدانه‌وه‌ى مارکسیستى به‌یان بکات، ده‌بێت باش ئه‌وه‌ بزانێت که‌ ئه‌وه‌تا له‌ مارکسیزم شاره‌زایى نىیه‌و پایه‌ فه‌لسه‌فى و میتۆدى و هزرىیه‌کانى تێ نه‌گه‌شتووه‌، یان ئه‌وه‌تا به‌رژه‌وه‌ندى توێژگه‌لیان هه‌یه‌ له‌گه‌ڵ توێژگه‌لى (ک.ک)ى دا بۆیه‌ به‌دڵ و به‌گیان به‌رده‌وامى ده‌دات به‌بیرى ناو تێزى میتۆده‌که‌ىو درێژه‌ى هه‌وڵه‌کانیشى له‌ پێناوى ڕاست و دروست به‌یان کردنى (ک.ک)دایه‌. به‌ڵام ئه‌م هه‌وڵه‌ نه‌زۆکانه‌یه‌و ناتوانێت درێژه‌ به‌ ژیانى بدات. چونکه‌ ناتوانێت به‌دروستى له‌سروشتى ماددى بزاوتتنه‌کان بگات،و پایه‌ى بزوتنه‌وه‌کانى ناو سیسته‌مى سه‌رمایه‌دارى پله‌و ڕێژه‌ى بزوتنه‌وه‌که‌ى نابینێت.

کاتێک ده‌توانرێت بووترێت سه‌رچاوه‌یه‌کى مارکسیستى هاوچه‌رخى ئه‌مڕۆیه‌ که‌پایه‌ى هزرىو ڕامیاریزم و پراکتیکى بزاوتنه‌کانى له‌ناو سیسته‌مى هزرى مارکسیزم هه‌ڵێنجا بێت، و توانیبێتى زیندووى و دوور له‌ ڕڤیژنیستى و دۆگما کردنى بنیات نابێت و هه‌روه‌ها لێکدانه‌وه‌ى زانستى و زیندووى نوێ بونه‌وه‌ى تێزو گریمانه‌کانى ناو فه‌له‌سه‌فه‌که‌ى له‌سه‌ر سروشتى ماددى و په‌یوه‌ستى به‌مارکسیزم ئه‌نجام دابێت.

به‌ڵام ئه‌و پلاتفۆرمانه‌ى که‌مارکسیزم له‌ڕابردوودا ده‌ریبڕیوون و ده‌وورى شۆڕش گیڕانه‌ى ده‌بینى له‌ناو چینى کرێکاردا. (ک.ک)ى پلاتفۆرمى ڕیفۆرمیستى، به‌ ترۆپکى سیاسه‌تى شۆڕشگێڕى له‌قه‌ڵه‌م ئه‌دا. هه‌روه‌ها مارکسیزم له‌ لێکدانه‌وه‌کانى خۆیدا ئه‌و ئه‌رک پێ سپێرییه‌ى دابووى به‌چینى کرێکارو وه‌ک چینى شۆڕشگێڕى گۆڕان کرده‌وه‌ له‌ سیسته‌مى ئێستادا به‌یان کردبوو. (ک.ک)ى پابه‌ندى کرد به‌وه‌ى که‌ته‌نها پراکتیک بۆ ئه‌م چینه‌ ڕیفۆرم ئه‌نجام دانه‌.

ئه‌م لێکدانه‌وانه‌ى (ک.ک)ى دوولادان و ده‌رچوونى وورده‌ بۆرژوازى یه‌و ناوزه‌ندکردنى به‌ مارکسیزمه‌. بێجگه‌ له‌هه‌موو ئه‌و هه‌وڵانه‌ى که‌له‌سه‌ر په‌ره‌نسیپه‌ مارکسىیه‌کانى پارتیایه‌تى و دیسپلینى لینینىیانه‌ جیاوازى بنه‌ڕه‌تیان هه‌ڵگرتووه‌. هه‌روه‌ها پلاتفۆرمى (UN)یش کراوه‌ته‌ پلاتفۆرمىڕامیارى و ڕێکخراوه‌ى و بیۆس پۆلیتیکۆس.

(ک.ک)ى له‌لایه‌ک ده‌رباره‌ى کێشه‌ى نه‌ته‌وایه‌تىو گه‌لێک کێشه‌ى تر. ئه‌م هه‌موو لێکدانه‌وانه‌ى مه‌نسوری حکمه‌ت و هاوڕێکانى و سه‌رخه‌تى هزرى و تێزى ڕامیاریزمى (ک.ک) له‌مارکسیزمه‌وه‌ هه‌ڵ نه‌قوڵاوه‌، به‌ڵکو به‌ره‌نجامى پێکه‌وه‌ گرێدانى چه‌ند بڕواو بۆ چوونى سوشیال-دیموکرات و لیبرالیزمى نوێی وورده‌ بۆرژوازى یانه‌و به‌ڕووپۆشى ناوى مارکسیزمه‌وه‌ به‌یان کردنیان. به‌ڵام ئه‌م هه‌وڵانه‌ ناتوانن ئامانجى درێژیان هه‌بێت به‌ڵکو ئه‌و میزه‌ڵانه‌ى زۆر زۆر قه‌باره‌ى گه‌وره‌ کراوه‌ به‌ بچوکترین ده‌رزى ئاژن کردن له‌ت و په‌ت ده‌بێت. ئیتر ته‌نها له‌لاى نزار عبدالله‌ و هاوڕێکانى ئه‌و سه‌رچاوه‌ پاک و بێگه‌رده‌یه‌و گه‌ڕانه‌وه‌ بۆى به‌مرادیان ئه‌گه‌یه‌نێت.

داماوى ئه‌م ده‌سته‌یه‌ له‌وه‌ دایه‌ ، به‌هه‌موو دووعا خوێندنێک ده‌ڵێن ئامین. له‌به‌رئه‌وه‌ى جیابوونه‌وه‌ى بزوتنه‌وه‌ى بنیات نان له‌ (حککع)دا دابڕان نىیه‌. یان جیاوازى بنه‌ڕه‌تى یان نىیه‌ به‌ڵکو کێشه‌ له‌سه‌ر ئاستى که‌سێتى یه‌و هیچى تر. له‌م سۆنگه‌یه‌وه‌(نزار عبدالله‌) جارێکى تر ده‌ڵێت [ مه‌نسوری حیکمت و هاوڕێکانى و سه‌رجه‌م ئه‌و خه‌ته‌ سیاسىیه‌ فکریه‌ى له‌لایان ئه‌وانه‌وه‌ ته‌رح کرا وه‌کو خه‌تى سیاسى و فکرى بزوتنه‌وه‌ى چه‌پى کۆمۆنیستیش له‌ عێراق قبوڵ کرا. ل6-ژماره‌(8)-په‌یامى کۆمۆنیزم-هه‌مان ووتار ] به‌م پێ یه‌، که‌واته‌ له‌ناو بزوتنه‌وه‌که‌ى خۆیاندا و لێره‌دایه‌ک لایه‌نى ڕوونى و ئاشکراى ئه‌م باڵه‌ ده‌رده‌که‌وێت ئه‌ویش ئه‌وه‌یه‌ که‌ته‌نها له‌ڕووى که‌سێتى یه‌وه‌ و چه‌ند ئه‌ندامێک جیابوونه‌ته‌وه‌و هیچى تر ئه‌گینا دابڕانى میتۆدى و ڕامیارى وهزرى هیچ بناغه‌یه‌کى نه‌بووه‌. له‌به‌رئه‌وه‌یه‌ ئه‌مانیش له‌هه‌مان کاتدا ته‌نگژه‌ى ڕابردوو به‌رهه‌م ده‌هێنێته‌وه‌و ناتوانێت ئاسۆى بزوتنه‌وه‌که‌ به‌ئاسۆیه‌کى شۆڕشگێڕانه‌و جیاوازدا بگۆڕن و بزوتنه‌وه‌که‌ شیان بخه‌نه‌ ئاستێکى ترى به‌ره‌نگاربوونه‌وه‌، وه‌ ئه‌م جۆر و بابه‌ته‌ ته‌نها له‌خه‌ون و خه‌یاڵه‌کانى وورده‌ بۆرژوازیدا ڕه‌نگاو ڕه‌نگ ده‌بن. هه‌ربۆیه‌ له‌سه‌ر پایه‌ى بنه‌ڕه‌تى و سروشتى ماددى و له‌ناو بزوتنه‌وه‌که‌دا زۆربێ ئاسۆو بێ پشتگیرن. ئه‌گه‌ر (ک.ک)مه‌رج و پایه‌ى ڕامیارى و هێڵى هزرى و میتۆدى چه‌په‌. ئه‌بێت نزار عبدالله‌ و هاوڕێکانى له‌چ شوێنێکه‌وه‌ و به‌چى پێوه‌رێک جیاوازى به‌یان بکه‌ن و جیاوازى یه‌کانیان به‌چ ئاستێک ده‌بێت! بێگومان ئه‌گه‌ر باسى کێشه‌ى ڕامیارى بکه‌ن، ئه‌وه‌ له‌ پێشه‌وه‌ ڕوونمان کردووه‌ته‌وه‌، که‌ته‌نها له‌ بیرمه‌ندانى میتافیزێک به‌ئاوه‌زیدا دێت و ده‌ڕوات که‌به‌و جۆرو ناوه‌ڕۆکه‌ى ئه‌وان به‌یانى جیاوازى سیاسى بکات. چونکه‌ بێ ئه‌وه‌ى سه‌رچاوه‌ى له‌دوو هزرى جیاوازه‌وه‌ وه‌رگرتبێ، یه‌ک ئاسۆى هزرى ڕامیارى، ته‌نها یه‌ک ڕامیاریزم ده‌بات به‌ڕێوه‌. له‌به‌رئه‌وه‌ى ڕامیاریستى جیاواز له‌یه‌ک ئاسۆى هزرىیه‌وه‌ دروست نابێت.

له‌م سۆنگه‌یه‌وه‌ ڕوون و ئاشکرایه‌که‌ به‌ره‌نگارى بوونه‌وه‌کانى ئه‌وان، له‌به‌رامبه‌ر ڕه‌وه‌نده‌کانى ده‌ره‌وه‌ى (ک.ک)ى له‌هیچ ووتارو باسێکدا بوونى نىیه‌. چونکه‌ هه‌تا ئێستاش (ک.ک)ى به‌ندى جیاوازىیه‌کانیان له‌گه‌ڵ مارکسیزم و له‌گه‌ڵ ڕه‌وه‌نده‌کانى ترى ئانارشیزم و سه‌ندیکالیزم و لیبرالیزم و ڕیڤیژینزمى ناو بزوتنه‌وه‌که‌ درک پێ نه‌کردووه‌و به‌ڵکو زۆر جاریش خۆیان له‌به‌ره‌ى دژى ئه‌م ووته‌ زایانه‌ ده‌ربڕیووه‌. به‌ڵام له‌لایه‌کى تره‌وه‌ هه‌ڵپێچى سیاسه‌ت و بڕواکانیان بووه‌. له‌به‌رئه‌وه‌ىمیتۆدى (ک.ک) ى فێرى کردوون، ئیتر سه‌نگه‌رى ئه‌وان له‌به‌رامبه‌ر ڕیڤیژینزم دانىیه‌. بۆیه‌ نه‌یان توانیوه‌ ئه‌وه‌ ده‌رببڕن که‌دژایه‌تى کردنى ڕیڤیژینزم له‌هه‌مان کاتدا دژایه‌تى کردنى سه‌رمایه‌دارى یه‌و ناتوانرێت له‌پراکتیکى ڕامیاریستیدا لێی داببڕێت.

هه‌روه‌ها ناتوانێت له‌سه‌ره‌تاى دروست بوون و گه‌شه‌داریدا و بۆ کاته‌کانى دواتریش هه‌موو لایه‌نى هزرىیه‌ لاده‌رو وورده‌ بۆرژوازییه‌کانى ناو بزوتنه‌وه‌ى چینى کرێکار به‌ته‌واوى بنه‌بڕ بکه‌یت و هیچ ئه‌ندامێکیان پێوه‌گیر نه‌خواردبێت. چونکه‌ له‌ئێستادا (کاتى نووسنى ئه‌م په‌رتووکه‌) له‌سه‌ر هێڵى سه‌ره‌تایى بڵاوکردنه‌وه‌ى ئاسۆو ئامانجه‌کانى، هه‌روه‌ها ئه‌و لایه‌نه‌ لاده‌رانه‌ى ناو بزوتنه‌وه‌که‌ش ژیانیان له‌گه‌ڵ ژیانى سه‌رمایه‌داریدایه‌ و له‌گه‌ڵ کارو کردارى سه‌رمایه‌داریدا، هاوجووت بۆ سیسته‌مه‌که‌ یان و ته‌مه‌ن درێژى هه‌وڵه‌کانى خۆیان ده‌ده‌ن.

(ک.ک)ى وه‌ک لایه‌نێکى ناو بزاڤى ڕیڤیژینیزمى، ناتوانێت شه‌ڕى ڕیڤیژینزم بکات چونکه‌ ناتوانێت له‌ میتۆدو مۆراڵى ڕامیارى و بیۆس پۆلیتیکۆس و فه‌لسه‌فى پراکتیکى و بیۆس تیوریتیکوس(ژیانى تیۆرى)ى ڕیڤیژنیزم تێ په‌ڕێت.

به‌ڵام ئێمه‌ شه‌ڕى یه‌که‌ممان تاکۆتاى له‌گه‌ڵ سه‌رمایه‌داریدا هاوتایه‌ له‌گه‌ڵ شه‌ڕى ڕیڤیژنیزمدا. به‌م پێ یه‌ ناتوانرێت کۆتایى به‌شه‌ڕى خۆت بهێنیت یان ئه‌و شه‌ڕه‌ نه‌که‌یت له‌گه‌ڵ ڕیڤیژنیزم داو بڵێیت شه‌ڕى سه‌رمایه‌دارى ده‌که‌م. واته‌ ناکرێت ئه‌و دوولایه‌نه‌ى سیسته‌مى سه‌رمایه‌دارى دژبه‌ بزوتنه‌وه‌ى چینى کرێکارو ئه‌رکه‌ مێژووییه‌که‌ى لێک جودا بکه‌یته‌وه‌. چونکه‌ جوداکردنه‌وه‌یان زیندووکردنه‌وه‌و هێز په‌یداکردنه‌ بۆ هه‌ردوولایان که‌له‌یه‌ک پێکهاته‌ى سیاسى و کۆمه‌ڵایه‌تیدا دروست بوون. که‌واته‌ (ک.ک)ى ئه‌مه‌ فۆرمه‌که‌ بێت ده‌بێت به‌ره‌نجامى هه‌وڵه‌کانى بۆ کام چین بێت و له‌گه‌ڵ چ به‌رژه‌وه‌ندییه‌کیاندا بێت؟! بێگومان وه‌ڵامه‌کانى له‌پێشتردا دراونه‌ته‌وه‌. له‌لایه‌کى تره‌وه‌ قسه‌ى نزار و هاوڕێکانى له‌سه‌ر (حککع) له‌سه‌ر ئه‌و لایه‌نه‌ بێت که‌ (حککع) بڵێت باسه‌کانى کۆمۆنیزمى کرێکارى و ئه‌ویتریشیان بڵێت بزوتنه‌وه‌ى کۆمۆنیزمى کرێکارى، به‌کارهێنانى ئه‌م دوو ووته‌زایه‌، ناتوانێت له‌و ڕاستىیه‌ که‌م بکاته‌وه‌ که‌ ئه‌م دوولایه‌نه‌ هیچ جیاوازىیه‌کیان له‌گه‌ڵ یه‌کتریدانىیه‌و، له‌م سۆنگه‌وه‌ دابڕانیان پێک نه‌هێناوه‌. چونکه‌ ڕوون و ئاشکرایه‌ باسه‌کانى (ک.ک)ى بزوتنه‌وه‌ى خۆى هه‌یه‌و هه‌روه‌ها بزوتنه‌وه‌ى (ک.ک)یش باس و به‌ڵگه‌نامه‌ى خۆى هه‌یه‌.به‌پێی هه‌موو ئه‌و ده‌سته‌واژانه‌و به‌ڵگه‌نامه‌و به‌رنامه‌کانیان ئیتر هیچ لایه‌کیان ناتوانێت بێ ده‌ربڕینى هه‌ردوو ڕووى پێکهێنه‌رى باس و به‌ڵگه‌ نامه‌و بزووتنه‌وه‌که‌ى وه‌ڵامى ڕۆشن و ماددى عه‌ینى به‌کێشه‌کانى بزوتنه‌وه‌ى چه‌پ بن.

لێره‌وه‌ ده‌رده‌که‌وێت هه‌وڵ و ئنرژىیه‌کانى بزووتنه‌وه‌ى بنیات نان…….. ناکامه‌ و جیابوونه‌وه‌یان کردووه‌ به‌ڵام دابڕانیان له‌هه‌مان میتۆد ئه‌نجام نه‌داوه‌. چونکه‌ به‌ڵگه‌ى هه‌موو جیاوازیه‌کیش دابڕانى ئێستایه‌ له‌گه‌ڵ ناوه‌ڕۆکى پێک هاتى پێشوودا. بۆ نموونه‌ به‌رنامه‌ یه‌کێک له‌سه‌ر چاوه‌گرنگه‌کانى جیاوازىیه‌. چونکه‌ به‌رنامه‌ تیۆه‌ئاڵان ده‌ربڕى پێکهات و داخوازى چینایه‌تى و ئامانجى مێژوویى ئه‌و چینه‌ ده‌رده‌خات.

له‌سه‌ر جه‌مى بێژان و نووسراوویاندا ئه‌مان له‌ ڕووى به‌رنامه‌شه‌وه‌ جیاوازنین له‌گه‌ڵ (حککع) و هه‌روه‌ها نه‌شیان توانیوه‌ ته‌نها یه‌ک خاڵ له‌ بڕگه‌کانى به‌رنامه‌که‌ زیاد بکه‌ن یان که‌م بکه‌نه‌وه‌.

نزار عبدالله‌ له‌ ووتارى (به‌رنامه‌و حیزبیه‌تى کۆمۆنیستى)دا ده‌ڵێت [ هێڵه‌ سه‌ره‌کیه‌کانى به‌شى لانى زۆرى ئه‌م به‌رنامه‌یه‌ دووپات کردنه‌وه‌یه‌کى ترى باوه‌ڕو ئامانج و پڕه‌نسیپه‌کانى مانیفێستى کۆمۆنیسته‌. هه‌روه‌ها جیهان بینى یه‌کى به‌رنامه‌یى مارکسیستى سه‌باره‌ت به‌ڕووداوه‌کان و ئه‌و ئاڵۆو گۆڕه‌ سه‌ره‌کیانه‌ى که‌پێشتر و له‌به‌شى یه‌که‌مى ئه‌م ووتاره‌ دا باسم کرد له‌ خۆگرتووه‌. به‌تایبه‌تى و به‌دیاریکراوى بزوتنه‌وه‌ى کۆمۆنیزمى کرێکارى وه‌کو بزوتنه‌وه‌ى یه‌کى ماددىو چینایه‌تى کرێکاران پێناسه‌ کردووه‌و له‌کۆمۆنیزم و سۆشیالیزم ى بۆرژوازى جیاى کردۆته‌وه‌ …… (ل8-ژماره‌-12-په‌یامى کۆمۆنیزم)] جیانه‌بوونه‌وه‌یان له‌گه‌ڵ به‌رنامه‌و په‌ره‌نسیپه‌کانى کۆمۆنیزمى کرێکارى به‌ڵگه‌ى دانه‌بڕانىئه‌و دولایه‌نه‌یه‌ هه‌روه‌ها یه‌ک فۆرمى به‌ڵگه‌ى ئه‌وه‌شه‌ یه‌ک په‌ره‌نسیپ و یه‌ک ستراتیژ هه‌یه‌. 

کاڵ مافى ئه‌و ده‌سته‌یه‌و (حککع) به‌یان کردنى به‌رنامه‌یه‌کى سۆشیال دیموکراتى و تێکه‌ڵه‌ى لیبرالیزم، به‌ به‌رنامه‌یه‌کى مارکسیستىبه‌ڵگه‌ى داماوى چه‌پى عێراق و ئێرانه‌، نه‌بوونى درک و تێروانینى مارکسیستى یانه‌یه‌ له‌باره‌ى جیهان و په‌ره‌نسیپه‌کانى ده‌ووروو وبه‌ریان. له‌به‌رئه‌وه‌ى به‌رنامه‌ى (دنیاى باشتر) به‌بێ پرسیار هه‌ڵیان بژاردووه‌و له‌ پراکسیسى بیۆس پۆلیتیکۆس ى خۆیاندا هه‌ڵیان گرتووه‌، هه‌روه‌ها ناتوانا بوون له‌ تێگه‌یشتنى مانیفێستى کۆمۆنیستى مارکس و ئه‌نگلز وپایه‌ى جیاوازى ئه‌و دووبه‌رنامه‌یه‌ له‌به‌ڵگه‌ى هزرى و میتۆدى جیاوازىیانه‌ وه‌ به‌ده‌ربخه‌ن، چونکه‌ مانفێست به‌ڵگه‌یه‌کى ترى دیدگاو جیهان بینى چینایه‌تى و خه‌باتى چینایه‌تى چینى کرێکاره‌ بێجگه‌له‌وه‌ى که‌ ئاسۆو ئامانجه‌کانى خه‌بات و تێکۆشانى ئه‌وچینه‌ له‌ به‌رامبه‌ر سیسته‌مى سه‌رمایه‌دارى و پێک هاتى کۆمه‌ڵایه‌تى ئه‌و چینه‌دا ده‌خاته‌ ڕوو و ئامانجى به‌یانى ژێره‌و ژوورکردنى ئه‌و سیسته‌مه‌یه‌. به‌ڵام به‌رنامه‌ى (دنیاى باشتر) نه‌یتوانیوه‌ کارلێکه‌رییه‌کانى وورده‌ بۆرژوازى ئه‌وروپى له‌سه‌ر ناوه‌ڕۆکى به‌رنامه‌ى خۆى لابدات و له‌به‌رامبه‌ر کێشه‌ى کۆمه‌ڵایه‌تى چینایه‌تى و نه‌ته‌وایه‌تى یه‌کاندا، هه‌ڵوێستى پێچه‌وانه‌ى لیبرالیزم له‌ ئه‌ستۆ بگرێت. به‌هیچ واتایه‌ک هه‌تا له‌سه‌ر ئاستى شیکردنه‌وه‌ى سیسته‌مى سه‌رمایه‌دارى نه‌یتوانیوه‌ لێکدانه‌وه‌یه‌کى مارکسیستى به‌رجه‌سته‌ بکات و کارامه‌ نه‌بووه‌ تاپایه‌ى کۆمه‌ڵایه‌تى و چینایه‌تى چینى کرێکار له‌به‌رامبه‌ر سه‌رمایه‌داریدا دیارى بکات و ده‌وورى مێژوویى ئه‌و چینه‌ ده‌ست نیشان بکات، وه‌ک تاقه‌ چینى شۆڕشگێڕ.

نزارعبدالله‌ ئه‌وه‌نده‌ کوێر کوێرانه‌ ڕه‌دووى به‌رنامه‌ى دنیاى باشتره‌ که‌وتووه‌، نه‌یتوانیوه‌ له‌ لێک دانه‌وه‌ کانیدا جیهان بینىو دیدێکى ڕوون و ئاشکراى ماددى و بابه‌تى و سروشتى ماددى به‌کاربه‌رێت. 

هه‌روه‌ها ئه‌م کرده‌یه‌و به‌کارهێنانه‌ ته‌نها ئاکارى ئه‌م لایه‌نه‌ نىیه‌ به‌ڵکو ئاکارى ئه‌و لایه‌نانه‌ى تربوو که‌ ڕه‌دووى (ک.ک) که‌و تبوون. له‌م سۆنگه‌یه‌وه‌ ناوه‌ڕۆکى ووتاره‌کانى نزار عبدالله‌ ته‌نها بۆ به‌ڵگه‌هێنانه‌وه‌ى په‌یوه‌ست بوون به‌ (ک.ک) و دابڕان له‌ (حککع)وه‌ جێ به‌جێ ده‌کران و ده‌رده‌بڕان. به‌ڵام ئه‌و ووتانه‌ زیاتر کاڵ فامى یان پێوه‌ دیاره‌ تاوه‌کو به‌رچاو ڕۆشنى و هۆشیار بونێکى مارکسیستى یانه‌. هه‌روه‌ها (نزار عبدالله‌) ده‌ڵێت [ به‌رنامه‌ى دنیاى باشتر خۆپارێزى کردووه‌ له‌ باسکردنى ئیمپریالیزم و هه‌روه‌ها ناڕۆشنى هه‌یه‌ له‌ په‌یوه‌ندى کردنى هێڵى به‌رنامه‌یى و په‌یوه‌ندى پراکتیکى و ئاسۆى خه‌باتى چینایه‌تى و به‌رنامه‌که‌یدا] لێره‌دا نووسه‌ر به‌ڵگه‌ى ئه‌وه‌ش ده‌دات که‌ ئه‌و به‌رنامه‌یه‌ ناچێته‌وه‌ سه‌ر هێڵه‌ فکرى و سیاسى و چینایه‌تى یه‌کانى ناو مانفێست. به‌ڵگه‌ى ئه‌وه‌یه‌ که‌ ئه‌و به‌رنامه‌یه‌ ناتوانێت به‌رنامه‌ى بزوتنه‌وه‌ى چینایه‌تى چینى کرێکارو کۆمۆنیسته‌ زانستىیه‌کان بێت. ته‌نها به‌ڵگه‌ى به‌رنامه‌یه‌کى وورده‌ بۆرژوازى یه‌و دووره‌ له‌ ئامانجى شۆڕشى چینى کرێکار. به‌رنامه‌ى دنیاى باشتر له‌ هه‌ر دووبه‌شه‌که‌یدا ناڕۆشنى و بێجگه‌له‌ وه‌ى که‌له‌ به‌شى یه‌که‌مدا چه‌ند پێناسه‌یه‌کى سه‌رپێ یانه‌ى بۆ ووته‌زاو لایه‌نه‌ کۆمه‌ڵایه‌تى و سیاسى و ئابوورىیه‌کانى دنیاى ئێستاو کۆمۆنیزمى کردووه‌و سپاردوویه‌تى به‌ جێ به‌جێ بوونى به‌شى دووه‌مى به‌رنامه‌که‌ى که‌له‌به‌شى دووه‌میشدا به‌لایه‌نى ڕیفۆرم کردنى سه‌رمایه‌داریدا ئاکارى ڕامیارى خۆى ڕێچکه‌ پێداوه‌. دروست بوونى دیکتاتۆریه‌تى پرۆلیتاریاى له‌چوار چێوه‌ى کرده‌یه‌کى ڕیفۆرم کراوى سه‌رمایه‌دارى ناوزه‌ند کردووه‌.ئه‌مانه‌و زۆرێکى تریش له‌ وورده‌کارى تر که‌ به‌هه‌ڵه‌و لیبرالیانه‌ به‌یانى هه‌موو لایه‌نه‌کانى ترى کردووه‌… بێگومان ئه‌و باسه‌ش شوێنێکى تایبه‌ت و په‌رتوکێکى تایبه‌تى ده‌وێت که‌ لێره‌دا شوێن و کاتى ئه‌وه‌مان نىیه‌ زه‌مه‌ن یاربێت ئه‌وه‌ش هه‌ڵده‌گرین بۆ هه‌وڵێکى تروله‌ شوێنێکى تردا. 

به‌ڵام له‌لایه‌کى تره‌وه‌ له‌لاى نزار عبدالله‌ و هاوڕێکانى به‌رنامه‌ى ڕاست ودرووستیانه‌. ئه‌مانه‌ش ئه‌وه‌ ده‌رده‌خه‌ن و ده‌رده‌که‌وێت که‌چه‌پ و له‌ناویاندا (ک.ک)ى نه‌یتوانیوه‌ له‌ گێژاوى ناکامڵى و که‌م مافى دوور بکه‌ونه‌وه‌و درکى ڕۆشنیان له‌سه‌ر ناوه‌ڕۆک و فۆرمى به‌رنامه‌ جیاوازه‌کان هه‌بێت.هه‌روه‌ها دوباره‌ کردنه‌وه‌شیان به‌ڵگه‌ى خۆبه‌ ده‌سته‌وه‌دانى ئه‌م لایه‌نه‌و (حککع)ه‌ به‌ به‌رنامه‌و ستراتیژى کۆمۆنیزمى کرَکارى.

نزار عبدالله‌ له‌هه‌مان ووتاردا ده‌ڵێت [ ئه‌و هێڵه‌ سه‌ره‌کیانه‌ى له‌وێدا هاتوون هێڵى سه‌ره‌کى به‌رنامه‌یه‌کى ئه‌نته‌ر ناسیوناڵى ئه‌مڕۆیه‌و به‌هه‌مان ماناوه‌ ده‌کرێ هێڵى سه‌ره‌کى به‌رنامه‌ى بزوتنه‌وه‌ى کۆمۆنیزمى کرێکاریش له‌ عێراق پێک بهێنێ. بزوتنه‌وه‌ىبنیات نانى حیزبى کۆمۆنیزمى کرێکارى-عێراق هه‌ر له‌سه‌ره‌تاوه‌ ته‌ئکیدى له‌سه‌ر هێڵه‌ سه‌ره‌کى و بنچینه‌یى کانى ئه‌و به‌رنامه‌یه‌ کردۆته‌وه‌و سه‌ره‌ڕاى هه‌رتێ بینى یه‌ک که‌ هه‌ریبوبێت به‌هێڵى به‌رنامه‌ى خۆى زانیوه‌.(ل8-ژماره‌ 12-په‌یامى کۆمۆنیزم) ] لێره‌دا ئه‌وه‌ده‌ر ده‌که‌وێت که‌ ئاستى خۆبه‌ده‌سته‌وه‌دانى ئه‌م به‌ڕێزانه‌ بۆ (ک.ک)ى ماناى دیالێکتیکى له‌ ناوه‌ڕۆکى هه‌ڵبژاردنى به‌رنامه‌ هه‌ڵ بچڕیوه‌و دوورى خستووه‌ ته‌وه‌ له‌وه‌ى که‌ مرۆڤ به‌ پرسیارو هه‌ڵسه‌نگاندنه‌وه‌ به‌رنامه‌یه‌ک قبووڵ بکات. ئه‌و چه‌ند ووته‌ بێژانه‌ى که‌ له‌ سه‌رده‌مى پێش ئه‌و به‌رنامه‌یه‌ کراوه‌و به‌رنامه‌ى دنیاى باشتر کراوه‌ به‌ فۆڕمێکى زیندوو جیهانى کێشه‌یه‌کى دوور له‌ زانستى و ماددى سروشتى ئه‌مڕۆکه‌ى جیهانه‌. چونکه‌ ئه‌و به‌رنامه‌یه‌ ئه‌وه‌نده‌ى ناوه‌ڕۆکى میتۆد و ڕامیارى له‌ خواستى چینایه‌تى لیبرالیزمى هه‌ڵگرتووه‌، له‌گه‌ڵ ڕامیارى و ئامانجه‌کانى به‌رنامه‌ى کۆمۆنیستى زانستى و چینى کرێکاردا جووت نىیه‌. هه‌موو ئه‌و باسانه‌ى سه‌ره‌وه‌ به‌ڵگه‌ن بۆ ئه‌وه‌ى که‌ جیا بوونه‌وه‌کانى ناو (حککع) له‌و کاته‌دا جیابوونه‌وه‌یه‌کى بێ ناوه‌ڕۆکه‌ و کێشه‌ى که‌سێتى و وه‌رگرتنى پایه‌و پله‌ى حیزبى پێوه‌ دیاره‌و ناوه‌رۆکى جیابونه‌وه‌کانه‌. دووره‌ له‌ هه‌ڵبژاردنى زانستى یانه‌ى به‌رنامه‌یى و میتۆدى زانستى وگونجاو بۆ ڕابه‌رى بزوتنه‌وه‌ى چینى کرێکار. 

چونکه‌ جیابوونه‌وه‌ به‌ماناى دابڕان له‌به‌رنامه‌و بیۆس پۆلیتیکۆس و ئامانجى ڕابردوو ئه‌نجام نه‌دراوه‌. به‌ڵکو دووباره‌ کردنه‌وه‌ى هه‌مان پراکتیک و تیۆرى و ئامانجه‌که‌ (ک.ک)ى هه‌ڵیگرتووه‌.

 

  • 1